Ekki lengur kátt á Klambra Oddur Ævar Gunnarsson skrifar 12. apríl 2024 07:01 Jóna Ottesen ásamt dóttur sinni Uglu Steingrímsdóttur á Klambratúni. Svo virðist vera sem barnahátíð verði ekki haldin framar á túninu. Vísir Skipuleggjendur barnahátíðarinnar Kátt á Klambra sem haldin hefur verið í fjórgang á Klambratúni leita nú að annarri staðsetningu fyrir hátíðina. Þeir segjast mæta fálæti og áhugaleysi hjá borgaryfirvöldum en hefur verið tekið opnum örmum hjá öðrum sveitarfélögum. „Við höfum unnið að því að endurvekja hátíðina aftur en lendum á vegg fyrir hátíðina 2023. Þá fáum við að heyra að Reykjavíkurborg vilji í raun og veru ekki leyfa okkur að loka svæðið af. Á fundi nú fyrir skipulagið 2024 er okkur tjáð að við fáum ekki leyfi til að halda þetta á Klambratúni í þeirri mynd sem við höfum gert áður,“ segir Jóna Ottesen einn skipuleggjenda í samtali við Vísi. Hátíðin var fyrst haldin árið 2016 og fram til ársins 2019 en lá svo í dvala árin á eftir vegna heimsfaraldurs. Jóna útskýrir að það fari ekki saman með hugmynd skipuleggjenda að barnahátíðinni að hafa svæðið opið öllum líkt og Reykjavíkurborg vilji. Þær útskýringar hafi verið gefnar að það sé stefna borgarinnar að allt sem gerist á Klambratúni og í Hljómskálagarðinum skuli vera opnir viðburðir. „Þau svona vildu ekki trúa okkar hugmyndafræði, vildu ekki koma til móts við okkur og í raun og veru þegar við sögðum að við þyrftum þá kannski að skoða önnur sveitarfélög var okkur eiginlega bara sagt að fólk hefði líka bara gott af því að kíkja í önnur sveitarfélög,“ segir Jóna. Ekki bara hoppukastali og ís Hún útskýrir að hátíðin snúist um að gera barnamenningu hærra undir höfði. Skipuleggjendur vilji gera töluvert meira en að henda bara upp hoppukastala og bjóða upp á frían ís. „Þetta byggist allt á því að virkja börn og foreldra og fjölskyldur til að taka þátt. Þetta er ekki bara skemmtun heldur er þetta þátttaka í fjölbreyttri listsköpun og menningarstarfi og snýst mikið um efla tengslamyndun fjölskyldunnar,“ útskýrir Jóna. „Við viljum náttúrulega hafa svæðið áfengislaust, tóbakslaust og tryggja að umhverfið sem við bjóðum upp á sé slysahættulaust fyrir börn. Líka þannig að foreldrar geti slappað af og kjaftað við aðra foreldra. Að börnin geti leikið, en líka tekið þátt í til dæmis föndurtjaldi, búið til konfekt í konfektbílnum, í allskonar smiðjum, ritlistar og tónlistarsmiðjum.“ Hátíðin sé það metnaðarfull að skipuleggjendur sjái sér ekki fært að halda henni úti á opnu svæði þar sem hver sem er geti gengið að henni, enda þurfi að rukka lítillega inn til að fjármagna hátíðina. Samstarfið við borgina hafi alltaf verið erfitt. „Það var alltaf óljóst hver átti að útvega okkur rafmagn, pláss, aðföng eins og bekki og borð. Reykjavíkurborg er náttúrulega mjög stórt batterí en okkur fannst leiðinlegt að þau gætu ekki hugsað aðeins út fyrir boxið og reynt að mæta okkur.“ Tekið opnum örmum annars staðar Hátíðin hefur farið fram síðustu helgina í júlí þegar börn eru í fríi. Enn hefur ekki verið ákveðið hvar hún verður og segir Jóna að þau vilji gefa sér góðan tíma í það. Það sé dýrt og tímafrekt að skipuleggja slíka hátíð og segir Jóna að skipuleggjendur vilji gefa sér tíma í að velja nýjan stað til að tryggja framtíð hátíðarinnar. „Þannig að vegna þessa þurftum við að hvolfa öllum okkar hugmyndum um Kátt á Klambra á Klambratúni og einmitt þess vegna erum við að skoða sævði bæði í Reykjavík sem gætu komið til greina en við höfum líka farið á fund með Hafnarfjarðarbæ og þar var okkur tekið opnum örmum.“ Úr kvöldfréttum Stöðvar 2 um hátíðina árið 2019: Jóna segir skipuleggjendur einnig eiga í viðræðum við Þrótt um að halda hátíðina mögulega í Laugardal. Það hafi verið allt annað að ræða sýn skipuleggjenda við stjórnendur í Hafnarfirði en í Reykjavík. „Það er bara allt annað eiga samtalið um hugmyndafræðina og að þau skilji það og vilji mæta okkur þar, í staðinn fyrir að í raun gera lítið úr okkur og setja okkur eitthvert, að því er liggur við út í horn án þátttöku sveitarfélagsins.“ Þurfi að hugsa ýmsa hluti upp á nýtt Jóna segir ljóst að skipuleggjendur þurfi að hugsa ýmsa hluti upp á nýtt þar sem hátíðin sé að fara á annan stað. Nafnið sjálft sé einmitt vísun í Klambratún. „En það er hægt að vera Kátt allsstaðar, þannig að við viljum sjá hvað er í boði. Hvað hentar okkar hugmyndafræði best, við viljum auðvitað vera á grænu svæði vegna þess að þetta snýst um að fjölskyldan sé úti að leika og hafi gaman, þannig við óskum bara eftir hugmyndum og staðsetningum á meðan við erum að þreifa fyrir okkur.“ Jóna segir heila málið vera það að þetta snúist um að hafa gaman saman. Þetta sé samfélagslegt verkefni þar sem fjöldi sjálfboðaliða taki þátt. Allir séu til, fjölskyldur og börn. „Þannig við finnum fyrir miklum meðbyr og það eru allir til í þetta en hjá Reykjavíkurborg benda bara allir á hvorn annan og það er enginn sem vill hoppa á það að taka þátt í þessu að fullu með okkur. Það er hægt að fylgjast með okkur á Instagram og Facebook, við erum mjög lifandi þar og munum upplýsa um það hvernig þetta þróast allt saman, því við ætlum að halda þetta í sumar, sama hvað.“ View this post on Instagram A post shared by KA TT A KLAMBRA (@katt_a_klambra_barnahatid) Reykjavík Hafnarfjörður Menning Börn og uppeldi Krakkar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir upp hjá RÚV og snýr sér að pólitík Innlent Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Dramatík þegar tveimur var tilkynnt um ólögleg framboð Innlent Ástand hinnar látnu bar þess merki að henni hefði verið ráðinn bani Innlent Helmingurinn af búslóðinni í ruslið Innlent Guðrún á Glitstöðum segir vaðið yfir vilja almennings Innlent Forsetavaktin 2024: Hver verður sjöundi forseti lýðveldisins? Innlent Ætlaði að ganga frá álverinu og upp á Keflavíkurflugvöll Innlent Boða verkfallsaðgerðir á Keflavíkurflugvelli í maí Innlent Fleiri fréttir Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sjá meira
„Við höfum unnið að því að endurvekja hátíðina aftur en lendum á vegg fyrir hátíðina 2023. Þá fáum við að heyra að Reykjavíkurborg vilji í raun og veru ekki leyfa okkur að loka svæðið af. Á fundi nú fyrir skipulagið 2024 er okkur tjáð að við fáum ekki leyfi til að halda þetta á Klambratúni í þeirri mynd sem við höfum gert áður,“ segir Jóna Ottesen einn skipuleggjenda í samtali við Vísi. Hátíðin var fyrst haldin árið 2016 og fram til ársins 2019 en lá svo í dvala árin á eftir vegna heimsfaraldurs. Jóna útskýrir að það fari ekki saman með hugmynd skipuleggjenda að barnahátíðinni að hafa svæðið opið öllum líkt og Reykjavíkurborg vilji. Þær útskýringar hafi verið gefnar að það sé stefna borgarinnar að allt sem gerist á Klambratúni og í Hljómskálagarðinum skuli vera opnir viðburðir. „Þau svona vildu ekki trúa okkar hugmyndafræði, vildu ekki koma til móts við okkur og í raun og veru þegar við sögðum að við þyrftum þá kannski að skoða önnur sveitarfélög var okkur eiginlega bara sagt að fólk hefði líka bara gott af því að kíkja í önnur sveitarfélög,“ segir Jóna. Ekki bara hoppukastali og ís Hún útskýrir að hátíðin snúist um að gera barnamenningu hærra undir höfði. Skipuleggjendur vilji gera töluvert meira en að henda bara upp hoppukastala og bjóða upp á frían ís. „Þetta byggist allt á því að virkja börn og foreldra og fjölskyldur til að taka þátt. Þetta er ekki bara skemmtun heldur er þetta þátttaka í fjölbreyttri listsköpun og menningarstarfi og snýst mikið um efla tengslamyndun fjölskyldunnar,“ útskýrir Jóna. „Við viljum náttúrulega hafa svæðið áfengislaust, tóbakslaust og tryggja að umhverfið sem við bjóðum upp á sé slysahættulaust fyrir börn. Líka þannig að foreldrar geti slappað af og kjaftað við aðra foreldra. Að börnin geti leikið, en líka tekið þátt í til dæmis föndurtjaldi, búið til konfekt í konfektbílnum, í allskonar smiðjum, ritlistar og tónlistarsmiðjum.