Innlent

Sinubruni í búgarðabyggðinni

Samúel Karl Ólason skrifar
Mikinn reyk bar frá sinubrunanum.
Mikinn reyk bar frá sinubrunanum.

Eldur kviknaði í sinu í búgarðabyggðinni svokölluðu milli Selfoss og Eyrarbakka í dag. Slökkviliðsmenn frá Brunavörnum Árnessýslu eru á vettvangi og hafa náð tökum á eldinum.

Milli tuttugu og þrjátíu slökkviliðsmenn hafa komið að því að kveða niður sinubrunann, sem kviknaði milli húsa á svæðinu. Svo virðist sem betur hafi farið en á horfðist.

Samkvæmt upplýsingum frá Brunavörnum Árnessýslu bar mikinn reyk yfir hesthús og önnur hús á svæðinu en eldurinn teygði ekki anga sína í húsin þó um tveir hektarar hafi brunnið.

Þá virðist sem reykurinn hafi ekki borist inn í húsin og að ekkert dýr hafi sakað vegna hans.

Slökkvilið Árborg Gróðureldar á Íslandi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið