Kannast hvorki við „Latino-hópinn“ né meinta vargöld Árni Sæberg skrifar 29. september 2023 07:00 Þeir Jhon Sebastian og Lúkas Geir urðu fyrir árásinni á Bankastræti Club auk þriðja manns. Instagram Brotaþolar í Bankastrætis Club málinu segjast hvorki kannast við svokallaðan „Latino-hóp“ né meinta vargöld sem sakborningar í málinu hafa lýst milli hópsins og hóps sakborninga. Þetta kom fram í skýrslutökum yfir þremur brotaþolum í málinu í gærmorgun. Einn sætir ákæru fyrir að hafa reynt að verða þeim þremur að bana, tíu fyrir stórfelldar líkamsárásir gegn þeim og fjórtán fyrir hlutdeild í brotunum. Tveir brotaþolanna, þeir Lúkas Geir Ingvarsson og Jhon Sebastian, stigu fram tveimur dögum eftir árásina og lýstu henni og líðan sinni í kjölfar hennar. Þeir eru því nafngreindir en ekki sá þriðji sem hefur ekki stigið fram opinberlega. Sakborningar lýstu áralöngum hatrömmum deilum tveggja hópa Sakborningarnir 25 í málinu báru flestir um það í skýrslutökum að tilgangurinn með því að fara inn á Bankastræti Club að kvöldi 17. nóvember síðastliðins væri að ræða við meðlimi svokallaðs „Latino-hóps“. Meðlimir þess hóps hefðu árin á undan hótað mönnum úr röðum sakborninga og fjölskyldum þeirra margvíslegu ofbeldi. Þá hafi þeir til að mynda lagt eld að bifhjólum í eigu besta vinar þess sakbornings sem ákærður er fyrir tilraunir til manndráps skömmu fyrir árásina á skemmtistaðnum. Óttuðust um líf sitt Jhon Sebastian reið á vaðið í gærmorgun og lýsti upplifun sinni af atburðum kvöldsins örlagaríka. Hann segir þá þrjá hafa verið í svokölluðu VIP-herbergi á Bankastræti Club í um hálftíma og verið á leið á salernið þegar hópur manna réðst inn. „Ráðist á okkur af helling af mönnum. Þegar þeir fóru út þá áttuðum við okkur á því að við hefðum verið stungnir, fórum að óttast um líf okkar,“ sagði hann. Þá sagði hann að hann hefði þekkt nokkra úr hópnum í gegnum grímur þeirra. Hann teldi að árásin beindist gegn sér enda hefði hann átt í rifrildum við einn þeirra sem hann þekkti. Spurður út í það af verjanda eins sakborninga kannaðist hann við að væringar hefðu verið milli hans og þess sem átti bifhjólin, sem sakborningar sögðu hafa verið kveikt í, en þvertók fyrir það að hann eða nokkur vinur hans hefði hótað honum nokkru. Sagðist eiga þrjá vini Sakborningar hafa lýst því að hinn svokallaði „Latino-hópur“ telji á bilinu þrjátíu til sextíu manns og að þeir væru oft margir saman á skemmtanalífinu í miðbæ Reykjavíkur. Jhon Sebastian kvaðst ekkert kannast við þessar lýsingar. „Ég á þrjá vini.“ Þá sagði hann að hinir brotaþolarnir tveir væru frekar kunningjar hans en vinir. Hann hefði þó þekkt Lúkas Geir nokkuð lengi en þann þriðja aðeins í um einn mánuð. Óvinnufær eftir árásina Jhon Sebastian sagðist enn glíma við töluverðar afleiðingar árásarinnar hann sé máttlaus og finni fyrir miklum verkjum í allri hægri hlið líkamans, en hann hlaut stungusár á hægri fótlegg, hægri handlegg og bak við hægra herðablað auk fleiri áverka. Aðspurður af réttargæslumanni sínum kvaðst hann hafa verið í fullu starfi fyrir árásina en ekki geta starfað eftir hana. Hann hefur gert kröfu um fimm milljóna króna miskabætur auk skaðabóta vegna fjártjóns. „Það er bútur hangandi úr bakinu á mér“ Lúkas Geir lýsti næstur atburðum. Hann sagði sömu sögu og Jhon Sebastian um aðdragandann. „Við erum bara þrír slakir að fá okkur drykk. Erum að fara á klósettið eða fara út og þá koma þeir allir,“ sagði hann. Þá sagðist hann þekkja hópinn sem réðst inn, vegna þess að hann hefði séð þá margoft niðri í bæ. Hann þekki suma þeirra en ekki flesta. Þeir séu ekki beint vinir, heilsist bara. Engar deilur væru milli þeirra. Hann segir að hann hafi verið felldur í gólfið skömmu eftir að hópurinn kom inn í herbergið og að ítrekað hafi verið ráðist á hann liggjandi í gólfinu. Hann hafi fundið fyrir því að verið væri að kýla hann, sparka í hann og stinga hann. „Ég stend upp og sé að ég er allur blóðugur, það er bútur hangandi úr bakinu á mér“ Fattaði ekki að hann hefði verið stunginn fyrr en eftir á Þriðji brotaþolinn sagði að þeir Jhon Sebastian og Lúkas Geir hefðu farið á Bankastræti Club á svokallað Latino-kvöld til þess að skemmta sér. Þeir væru góðir vinir en hefðu þó aðeins þekkt í tvo til þrjá mánuði. Næsta sem hann hafi vitað var að ráðist hafi verið á þá. „Erfitt að lýsa þessu, ég man ekki hundrað prósent hvað gerðist. Eina sem ég man er að mér var hrint niður og byrjað að kýla og sparka í mig.“ Hann hafi reynt að aðstoða Jhon Sebastian eftir að hafa náð að standa upp í skamma stund áður en hann var felldur á ný og höggin látin dynja á honum. „Þegar Lúkas sagði að við vorum stungnir, þá fattaði ég að ég var stunginn,“ sagði hann. Hnífstunguárás á Bankastræti Club Dómsmál Tengdar fréttir Vildi spila viðtal við brotaþola Skýrslutökur brotaþola og annarra vitna hófust í morgun og því er töluvert fjölmennara í dómsal í Gullhömrum við aðalmeðferð Bankastrætis Club málsins en síðustu daga. Þónokkrir sem sæta ákæru eru mættir til þess að fylgjast með framgangi mála, þar á meðal sá eini sem ákærður er fyrir að hafa reynt að verða brotaþolum að bana. 28. september 2023 13:40 „Dómari, við heyrum ekkert í honum í ódýru sætunum hérna aftast“ Aðalmeðferð í Bankastrætis Club málinu svokallaða var haldið áfram í morgun og nú hafa allir sem sæta ákæru fyrir annað en hlutdeild í árásinni gefið skýrslu. Mikið umstang hefur verið í Gullhömrum og laganemar kíktu í heimsókn fyrir hádegi. 26. september 2023 13:48 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Forsetavaktin 2024: Hver verður sjöundi forseti lýðveldisins? Innlent „Fólk er bara að bíða“ Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Þyrla forsetans sögð fundin Erlent Fleiri fréttir Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Sjá meira
Þetta kom fram í skýrslutökum yfir þremur brotaþolum í málinu í gærmorgun. Einn sætir ákæru fyrir að hafa reynt að verða þeim þremur að bana, tíu fyrir stórfelldar líkamsárásir gegn þeim og fjórtán fyrir hlutdeild í brotunum. Tveir brotaþolanna, þeir Lúkas Geir Ingvarsson og Jhon Sebastian, stigu fram tveimur dögum eftir árásina og lýstu henni og líðan sinni í kjölfar hennar. Þeir eru því nafngreindir en ekki sá þriðji sem hefur ekki stigið fram opinberlega. Sakborningar lýstu áralöngum hatrömmum deilum tveggja hópa Sakborningarnir 25 í málinu báru flestir um það í skýrslutökum að tilgangurinn með því að fara inn á Bankastræti Club að kvöldi 17. nóvember síðastliðins væri að ræða við meðlimi svokallaðs „Latino-hóps“. Meðlimir þess hóps hefðu árin á undan hótað mönnum úr röðum sakborninga og fjölskyldum þeirra margvíslegu ofbeldi. Þá hafi þeir til að mynda lagt eld að bifhjólum í eigu besta vinar þess sakbornings sem ákærður er fyrir tilraunir til manndráps skömmu fyrir árásina á skemmtistaðnum. Óttuðust um líf sitt Jhon Sebastian reið á vaðið í gærmorgun og lýsti upplifun sinni af atburðum kvöldsins örlagaríka. Hann segir þá þrjá hafa verið í svokölluðu VIP-herbergi á Bankastræti Club í um hálftíma og verið á leið á salernið þegar hópur manna réðst inn. „Ráðist á okkur af helling af mönnum. Þegar þeir fóru út þá áttuðum við okkur á því að við hefðum verið stungnir, fórum að óttast um líf okkar,“ sagði hann. Þá sagði hann að hann hefði þekkt nokkra úr hópnum í gegnum grímur þeirra. Hann teldi að árásin beindist gegn sér enda hefði hann átt í rifrildum við einn þeirra sem hann þekkti. Spurður út í það af verjanda eins sakborninga kannaðist hann við að væringar hefðu verið milli hans og þess sem átti bifhjólin, sem sakborningar sögðu hafa verið kveikt í, en þvertók fyrir það að hann eða nokkur vinur hans hefði hótað honum nokkru. Sagðist eiga þrjá vini Sakborningar hafa lýst því að hinn svokallaði „Latino-hópur“ telji á bilinu þrjátíu til sextíu manns og að þeir væru oft margir saman á skemmtanalífinu í miðbæ Reykjavíkur. Jhon Sebastian kvaðst ekkert kannast við þessar lýsingar. „Ég á þrjá vini.“ Þá sagði hann að hinir brotaþolarnir tveir væru frekar kunningjar hans en vinir. Hann hefði þó þekkt Lúkas Geir nokkuð lengi en þann þriðja aðeins í um einn mánuð. Óvinnufær eftir árásina Jhon Sebastian sagðist enn glíma við töluverðar afleiðingar árásarinnar hann sé máttlaus og finni fyrir miklum verkjum í allri hægri hlið líkamans, en hann hlaut stungusár á hægri fótlegg, hægri handlegg og bak við hægra herðablað auk fleiri áverka. Aðspurður af réttargæslumanni sínum kvaðst hann hafa verið í fullu starfi fyrir árásina en ekki geta starfað eftir hana. Hann hefur gert kröfu um fimm milljóna króna miskabætur auk skaðabóta vegna fjártjóns. „Það er bútur hangandi úr bakinu á mér“ Lúkas Geir lýsti næstur atburðum. Hann sagði sömu sögu og Jhon Sebastian um aðdragandann. „Við erum bara þrír slakir að fá okkur drykk. Erum að fara á klósettið eða fara út og þá koma þeir allir,“ sagði hann. Þá sagðist hann þekkja hópinn sem réðst inn, vegna þess að hann hefði séð þá margoft niðri í bæ. Hann þekki suma þeirra en ekki flesta. Þeir séu ekki beint vinir, heilsist bara. Engar deilur væru milli þeirra. Hann segir að hann hafi verið felldur í gólfið skömmu eftir að hópurinn kom inn í herbergið og að ítrekað hafi verið ráðist á hann liggjandi í gólfinu. Hann hafi fundið fyrir því að verið væri að kýla hann, sparka í hann og stinga hann. „Ég stend upp og sé að ég er allur blóðugur, það er bútur hangandi úr bakinu á mér“ Fattaði ekki að hann hefði verið stunginn fyrr en eftir á Þriðji brotaþolinn sagði að þeir Jhon Sebastian og Lúkas Geir hefðu farið á Bankastræti Club á svokallað Latino-kvöld til þess að skemmta sér. Þeir væru góðir vinir en hefðu þó aðeins þekkt í tvo til þrjá mánuði. Næsta sem hann hafi vitað var að ráðist hafi verið á þá. „Erfitt að lýsa þessu, ég man ekki hundrað prósent hvað gerðist. Eina sem ég man er að mér var hrint niður og byrjað að kýla og sparka í mig.“ Hann hafi reynt að aðstoða Jhon Sebastian eftir að hafa náð að standa upp í skamma stund áður en hann var felldur á ný og höggin látin dynja á honum. „Þegar Lúkas sagði að við vorum stungnir, þá fattaði ég að ég var stunginn,“ sagði hann.
Hnífstunguárás á Bankastræti Club Dómsmál Tengdar fréttir Vildi spila viðtal við brotaþola Skýrslutökur brotaþola og annarra vitna hófust í morgun og því er töluvert fjölmennara í dómsal í Gullhömrum við aðalmeðferð Bankastrætis Club málsins en síðustu daga. Þónokkrir sem sæta ákæru eru mættir til þess að fylgjast með framgangi mála, þar á meðal sá eini sem ákærður er fyrir að hafa reynt að verða brotaþolum að bana. 28. september 2023 13:40 „Dómari, við heyrum ekkert í honum í ódýru sætunum hérna aftast“ Aðalmeðferð í Bankastrætis Club málinu svokallaða var haldið áfram í morgun og nú hafa allir sem sæta ákæru fyrir annað en hlutdeild í árásinni gefið skýrslu. Mikið umstang hefur verið í Gullhömrum og laganemar kíktu í heimsókn fyrir hádegi. 26. september 2023 13:48 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Forsetavaktin 2024: Hver verður sjöundi forseti lýðveldisins? Innlent „Fólk er bara að bíða“ Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Þyrla forsetans sögð fundin Erlent Fleiri fréttir Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Sjá meira
Vildi spila viðtal við brotaþola Skýrslutökur brotaþola og annarra vitna hófust í morgun og því er töluvert fjölmennara í dómsal í Gullhömrum við aðalmeðferð Bankastrætis Club málsins en síðustu daga. Þónokkrir sem sæta ákæru eru mættir til þess að fylgjast með framgangi mála, þar á meðal sá eini sem ákærður er fyrir að hafa reynt að verða brotaþolum að bana. 28. september 2023 13:40
„Dómari, við heyrum ekkert í honum í ódýru sætunum hérna aftast“ Aðalmeðferð í Bankastrætis Club málinu svokallaða var haldið áfram í morgun og nú hafa allir sem sæta ákæru fyrir annað en hlutdeild í árásinni gefið skýrslu. Mikið umstang hefur verið í Gullhömrum og laganemar kíktu í heimsókn fyrir hádegi. 26. september 2023 13:48