Erlent

Um­fangs­mikil lög­reglu­að­gerð vegna skot­á­rásar í Kristjaníu

Magnús Jochum Pálsson skrifar
Lögreglan í Kaupmannahöfn stendur í umfangsmikilli lögregluaðgerð í fríríkinu Kristjánu núna þar sem átti sér stað skotárás fyrr í kvöld.
Lögreglan í Kaupmannahöfn stendur í umfangsmikilli lögregluaðgerð í fríríkinu Kristjánu núna þar sem átti sér stað skotárás fyrr í kvöld. Getty

Lögreglan í Kaupmannahöfn stendur í umfangsmiklum aðgerðum í Kristjaníu vegna skotárásar sem átti sér stað þar klukkan 19:25 að staðartíma. Lögreglan segir að fólk hafi lent í skothríðinni en gefur ekki upp fjölda særðra.

Skotárásin átti sér stað fyrir um tveimur tímum við Stjerneskibet, sögufrægt hús við Pusher-stræti í fríríkinu. Húsið hefur í gegnum tíðina einnig verið kallað hús Grænlendinga en lögreglan er þar búin að girða af stórt svæði.

Ekstrabladet greinir frá því að rokkari tengdur Hells Angels hafi verið skotinn. Fyrir um klukkutíma síðan staðfesti lögreglan í Kaupmannahöfn á Twitter að fólk hefði verið skotið.  

Ekstrabladet segir að búið sé að girða af Prinsessugötu og Bátsmannsstræti og er svæðið vaktað af fjölda lögreglumanna með hunda. Þá eru nokkrir sjúkrabílar á vettvangi og segir Ekstrabladet að þegar hafi tveir sjúkrabílar ekið af vettvangi og var að minnsta kosti annar þeirra með kveikt á sírenunum.

„Við erum að vinna á fullu þar núna. Við erum í umfangsmiklum lögregluaðgerðum þar sem við þurfum að ná yfirsýn yfir það sem gerðist nákvæmlega,“ sagði Martni Kajberg, yfirlögregluþjónn lögreglunnar í Kaupmannahöfn við Ritzau.

Danmörk
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið