Erlent

Viður­kenna að hafa greitt Swift fyrir að koma bara fram í Singa­por­e

Hólmfríður Gísladóttir skrifar
Aðdáendur tónlistarkonunnar í Asíu urðu fyrir miklum vonbrigðum með ákvörðun hennar að koma aðeins fram í Singapore.
Aðdáendur tónlistarkonunnar í Asíu urðu fyrir miklum vonbrigðum með ákvörðun hennar að koma aðeins fram í Singapore. Getty/TAS24/Ashok Kumar

Forsætisráðherra Singapore hefur viðurkennt að hafa niðurgreitt kostnað við tónleika Taylor Swift, gegn því að tónlistarkonan héldi ekki tónleika annars staðar í suðausturhluta Asíu.

Lee Hsien Loong sagði á blaðamannafundi í Melbourne í Ástralíu í gær að stjórnvöld í Singapore og fulltrúar Swift hefðu komist að samkomulagi um að hún héldi tónleika í borgríkinu en hvergi annars staðar á svæðinu, gegn ákveðinni fyrirgreiðslu.

„Þetta fyrirkomulag hefur reynst mjög vel,“ sagði ráðherrann. „Ég sé þetta ekki sem óvinsamlegt“.

Sex tónleikar eru á dagskránni í Singapore og uppselt á þá alla.

Nágrannar Singapore eru hins vegar ekki sammála Lee og hefur fyrirkomulagið meðal annars verið gagnrýnt af ráðamönnum í Taílandi og á Filippseyjum. Þetta væri ekki eitthvað sem góðir grannar gerðu.

Þá hafa aðdáendur súperstjörnunnar einnig lýst vonbrigðum.

Talsmenn Swift hafa ekki tjáð sig um málið.

Tónlist Singapúr Hollywood
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið