Viðskipti innlent

Bein út­sending: Nóbels­verð­launa­hafi um hag­fræðina á 21. öldinni

Kolbeinn Tumi Daðason skrifar
Joseph Stiglitz heldur ræðu á Ítalíu árið 2019.
Joseph Stiglitz heldur ræðu á Ítalíu árið 2019. Getty/Nicolò Campo

Forsætisráðuneytið og menningar- og viðskiptaráðuneytið í samvinnu við Háskóla Íslands standa fyrir málþingi með Nóbelsverðlaunahafanum Joseph Stiglitz í dag. Málþingið fer fram í Veröld, húsi Vigdísar, og stendur frá klukkan 12 til 13:30. Sýnt er frá viðburðinum í beinni útsendingu.

Á málþinginu mun Stiglitz flytja erindi undir yfirskriftinni Freedom and Liberty: Perspectives from 21st Century Economics.

Stiglitz sem hlaut Nóbelsverðlaunin í hagfræði árið 2001 er nú prófessor við Columbia háskóla í New York. Hann var um skeið einn af efnahagsráðgjöfum Bill Clinton Bandaríkjaforseta og um tíma aðalhagfræðingur Alþjóðabankans.

Dagskrá málþingsins

  • Katrín Jakobsdóttir forsætisráðherra, opnunarávarp.
  • Joseph Stiglitz flytur erindið Freedom and Liberty: Perspectives from 21st Century Economics.
  • Jón Atli Benediktsson, rektor Háskóla Íslands og fundarstjóri, stýrir spurningum og svörum úr sal.
  • Lilja D. Alfreðsdóttir, menningar- og viðskiptaráðherra, lokar málþinginu með samantekt.

Málþingið fer fram á ensku og er öllum opið á meðan húsrúm leyfir. Streymi má sjá að neðan.

Ríkisstjórn Katrínar Jakobsdóttur Efnahagsmál Bandaríkin Ráðstefnur á Íslandi Íslandsvinir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið