Hamilton segir liðsstjóra Red Bull fara með rangt mál Aron Guðmundsson skrifar 24. nóvember 2023 15:00 Saga um samskipti Hamilton og Red Bull Racing hefur átt sviðið í aðdraganda síðustu keppnishelggar Formúlu 1 Vísir/Getty Sjöfaldi Formúlu 1 heimsmeistarinn Lewis Hamilton, ökumaður Mercedes, segir Christian Horner, liðsstjóra Red Bull Racing, fara með rangt mál er hann segir Hamilton hafa sett sig í samband við forráðamenn Red Bull Racing og viðrað hugmyndir um að ganga til liðs við liðið. Sagan um þreifingar milli Red Bull Racing og Lewis Hamilton hefur átt sviðið í Formúlu 1 heiminum í aðdraganda síðustu keppnishelgar yfirstandandi tímabils í Abu Dhabi. Red Bull Racing og Mercedes eru risarnir tveir sem hafa ráðið lögum og lofum í Formúlu 1 heiminum undanfarin ár og því vakti það skiljanlega mikla athygli þegar að breski miðillinn Daily Mail birti viðtal sitt við Christian Horner, liðsstjóra fyrrnefnda liðsins, þar sem að hann hélt því fram fulltrúar Hamilton hefðu sett sig í samband við Red Bull Racing og að þar hefði verið athugað hvort ökumannssæti væri á lausu hjá liðinu. Hamilton er einn besti ökumaður Formúlu 1 frá upphafi og er, ásamt Michael Schumacher, sem hefur unnið flesta heimsmeistaratitla í flokki ökumanna. Hamilton hefur einnig eldað grátt silfur í gegnum tíðina með ríkjandi heimsmeistaranum Max Verstappen sem er aðalökumaður Red Bull Racing. Eftir að viðtal Daily Mail við Christian Horner fór á flug sá Hamilton sig tilneyddan til þess að stíga fram og svara fullyrðingum hans. Vissulega hafi verið samskipti milli Red Bull Racing og Lewis Hamilton en að ökumaðurinn hafi ekki verið sá sem steig fyrsta skrefið að þeim samskiptum. „Ég hafði ekki samband við þá,“ sagði Hamilton í viðtali fyrir keppnishelgina í Abu Dhabi. „Christian hafði samband við mig. Ég hef kannað þetta hjá öllum í mínu teymi. Það hefur enginn talað við fulltrúa Red Bull Racing. Þeir hafa hins vegar haft samband við okkur.“ Sá skilaboð í gömlum síma Hamilton heldur því fram að Horner hafði sent sér textaskilaboð í gamla símann sinn sem innihélt eldra símanúmer í hans eigu. Hamilton segist ekki hafa séð þau skilaboð fyrr en nokkrum mánuðum eftir að þau bárust er hann kveikti á gamla símanum sínum. „Þá sá ég hundruð skilaboða birtast. Eitt þeirra var frá Christian þar sem að hann sagðist vilja hitta mig og ræða við mig eftir tímabilið.“ Hamilton, sem skrifaði undir nýjan tveggja ára samning við Mercedes fyrr á árinu, segir það vera tilhneiginguna hjá mörgum að kasta nafni hans inn í umræðuna því það veki alltaf athygli. „Ef þú ert einmana, ert ekki að fá mikla athygli. Nefndu mig þá á nafn, það væri hið fullkomna fyrir þig í stöðunni.“ Hann segir skiljanlegt að ökumenn vilji aka bíl Red Bull, sem sé einn mesti yfirburðar bíll seinni tíma í Formúlu 1. Hins vegar sjái hann spennu og ríkulegt aðdráttarafl fyrir sig að reyna koma Mercedes aftur á toppinn í mótaröðinni. Mest lesið Kevin Campbell látinn eftir stutt veikindi Fótbolti Spánverjar kláruðu dæmið í fyrri hálfleik Fótbolti Matija Sarkic látinn aðeins 26 ára gamall Fótbolti Öruggur sigur Sviss í fyrsta leik Fótbolti Uppgjör: FH varði forskotið og tók öll stigin Íslenski boltinn Cole Palmer skapaði óvart jarmveislu á Twitter Fótbolti Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ Körfubolti Ratcliffe ræðst í fimmtíu milljóna punda endurbætur á Carrington æfingasvæðinu Enski boltinn Bjarni lætur af störfum hjá KR Fótbolti Mavericks knúðu fram annan leik með krafti Körfubolti Fleiri fréttir Verstappen sigraði í Kanada Russell á ráspól á sama tíma og Verstappen Miklar breytingar framundan á bílum í Formúlu 1 Perez framlengir og framtíð Sainz enn í lausu lofti Alpine framlengir ekki við Ocon eftir áreksturinn í Mónakó Leclerc vann loksins í Mónakó Bíllinn fjarlægður með krana eftir harkalegan árekstur í Mónakó Fjölskylda Schumacher vann gervigreindarmálið Verstappen á ráspól og jafnaði 35 ára gamalt met Hefur hjálpað Haas með glæfralegum akstri Fimm ára bið á enda hjá Norris Loksins landaði Lando sigri í Formúlu 1 Vatnaskil hjá Red Bull og risafréttir fyrir Formúlu 1 Sjá meira
Sagan um þreifingar milli Red Bull Racing og Lewis Hamilton hefur átt sviðið í Formúlu 1 heiminum í aðdraganda síðustu keppnishelgar yfirstandandi tímabils í Abu Dhabi. Red Bull Racing og Mercedes eru risarnir tveir sem hafa ráðið lögum og lofum í Formúlu 1 heiminum undanfarin ár og því vakti það skiljanlega mikla athygli þegar að breski miðillinn Daily Mail birti viðtal sitt við Christian Horner, liðsstjóra fyrrnefnda liðsins, þar sem að hann hélt því fram fulltrúar Hamilton hefðu sett sig í samband við Red Bull Racing og að þar hefði verið athugað hvort ökumannssæti væri á lausu hjá liðinu. Hamilton er einn besti ökumaður Formúlu 1 frá upphafi og er, ásamt Michael Schumacher, sem hefur unnið flesta heimsmeistaratitla í flokki ökumanna. Hamilton hefur einnig eldað grátt silfur í gegnum tíðina með ríkjandi heimsmeistaranum Max Verstappen sem er aðalökumaður Red Bull Racing. Eftir að viðtal Daily Mail við Christian Horner fór á flug sá Hamilton sig tilneyddan til þess að stíga fram og svara fullyrðingum hans. Vissulega hafi verið samskipti milli Red Bull Racing og Lewis Hamilton en að ökumaðurinn hafi ekki verið sá sem steig fyrsta skrefið að þeim samskiptum. „Ég hafði ekki samband við þá,“ sagði Hamilton í viðtali fyrir keppnishelgina í Abu Dhabi. „Christian hafði samband við mig. Ég hef kannað þetta hjá öllum í mínu teymi. Það hefur enginn talað við fulltrúa Red Bull Racing. Þeir hafa hins vegar haft samband við okkur.“ Sá skilaboð í gömlum síma Hamilton heldur því fram að Horner hafði sent sér textaskilaboð í gamla símann sinn sem innihélt eldra símanúmer í hans eigu. Hamilton segist ekki hafa séð þau skilaboð fyrr en nokkrum mánuðum eftir að þau bárust er hann kveikti á gamla símanum sínum. „Þá sá ég hundruð skilaboða birtast. Eitt þeirra var frá Christian þar sem að hann sagðist vilja hitta mig og ræða við mig eftir tímabilið.“ Hamilton, sem skrifaði undir nýjan tveggja ára samning við Mercedes fyrr á árinu, segir það vera tilhneiginguna hjá mörgum að kasta nafni hans inn í umræðuna því það veki alltaf athygli. „Ef þú ert einmana, ert ekki að fá mikla athygli. Nefndu mig þá á nafn, það væri hið fullkomna fyrir þig í stöðunni.“ Hann segir skiljanlegt að ökumenn vilji aka bíl Red Bull, sem sé einn mesti yfirburðar bíll seinni tíma í Formúlu 1. Hins vegar sjái hann spennu og ríkulegt aðdráttarafl fyrir sig að reyna koma Mercedes aftur á toppinn í mótaröðinni.
Mest lesið Kevin Campbell látinn eftir stutt veikindi Fótbolti Spánverjar kláruðu dæmið í fyrri hálfleik Fótbolti Matija Sarkic látinn aðeins 26 ára gamall Fótbolti Öruggur sigur Sviss í fyrsta leik Fótbolti Uppgjör: FH varði forskotið og tók öll stigin Íslenski boltinn Cole Palmer skapaði óvart jarmveislu á Twitter Fótbolti Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ Körfubolti Ratcliffe ræðst í fimmtíu milljóna punda endurbætur á Carrington æfingasvæðinu Enski boltinn Bjarni lætur af störfum hjá KR Fótbolti Mavericks knúðu fram annan leik með krafti Körfubolti Fleiri fréttir Verstappen sigraði í Kanada Russell á ráspól á sama tíma og Verstappen Miklar breytingar framundan á bílum í Formúlu 1 Perez framlengir og framtíð Sainz enn í lausu lofti Alpine framlengir ekki við Ocon eftir áreksturinn í Mónakó Leclerc vann loksins í Mónakó Bíllinn fjarlægður með krana eftir harkalegan árekstur í Mónakó Fjölskylda Schumacher vann gervigreindarmálið Verstappen á ráspól og jafnaði 35 ára gamalt met Hefur hjálpað Haas með glæfralegum akstri Fimm ára bið á enda hjá Norris Loksins landaði Lando sigri í Formúlu 1 Vatnaskil hjá Red Bull og risafréttir fyrir Formúlu 1 Sjá meira
Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ Körfubolti
Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ Körfubolti