Bandarísku körfuboltamennirnir Justin Shouse og Darrell Flake fengu í dag úthlutað íslenskum ríkisborgararétti hjá Allsherjanefnd Alþingis og nú er að sjá hvort að landsliðsþjálfarinn Peter Öqvist vilji nota þá í A-landsliðið.
Þeir Justin Shouse og Darrell Flake eiga báðir að baki farsælan feril í íslensku úrvalsdeildinni og hefur Shouse verið í hópi bestu leikmanna deildarinnar undanfarin ár.
Justin Shouse hefur leikið hér á landi síðan að hann gekk til liðs við Drang í Vík í Mýrdal veturinn 2005-2006 en hann hefur leikið með Stjörnunni undanfarin þrjú tímabil. Shouse lék einnig með Snæfellingum í tvö tímabil.
Darrell Flake hefur leikið hér með hléum frá því að hann kom fyrst til KR-inga veturinn 2002-2003. Hann hefur leikið með KR, Fjölni, Tindastól og Skallagrími þar sem hann hefur spilað undanfarin tímabil.
Justin Shouse og Darrell Flake orðnir Íslendingar
Óskar Ófeigur Jónsson skrifar

Mest lesið








Reif Sæunni niður á hárinu
Íslenski boltinn

Lárus sagði leikmenn ÍA hætta og stjórnendur sofa á verðinum
Íslenski boltinn
