Fremur hægur vindur en hvassara með suðurströndinni

Atli Ísleifsson skrifar 26. október 2023 07:10

Hiti veður á bilinu tvö til tíu stig. Vísir/Vilhelm

Það eru litlar breytingar á veðrinu á landinu þessa dagana þar sem austlæg átt verður ríkjandi í dag og næstu daga. Hún verður yfirleitt fremur hæg en strekkingur eða allhvass vindur á köflum með suðurströndinni.

Þetta kemur fram á vef Veðurstofunnar. Þar segir að það verði skúrir eða él suðaustan- og austanlands en annars að mestu bjart og þurrt.

Hiti veður á bilinu tvö til tíu stig að deginum, en kólnar heldur um helgina.

Veðurhorfur á landinu næstu daga

Á föstudag: Austlæg átt, víða 8-13 m/s, en 13-18 syðst. Lítilsháttar væta á austanverðu landinu, en annars að mestu skýjað og þurrt að kalla. Hiti 1 til 8 stig, hlýjast syðst.

Á laugardag: Austan 5-15 m/s, hvassast við suðurströndina. Stöku skúrir eða él, en yfirleitt bjartviðri um landið vestanvert. Hiti 0 til 7 stig, mildast við sjávarsíðuna.

Á sunnudag: Fremur hæg breytileg átt, en austan 8-13 m/s syðst. Smá él á austanverðu landinu, en léttskýjað vestantil. Hiti breytist lítið.

Á mánudag: Hæg breytileg átt, en suðaustan 5-10 m/s við suðvesturströndina. Bjart með köflum og svalt í veðri.

Á þriðjudag: Austan og suðaustan 5-10 m/s, stöku skúr eða él og hiti 0 til 5 stig, en hægari vindur, bjartviðri og vægt frost norðantil.

Á miðvikudag: Útlit fyrir austlæga átt og dálitla rigningu eða slyddu, en að mestu bjart norðan- og vestantil.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir