Innlent

Hjón í fjárhagslegum erfiðleikum unnu 15 milljónir

Atli Ísleifsson skrifar
Hjónin greindu frá því að þau hafi verið í ströggli undanfarin ár og verið á milli húsnæða.
Hjónin greindu frá því að þau hafi verið í ströggli undanfarin ár og verið á milli húsnæða. V'isir/Vilhelm
Hjón sem hafa verið í fjárhagslegum erfiðleikum sóttu 15 milljón króna vinning sem þau höfðu unnið í lóttó um helgina í húsnæði Íslenskrar getspár í morgun.

Í tilkynningu segir að hjónin hafi greint frá því að þau hafi verið í vandræðum undanfarin ár og verið á milli húsnæða. „Þau búa núna hjá fjölskyldumeðlimi en hafa verið í greiðslumatsferli til að geta keypt sér eigin íbúð.

Þessi góði vinningur gat því ekki komið á betri tíma fyrir hjónin en þau hafa verið í tveimur vinnum í en nú ætla þau að segja upp aukavinnunni og láta eina vinnu duga,“ segir í tilkynningunni.




Fleiri fréttir

Sjá meira


×