Innlent

Ingó um uppákomuna á Akranesi: Brjóst verða alltaf kynferðislega örvandi

Oddur Ævar Gunnarsson skrifar
Ljóst er að Ingóflur er ekki einn á þeirri skoðun þótt óhætt sé að segja að hann sigli á móti straumnum með skrifum sínum.
Ljóst er að Ingóflur er ekki einn á þeirri skoðun þótt óhætt sé að segja að hann sigli á móti straumnum með skrifum sínum. Vísir/Vilhelm
Tónlistarmaðurinn Ingólfur Þórarinsson, sem oftast er kallaður Ingó veðurguð, er ekki sammála baráttufólki sem berst fyrir frelsun geirvörtunnar um mikilvægi þess.

Þetta kemur fram í færslu Ingólfs á Facebook þar sem hann tjáir sig um uppákomuna í Akraneslaug þar sem sundlaugavörður gerði athugasemd við það að Diljá Sigurðardóttir væri ber að ofan í sundi.

Óhætt er að segja að uppákoman hafi vakið mikla athygli og sitt sýnist hverjum. Forstöðumaður íþróttamannvirkja á Akranesi hefur beðist afsökunar á uppákomunni og skoðað verði hvernig málum sé háttað í öðrum sundlaugum landsins. 

Þá hefur formaður Íþrótta- og tómstundaráðs Reykjavíkur tjáð sig um málið og áréttað að í höfuðborginni sé berbrjósta fólk velkomið.

„Free the nipple“ byltingin var afar áberandi árið 2015 og hefur í raun verið síðan. Menntaskólastúlkur gengu niður laugaveginn berbrjóstaþjóðþekktir einstaklingar sýndu stuðning í verki og stelpur fóru berbrjósta í sund.

Ingólfur gefur lítið fyrir ummæli Diljáar um að hún vilji breyta hugsunarhætti í samfélaginu og biðlar til fólks um að benda baráttufólki fyrir frelsun geirvörtunnar á þá staðreynd að það sé lífeðlisfræðileg skýring á því að brjóst séu kynferðislega örvandi.

Ljóst er að Ingólfur er ekki einn á þeirri skoðun þótt óhætt sé að segja að hann sigli á móti straumnum með skrifum sínum.



Fyrri færsla Ingólfs.
Þá segir Ingólfur að samfélagslegt gildismat hafi ekkert að gera með þá staðreynd að geirvarta kvenna sé hulin fötum, heldur snúist þetta einfaldlega um líffræði og náttúruval. Að því sögðu sé hann fylgjandi því að fólk hafi frjálst val hvernig það klæði sig.

Ýmsir hafa tjáð sig um ummæli Ingólfs og hafa heitar umræður sprottið þar upp. 

Erna Ýr Öldudóttir, fyrrum formaður framkvæmdaráðs Pírata sem sjálf fer berbrjósta í sund, bendir Ingólfi á að þegar hún var yngri hafi konur allajafna klætt sig minna heldur en nú og svo virðist vera sem konur séu orðnar enn íhaldssamari þegar kemur að klæðaburði en áður.

Uppfært klukkan 18

Ingólfur hefur eytt fyrri færslu sinni og skrifað nýja sem sjá má að neðan. Þar vill leggja áherslu á að hann sé hvorki ósammála réttindabaráttunni eða þeirrar skoðunar að konur eigi að vera í ákveðnum klæðnaði eða hylja sig.

„Það sem eg velti upp var pælingin hvort það væri möguleiki að breyta menningartengdum hugsunarhætti þegar hann myndi skarast við eðlisfræðilega þætti. Ég frábið mér að vera gerður að einhverjum talsmanni gegn einu né neinu,“ segir Ingó.

„Biðst afsökunar ef ég hef sært einhverja sem eru að berjast fyrir góðum hlutum; markmiðið var einungis og eingöngu að velta upp hinni hliðinni sem ég sá. Það má vel vera að hún sé röng.“

Þá er það upplifun Ingólfs að fyrri frétt Vísis hafi ekki verið skrifuð af hlutlægni og markmið hans hafi ekki verið að komast í fréttirnar með skrifum sínum.

Að neðan má sjá könnun meðal lesenda Vísis varðandi þetta heita málefni.


Tengdar fréttir




Fleiri fréttir

Sjá meira


×