Innlent

Gríðarlegt öskumistur á Suðurlandi

Jón Hákon Halldórsson skrifar
Gríðarlegt öskumistur lá yfir svæðinu við Vík í Mýrdal.
Gríðarlegt öskumistur lá yfir svæðinu við Vík í Mýrdal. mynd/ sigurjón ólason.
Gríðarlegt öskumistur var yfir fjöllunum austan við Vík í Mýrdal í dag. Á köflum var skyggnið á þjóðveginum ekki nema nokkrir tugir metrar á milli Víkur og Skaftafells og þurftu ökumenn að hægja á sér til að lenda ekki í ógöngum.

Mistrið lá yfir Suðurlandsundirlendinu og náði alla leið til Reykjavíkur, því eins og lesendur Vísis gátu lesið um fyrr í dag varaði Reykjavíkurborg við mögulegri svifryksmengun.

Askan sem þarna þyrlast um kemur af svæðinu við Grímsvötn þar sem gaus í fyrra.

Kristján Már Unnarsson fréttamaður á fréttastofu Stöðvar 2 og Sigurjón Ólason myndatökumaður voru á ferð um Suðurland í dag. Ferðinni verður gerð ítarleg skil í kvöldfréttum Stöðvar 2 í kvöld.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið