Vaknaði oftar en einu sinni í steininum á aðfangadag Dóra Júlía Agnarsdóttir skrifar 13. desember 2023 12:07 Fjöllistamaðurinn Snorri Ásmundsson stendur fyrir jólatónleikaviðburði í Þjóðleikhúsinu næstkomandi þriðjudagskvöld klukkan 20:00. Vísir/Vilhelm Fjöllistamaðurinn Snorri Ásmundsson er mikið jólabarn en hann stendur fyrir viðburðinum Snorri Ásmundsson og Jólagestir í Þjóðleikhúskjallaranum næstkomandi þriðjudagskvöld. Þar kemur Snorri fram sem píanóleikari og syngur jólalög fyrir gesti ásamt jólagestum sínum. Snorri hlakkar mikið til þriðjudagsins.Aðsend Bæði harmþrungið og hamingjuríkt Snorri var skírður á jóladag og hefur að eigin sögn verið mikið jólabarn allar götur síðan. Hann kann frá mörgu að segja bæði harmþrungnu og hamingjuríku en á tónleikunum mun hann flytja falleg jólalög ásamt því að segja jólasögur og ævintýri. Snorri gaf út jólaplötuna Jólasveit og Jóladís fyrir nokkrum árum og að hans sögn er hún af mörgum talin ein allra besta jólaplata seinni ára. Hann hefur áður haldið jólatónleika með Högna Egilssyni í Mengi. „Ólavía Hrönn hjá Þjóðleikhúsinu er mikill hvatamaður minn, hún hvatti mig til þess að halda þessa tónleika. Ég var með tónleika í Þjóðleikhúskjallaranum í sumar þar sem kvöldið var í anda Gísla Marteins. Ég söng og spilaði á píanó og fékk gesti úr salnum. Það gekk svona rosalega vel og margir sem hafa komið á mína tónleika lýsa því yfir að það séu bestu tónleikar sem þau hafa farið á. Þó að ég sé kannski svolítið þekktur þá er ég mjög avant-garde. Fólk er stundum feimið við að mæta á viðburði hjá mér og upplifir jafnvel að það sé vandræðalegt, því fólk er ekki vant því að vera í vandræðalegum aðstæðum. En það er svolítið það sem mér finnst gaman að gera. Þegar ég sest við píanóið leysast einhverjir töfrar úr læðingi og ég fæ aldrei sviðsskrekk. Mér finnst ekki gaman að vera flottur, þegar allt er fullkomið þá höfðar það ekki til mín. Mér finnst ófullkomleikinn fullkomnastur.“ Í spilaranum hér að neðan má sjá Snorra Ásmundsson leika á píanó í bústað sendiherra Íslands í Austurríki: „Vandræðalegar aðstæður minn heimavöllur“ Snorri segist almennt ekki upplifa að verða vandræðalegur. „Þetta er orðið svo eðlilegt hjá mér. Vandræðalegar aðstæður eru minn heimavöllur. En ég á meira að segja nokkra vini sem eiga erfitt með að koma á viðburði hjá mér því þeir verða svo meðvirkir.“ Á tónleikunum verður Snorri með óvænta leynigesti en afhjúpar að Davíð Oddsson verði meðal gesta. Aðspurður hvort Davíð komi til með að koma fram segir Snorri: „Ég hef ekkert talað um þetta við hann en ég bara vona að hann komi og verði þarna gestur hjá mér.“ View this post on Instagram A post shared by Snorri Asmundsson (@snorriasmundsson) Heiðarleikinn geri okkur frjáls Snorra þykir gott að lifa í hreinskilni og deilir því meðal annars að hann hafi vaknað oftar en einu sinni í steininum á aðfangadag fyrir drykkjuskap og ólæti en hann lagði flöskuna til hliðar fyrir meira en 20 árum. „Ég var í kringum tvítugt þegar ég fór í mína fyrstu meðferð og þá sagði fjölskyldan bara að ég væri í vertíð. Það var svo mikil skömm í kringum þetta. Svo man ég í fjölskylduboði var einhver að spyrja hvernig vertíðin hefði gengið og ég sagði bara ha vertíð? Ég var í meðferð. Þá sló alveg þögn í rýmið og allir urðu vandræðalegir. En ég skammast mín ekki fyrir neitt og ég er svolítið opinskár. Ég held að það stafi líka af því að kynslóðin á undan var svolítið tepruleg, mikið að sópa hlutunum undir teppi og búa til leyndarmál. Ég er svo sá sem brýst út. Leyndarmálin gera okkur ófrjáls en heiðarleikinn gerir okkur frjáls og ég upplifi mig sem frjálsan mann.“ Snorri segist því leyfa sér að gera mistök og setur ekki þá kröfu á sig að gera allt óaðfinnanlega. „Við erum öll fullkomlega ófullkomin og við þurfum að fá að vera það.“ Jólin góð og falleg mantra Aðspurður hvað sé uppáhaldið hans við jólatíðina svarar Snorri: „Það er hugur fólks. Ég er ekkert sérstaklega hlynntur trúarbrögðum þó ég geti alveg borið virðingu fyrir þeim. En jólin fyrir mér eru góð og falleg mantra, hátíð ljóss og friðar. Jólin búa líka yfir slæmum myndum og sumir reyna að friða samvisku sína með því að gefa stórar gjafir en þú færð ekki syndafyrirgefningu með pökkum. Það er líklega ódýrast fyrir fólk að kaupa aflátsbréf af mér,“ segir Snorri léttur í bragði að lokum. Hér má nálgast nánari upplýsingar um tónleikana. Snorri Ásmundsson var viðmælandi í Vísisþáttunum Kúnst í fyrra. Hægt er að sjá allan þáttinn í spilaranum hér: Menning Tónlist Sýningar á Íslandi Mest lesið Hönnunarhús Markúsar Mána og Kristínar til sölu Lífið Heitustu trendin fyrir sumarið 2024 Lífið Hafa ekki sést saman í sjö vikur Lífið Myndaveisla: Sællegar skvísur í sumarfíling Lífið „Fengum ekki sjokk, en við fengum sjokk að hann væri með hjartagalla“ Lífið Elísabet og Áki nefndu stúlkuna Lífið Setja upp söngleiki, leikrit og tónleika í Háskólabíó í sumar Lífið Fantaflott með frönskum gluggum í Vesturbænum Lífið Andri og Erla selja í Seljunum Lífið „Lítið rauðhært kríli væntanlegt í nóvember“ Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Þar kemur Snorri fram sem píanóleikari og syngur jólalög fyrir gesti ásamt jólagestum sínum. Snorri hlakkar mikið til þriðjudagsins.Aðsend Bæði harmþrungið og hamingjuríkt Snorri var skírður á jóladag og hefur að eigin sögn verið mikið jólabarn allar götur síðan. Hann kann frá mörgu að segja bæði harmþrungnu og hamingjuríku en á tónleikunum mun hann flytja falleg jólalög ásamt því að segja jólasögur og ævintýri. Snorri gaf út jólaplötuna Jólasveit og Jóladís fyrir nokkrum árum og að hans sögn er hún af mörgum talin ein allra besta jólaplata seinni ára. Hann hefur áður haldið jólatónleika með Högna Egilssyni í Mengi. „Ólavía Hrönn hjá Þjóðleikhúsinu er mikill hvatamaður minn, hún hvatti mig til þess að halda þessa tónleika. Ég var með tónleika í Þjóðleikhúskjallaranum í sumar þar sem kvöldið var í anda Gísla Marteins. Ég söng og spilaði á píanó og fékk gesti úr salnum. Það gekk svona rosalega vel og margir sem hafa komið á mína tónleika lýsa því yfir að það séu bestu tónleikar sem þau hafa farið á. Þó að ég sé kannski svolítið þekktur þá er ég mjög avant-garde. Fólk er stundum feimið við að mæta á viðburði hjá mér og upplifir jafnvel að það sé vandræðalegt, því fólk er ekki vant því að vera í vandræðalegum aðstæðum. En það er svolítið það sem mér finnst gaman að gera. Þegar ég sest við píanóið leysast einhverjir töfrar úr læðingi og ég fæ aldrei sviðsskrekk. Mér finnst ekki gaman að vera flottur, þegar allt er fullkomið þá höfðar það ekki til mín. Mér finnst ófullkomleikinn fullkomnastur.“ Í spilaranum hér að neðan má sjá Snorra Ásmundsson leika á píanó í bústað sendiherra Íslands í Austurríki: „Vandræðalegar aðstæður minn heimavöllur“ Snorri segist almennt ekki upplifa að verða vandræðalegur. „Þetta er orðið svo eðlilegt hjá mér. Vandræðalegar aðstæður eru minn heimavöllur. En ég á meira að segja nokkra vini sem eiga erfitt með að koma á viðburði hjá mér því þeir verða svo meðvirkir.“ Á tónleikunum verður Snorri með óvænta leynigesti en afhjúpar að Davíð Oddsson verði meðal gesta. Aðspurður hvort Davíð komi til með að koma fram segir Snorri: „Ég hef ekkert talað um þetta við hann en ég bara vona að hann komi og verði þarna gestur hjá mér.“ View this post on Instagram A post shared by Snorri Asmundsson (@snorriasmundsson) Heiðarleikinn geri okkur frjáls Snorra þykir gott að lifa í hreinskilni og deilir því meðal annars að hann hafi vaknað oftar en einu sinni í steininum á aðfangadag fyrir drykkjuskap og ólæti en hann lagði flöskuna til hliðar fyrir meira en 20 árum. „Ég var í kringum tvítugt þegar ég fór í mína fyrstu meðferð og þá sagði fjölskyldan bara að ég væri í vertíð. Það var svo mikil skömm í kringum þetta. Svo man ég í fjölskylduboði var einhver að spyrja hvernig vertíðin hefði gengið og ég sagði bara ha vertíð? Ég var í meðferð. Þá sló alveg þögn í rýmið og allir urðu vandræðalegir. En ég skammast mín ekki fyrir neitt og ég er svolítið opinskár. Ég held að það stafi líka af því að kynslóðin á undan var svolítið tepruleg, mikið að sópa hlutunum undir teppi og búa til leyndarmál. Ég er svo sá sem brýst út. Leyndarmálin gera okkur ófrjáls en heiðarleikinn gerir okkur frjáls og ég upplifi mig sem frjálsan mann.“ Snorri segist því leyfa sér að gera mistök og setur ekki þá kröfu á sig að gera allt óaðfinnanlega. „Við erum öll fullkomlega ófullkomin og við þurfum að fá að vera það.“ Jólin góð og falleg mantra Aðspurður hvað sé uppáhaldið hans við jólatíðina svarar Snorri: „Það er hugur fólks. Ég er ekkert sérstaklega hlynntur trúarbrögðum þó ég geti alveg borið virðingu fyrir þeim. En jólin fyrir mér eru góð og falleg mantra, hátíð ljóss og friðar. Jólin búa líka yfir slæmum myndum og sumir reyna að friða samvisku sína með því að gefa stórar gjafir en þú færð ekki syndafyrirgefningu með pökkum. Það er líklega ódýrast fyrir fólk að kaupa aflátsbréf af mér,“ segir Snorri léttur í bragði að lokum. Hér má nálgast nánari upplýsingar um tónleikana. Snorri Ásmundsson var viðmælandi í Vísisþáttunum Kúnst í fyrra. Hægt er að sjá allan þáttinn í spilaranum hér:
Menning Tónlist Sýningar á Íslandi Mest lesið Hönnunarhús Markúsar Mána og Kristínar til sölu Lífið Heitustu trendin fyrir sumarið 2024 Lífið Hafa ekki sést saman í sjö vikur Lífið Myndaveisla: Sællegar skvísur í sumarfíling Lífið „Fengum ekki sjokk, en við fengum sjokk að hann væri með hjartagalla“ Lífið Elísabet og Áki nefndu stúlkuna Lífið Setja upp söngleiki, leikrit og tónleika í Háskólabíó í sumar Lífið Fantaflott með frönskum gluggum í Vesturbænum Lífið Andri og Erla selja í Seljunum Lífið „Lítið rauðhært kríli væntanlegt í nóvember“ Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira