Fyrir­tækja­þjónusta IKEA veitir þínu fyrir­tæki byr undir báða vængi

Það er í mörg horn að líta þegar fyrirtækið er innréttað og dýrmætum tíma ef til vill betur varið í annað en að velja húsbúnað, sækja og skipuleggja. Þar getur þjónusta Fyrirtækjaþjónustu IKEA verið gulls ígildi.

Starfsfólk Fyrirtækjaþjónustunnar veitir víðtæka þjónustu þegar kemur að ýmiss konar framkvæmdum. Þjónustan auðveldar viðskiptavinum lífið með því að halda utan um birgðir og senda vörurnar ásamt því að halda utan um allt kaupferlið. Fyrirtækjaþjónustan er skipuð færum ráðgjöfum sem leggja mikið upp úr því að mæta þörfum hvers viðskiptavinar og aðlaga sendingu og afhendingu eftir því sem hentar best. Starfsfólk Fyrirtækjaþjónustu IKEA vinnur í samstarfi við reynda smiði og tekur einnig við sérpöntunum fyrir stærri verkefni, til dæmis fjölbýlishús.

Persónuleg þjónusta

Fyrirtækjaþjónusta IKEA veitir persónulega og skilvirka þjónustu sem felst í ráðgjöf við val á öllum húsbúnaði og leiðbeiningum við skipulagningu.

„Persónuleg þjónusta, yfirsýn og tímasparnaður eru helstu kostirnir við að fá aðstoð hjá okkur,“ segir Dofri Örn Guðlaugsson, starfsmaður Fyrirtækjaþjónustunnar. „Við þekkjum þetta ferli frá a til ö þannig að við vitum hvar gildrurnar leynast. Stundum gleymast vissir hlutir eða það gleymist að gera ráð fyrir tíma í vissa verkþætti einfaldlega vegna þess að hann er af skornum skammti eða yfirsýnina vantar.“

Ólík fyrirtæki – ólíkar lausnir

Fyrirtækjaþjónusta IKEA er skipuð reyndu starfsfólki sem aðstoðar fyrirtæki af öllum stærðum og gerðum við að velja fallegar og hagnýtar lausnir.

„Ráðgjöf og teikniþjónusta Fyrirtækjaþjónustunnar er ókeypis. Viðskiptavinurinn tekur einfaldlega fyrsta skrefið með því að hafa samband við okkur og þaðan hefjum við samstarf sem er sniðið að viðskiptavininum,“ segir Dofri. „Við sinnum viðskiptavinum með þarfir viðkomandi í huga og getum bent fólki á leiðir eða vörur sem það hefði mögulega ekki komið auga á sjálft. Í grunninn má segja að þeir sem leiti til okkar séu að fá aðstoð við að einfalda lífið svolítið,“ segir Dofri.

Hér er innlit í tvö ólík fyrirtæki sem nýttu sér kunnáttu og reynslu Fyrirtækjaþjónustu IKEA.

Icewear garn

Fyrirtækjaþjónustan getur veitt ráðgjöf þegar kemur að því að opna nýja verslun eða fara af stað með nýtt fyrirtæki. Á síðasta ári opnaði Icewear verslun sína í Faxafeni í nánu samstarfi við ráðgjafa Fyrirtækjaþjónustu IKEA.

Alvotech

Þegar kemur að góðu vinnuumhverfi skiptir máli að hafa gott skipulag, gott aðgengi að hlutunum og að rýmið sé snyrtilegt. Líftæknifyrirtækið Alvotech nýtti sér Fyrirtækjaþjónustu IKEA til að innrétta tímabundnar rannsóknarstofur í Klettagörðum. Starfsfólk Fyrirtækjaþjónustunnar sá um ráðgjöf við val á húsbúnaði og leiðbeiningar við skipulagningu rannsóknarstofanna.

Hvort sem þú ert að endurinnrétta vinnustaðinn eða vantar aðstoð við að velja nýja stóla í atvinnurými þá hjálpa ráðgjafar Fyrirtækjaþjónustu IKEA þér að finna bestu lausnina fyrir fyrirtækið þitt. Það kostar ekkert að hitta ráðgjafa og fundurinn getur farið fram í verslun IKEA, á vinnustaðnum þínum eða í gegnum fjarfundarbúnað. Kynntu þér þjónustuna eða óskaðu eftir ráðgjöf hér.