Guðni Th. sendir Guðmundi, Degi og Þóri heillaóskir

Guðni Th. Jóhannesson, forseti Íslands, sendi í gær heillaóskir til handboltaþjálfaranna Dags Sigurðssonar, Guðmundar Þ. Guðmundssonar og Þóris Hergeirssonar í tilefni af því að lið þeirra náðu frábærum árangri á Ólympíuleikunum í Ríó.

Frá þessu segir í tilkynningu frá skrifstofu forsetans.

Dagur er þjálfari þýska karlalandsliðsins í handknattleik sem vann til bronsverðlauna, Guðmundur þjálfar danska karlalandsliðið sem landaði gulli og Þórir norska kvennalandsliðið sem náði bronsi.