“ Hátíðin sé það metnaðarfull að skipuleggjendur sjái sér ekki fært að halda henni úti á opnu svæði þar sem hver sem er geti gengið að henni, enda þurfi að rukka lítillega inn til að fjármagna hátíðina. Samstarfið við borgina hafi alltaf verið erfitt. „Það var alltaf óljóst hver átti að útvega okkur rafmagn, pláss, aðföng eins og bekki og borð. Reykjavíkurborg er náttúrulega mjög stórt batterí en okkur fannst leiðinlegt að þau gætu ekki hugsað aðeins út fyrir boxið og reynt að mæta okkur.“ Tekið opnum örmum annars staðar Hátíðin hefur farið fram síðustu helgina í júlí þegar börn eru í fríi. Enn hefur ekki verið ákveðið hvar hún verður og segir Jóna að þau vilji gefa sér góðan tíma í það. Það sé dýrt og tímafrekt að skipuleggja slíka hátíð og segir Jóna að skipuleggjendur vilji gefa sér tíma í að velja nýjan stað til að tryggja framtíð hátíðarinnar. „Þannig að vegna þessa þurftum við að hvolfa öllum okkar hugmyndum um Kátt á Klambra á Klambratúni og einmitt þess vegna erum við að skoða sævði bæði í Reykjavík sem gætu komið til greina en við höfum líka farið á fund með Hafnarfjarðarbæ og þar var okkur tekið opnum örmum.“ Úr kvöldfréttum Stöðvar 2 um hátíðina árið 2019: Jóna segir skipuleggjendur einnig eiga í viðræðum við Þrótt um að halda hátíðina mögulega í Laugardal. Það hafi verið allt annað að ræða sýn skipuleggjenda við stjórnendur í Hafnarfirði en í Reykjavík. „Það er bara allt annað eiga samtalið um hugmyndafræðina og að þau skilji það og vilji mæta okkur þar, í staðinn fyrir að í raun gera lítið úr okkur og setja okkur eitthvert, að því er liggur við út í horn án þátttöku sveitarfélagsins.“ Þurfi að hugsa ýmsa hluti upp á nýtt Jóna segir ljóst að skipuleggjendur þurfi að hugsa ýmsa hluti upp á nýtt þar sem hátíðin sé að fara á annan stað. Nafnið sjálft sé einmitt vísun í Klambratún. „En það er hægt að vera Kátt allsstaðar, þannig að við viljum sjá hvað er í boði. Hvað hentar okkar hugmyndafræði best, við viljum auðvitað vera á grænu svæði vegna þess að þetta snýst um að fjölskyldan sé úti að leika og hafi gaman, þannig við óskum bara eftir hugmyndum og staðsetningum á meðan við erum að þreifa fyrir okkur.“ Jóna segir heila málið vera það að þetta snúist um að hafa gaman saman. Þetta sé samfélagslegt verkefni þar sem fjöldi sjálfboðaliða taki þátt. Allir séu til, fjölskyldur og börn. „Þannig við finnum fyrir miklum meðbyr og það eru allir til í þetta en hjá Reykjavíkurborg benda bara allir á hvorn annan og það er enginn sem vill hoppa á það að taka þátt í þessu að fullu með okkur. Það er hægt að fylgjast með okkur á Instagram og Facebook, við erum mjög lifandi þar og munum upplýsa um það hvernig þetta þróast allt saman, því við ætlum að halda þetta í sumar, sama hvað.“ View this post on Instagram A post shared by KA TT A KLAMBRA (@katt_a_klambra_barnahatid)
Reykjavík Hafnarfjörður Menning Börn og uppeldi Krakkar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir upp hjá RÚV og snýr sér að pólitík Innlent Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Dramatík þegar tveimur var tilkynnt um ólögleg framboð Innlent Ástand hinnar látnu bar þess merki að henni hefði verið ráðinn bani Innlent Helmingurinn af búslóðinni í ruslið Innlent Guðrún á Glitstöðum segir vaðið yfir vilja almennings Innlent Forsetavaktin 2024: Hver verður sjöundi forseti lýðveldisins? Innlent Ætlaði að ganga frá álverinu og upp á Keflavíkurflugvöll Innlent Boða verkfallsaðgerðir á Keflavíkurflugvelli í maí Innlent Fleiri fréttir Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sjá meira