Handtóku þroskahefta stelpu fyrir að vanhelga Kóraninn

Pakistanska lögreglan handtók um helgina ellefu ára gamla, þroskahefta stelpu, eftir að hópur folks í landinu sakaði hana um að hafa vanhelgað Kóraninn, trúarrit múslima. Hópurinn hótaði að brenna heimili kristinna manna fyrir utan Islamabad, höfuðborg landsins, en stúlkan er kristinnar trúar.

Yfirvöld í landinu segja að stelpan hafi ekki getað svarað spurningum lögreglunnar með fullnægjandi hætti. Foreldrar stelpunnar fengu lögregluvernd vegna hótana og margar kristnar fjölskyldur sem búa í nágrenni við hana hafa flúið heimili sín. Fréttastofa BBC segir að talið sé að stelpan sé með downs heilkenni.