Innlent

Geysir gaus í gær af sjálfsdáðum

Tryggvi Páll Tryggvason skrifar
Sjaldgæft er núorðið að goshverinn heimsfrægi gjósi án aðstoðar.
Sjaldgæft er núorðið að goshverinn heimsfrægi gjósi án aðstoðar. Mynd/Halldóra Eldon
Geysir gaus í gær af sjálfsdáðum en sjaldgæft er núorðið að goshverinn heimsfrægi gjósi án aðstoðar.

Halldóra Eldon sem starfar á Hótel Geysi í Haukadal varð var við gosið og náði myndskeiði af gufunni sem steig til himins tugi metra upp í loftið. Hún segir þetta vera fátíðan atburð en eftir því sem fréttastofa kemst næst lifnaði Geysir við að einhverju leyti árið 2009.

„Ég hef starfað hérna í tvö ár og ég hef ekki séð hann gjósa áður,“ segir Halldóra sem fór þó oft þegar hún var yngri til þess að sjá Geysi þegar tíðkaðist að koma gosi af stað með því að setja sápu í Geysi.

Hún segir að starfsmenn hótelsins hafi þó orðið varir við það í tvígang í sumar að Geysir hafi gosið snemma morguns.

Geysir gaus um þrjúleytið í gær í blíðskaparveðri og voru fjölmargir ferðamenn á Geysissvæðinu þegar gosið átti sér stað og því ljóst að nokkrir ljónheppnir ferðamenn hafi dottið í lukkupottinn með því að fá að sjá Geysi gjósa.

En ekki hvað!

Posted by Halldóra Eldon on Sunday, 21 February 2016



Fleiri fréttir

Sjá meira


×