Innlent

Jón Baldvin ekki kjörinn í póstkosningu

Ingibjörg Sólrún og Jón Baldvin á landsfundi Samfylkingarinnar í Egilshöll vorið 2007.
Ingibjörg Sólrún og Jón Baldvin á landsfundi Samfylkingarinnar í Egilshöll vorið 2007.
Ljóst er að Jón Baldvin Hannibalsson, fyrrverandi formaður Alþýðuflokksins, verður ekki kjörinn formaður Samfylkingarinnar í póstkosningu bjóði hann sig á annað borð fram. Samkvæmt lögum flokksins er hann of seint á ferðinni með framboðshugleiðingar sínar til að svo megi verða, en hann getur boðið sig fram á landsfundi flokksins í mars.

Jón Baldvin sagði í gær að Ingibjörg Sólrún Gísladóttir ætti að axla ábyrgð og víkja sem formaður Samfylkingarinnar. Sjálfur kvaðst hann styðja Jóhönnu Sigurðardóttur til að leiða flokkinn en ef gert yrði einhverskonar systralag til að hylma yfir ábyrgð væri hann tilbúinn að gefa kost á sér til forystu. Í framhaldinu sagðist Jóhanna styðja Ingibjörgu. Sjálf sagðist Ingibjörg ekki hafa tekið ákvörðun um að hætta.

Formaður kjörinn í póstkosningu eða á landsfundi

Samkvæmt lögum Samfylkingarinnar skal formaður flokksins kjörinn í allsherjaratkvæðagreiðslu meðal allra skráðra félagsmanna sé farið fram á það eigi síðar en 45 dögum fyrir boðaðan landsfund. Landsfundur flokksins hefst eftir 39 daga en hann fer fram dagana 26. til 29. mars. Fari ekki fram póstkosning skal formaður kjörinn á landsfundi til tveggja ára í senn.

Formannsslagur 2000 og aftur 2005

Tvívegis hafa farið fram kosningar um embætti formanns Samfylkingarinnar og fór fram póstkosning í bæði skiptin. Össur Skarphéðinsson sigraði Tryggva Harðarsson auðveldlega í kosningu í aðdraganda stofnfundar Samfylkingarinnar árið 2000. Fimm árum síðar felldi Ingibjörg Sólrún Össur svila sinn úr formannsstóli. Hún var sjálfkjörin sem formaður á landsfundi flokksins vorið 2007.




Tengdar fréttir

Öldungar hafa gefist vel, segir Jón Baldvin

Jón Baldvin Hannibalsson segir að framundan sé stríð upp á líf og dauða um örlög þjóðarinnar. Hann segist tilbúinn að gefa kost á sér til forystu og vitnar í Bryndísi þegar hann segist vera við hestaheilsu.

Jóhanna taki við af Ingibjörgu - útilokar ekki framboð til formanns

Jón Baldvin Hannibalsson, fyrrverandi formaður Alþýðuflokksins, segir að Ingibjörg Sólrún Gísladóttir eigi að víkja sem formaður Samfylkingarinnar og kveðst styðja Jóhönnu Sigurðardóttur til að taka við. Ef Ingibjörg víki ekki fyrir Jóhönnu kveðst Jón Baldvin reiðubúinn að bjóða sig fram sjálfur til forystu í flokknum. Þetta kom fram á fundi sem Alþýðuflokksfélag Reykjavíkur, Samfylkingarfélag, hélt í Rúgbrauðsgerðinni við Skúlagötu í dag.

Jóhanna undrast ummæli Jóns - styður Ingibjörgu

Jóhanna Sigurðardóttir, forsætisráðherra, undrast ummæli sem Jón Baldvin Hannibalsson, fyrrverandi ráðherra, lét falla á fundi Alþýðuflokksfélags Reykjavíkur fyrr í dag.

Skotinn í Skallagrími

Jón Baldvin Hannibalsson biðlar til Vinstri grænna um framhald stjórnarsamstarfs og kveðst vera pólitískt skotinn í Skallagrími. Vinstri grænir verði hins vegar að átta sig á því að Evrópusambandið sé hluti af lausninni.

Björn: Þagnarmúr um formannssæti rofinn

Framganga Jóns Baldvins verður líklega til að skapa enn meira los innan forystusveitar Samfylkingarinnar, að mati Björn Bjarnasonar fyrrverandi ráðherra. Björn segir í pistli á heimasíðu sinni að með yfirlýsingum sínum í gær hafi Jón Baldvin gefið flokksmönnum leyfi til að ræða um formennsku og forystu Ingibjargar Sólrúnar á annan veg en áður.

Jón Baldvin reyni á styrk sinn í prófkjöri

Ungir jafnaðarmenn lýsa yfir óskoruðum stuðningi við Ingibjörgu Sólrúnu Gísladóttur sem formann Samfylkingarinnar. Tilefni yfirlýsingarinnar eru orð Jóns Baldvins Hannibalssonar um að hún ætti ekki að gefa kost á sér áfram.

Jón stendur ekki fyrir endurnýjun - leiddi Sjálfstæðisflokkinn til valda

Í ljósi forsögunnar ætti Jón Baldvin að láta Jóhönnu Sigurðardóttur um að tala fyrir sig sjálfa, segir Ingibjörg Sólrún Gísladóttir. Hún telur að standi vilji Samfylkingarinnar til þess að endurnýja forystu flokksins þá standi Jón Baldvin ekki undir því.

Formennska Jóns styrkti ekki Alþýðuflokkinn

,,Fyrr í vikunni ritaði ég grein í Morgunblaðið og rifjaði upp, að formennska Jóns Baldvins í Alþýðuflokknum styrkti ekki flokkinn, hann mældist með 5% fylgi, þegar hann skreið í skjól Samfylkingarinnar í kosningbandalagi árið 1999," segir Björn Bjarnason, þingmaður Sjálfstæðisflokksins og fyrrverandi ráðherra, á heimasíðu sinni.

Jón Baldvin segir Davíð minna á Hitler í byrginu

Jón Baldvin Hannibalsson varpaði pólitískri sprengju í dag þegar hann krafðist þess að Ingibjörg Sólrún Gísladóttir axlaði pólitíska ábyrgð og viki sem formaður Samfylkingarinnar. Hann kvaðst styðja Jóhönnu Sigurðardóttur til að taka við en ef gera ætti systralag til að hylma yfir ábyrgð væri hann tilbúinn að gefa kost á sér til forystu.

Mest lesið


Fleiri fréttir

Sjá meira


×

Mest lesið