Graham Poll: Clattenburg giskađi ţegar hann dćmdi vítiđ á Man City

 
Enski boltinn
17:30 15. FEBRÚAR 2016
City-menn voru ekki sáttir međ Clattenburg í leiknum gegn Tottenham í gćr.
City-menn voru ekki sáttir međ Clattenburg í leiknum gegn Tottenham í gćr. VÍSIR/GETTY
Ingvi Ţór Sćmundsson skrifar

Graham Poll, fyrrum knattspyrnudómari, segir að Mark Clattenburg hafi gert stór mistök þegar hann dæmdi vítaspyrnu á Raheem Sterling í leik Manchester City og Tottenham á Etihad Stadium í gær.

Staðan var markalaus í hálfleik en á 53. mínútu fékk Tottenham umdeilda vítaspyrnu eftir að fyrirgjöf Dannys Rose fór í Sterling.

Clattenburg mat það sem svo að Sterling hefði fengið boltann í hendina sem var ekki að sjá í endursýningu. Harry Kane skoraði úr vítaspyrnunni og kom Tottenham yfir. Varamaðurinn Kelechi Iheanacho jafnaði metin á 74. mínútu en níu mínútum síðar tryggði Christian Eriksen tryggði Spurs sigurinn.

Poll, sem var lengi í fremstu röð enskra dómara, segir að Clattenburg hafi einfaldlega giskað á að boltinn hafi farið í höndina á Sterling í leiknum í gær.

„Mark Clattenburg er besti dómarinn í ensku úrvalsdeildinni en ég er hræddur um að hann hafi brotið hina gullnu reglu í dómgæslu þegar hann dæmdi víti á Man City,“ segir Poll í pistli sínum fyrir Daily Mail.

„Gullna reglan er sú að stundum gerast atvik sem þú sérð ekki. Svoleiðis er það bara. En getur ekki, MÁTT ekki, dæma á eitthvað sem þú heldur að hafi gerst.

„Í endursýningu sást að boltinn fór einfaldlega í bakið á Sterling. Clattenburg hlýtur að hafa giskað á þetta. Tottenham gæti unnið deildina vegna dómaramistaka,“ bætti Poll við og dró ekkert úr dramatíkinni.

Eftir úrslit gærdagsins er Tottenham aðeins tveimur stigum á eftir toppliði Leicester City á meðan City er sex stigum frá toppsætinu.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Graham Poll: Clattenburg giskađi ţegar hann dćmdi vítiđ á Man City
Fara efst