Viðskipti innlent

Skýrslan leiði til úrbóta í veitingu leyfa til fiskeldis

Kristján Már Unnarsson skrifar
Daníel Jakobsson er framkvæmdastjóri viðskiptaþróunar fiskeldisfyrirtækisins Arctic Fish.
Daníel Jakobsson er framkvæmdastjóri viðskiptaþróunar fiskeldisfyrirtækisins Arctic Fish. Hafþór Gunnarsson

Ítrekaðar frestanir á leyfisveitingum fyrir fiskeldi í Ísafjarðardjúpi valda því að örlög laxaseiða fyrir á þriðja hundrað milljóna króna eru í uppnámi hjá Arctic Fish. Talsmaður fyrirtækisins vonast til að viðkomandi stofnanir taki mið af ábendingum Ríkisendurskoðunar, fari að lögum og gefi út leyfin.

Fjallað var um málið í fréttum Stöðvar 2 en Arctic Fish, annað stóru vestfirsku eldisfyrirtækjanna, hafði væntingar um að geta hafið eldi í Ísafjarðardjúpi fyrir tveimur árum eftir að hafa undirbúið ferlið frá árinu 2016.

„Við erum ennþá að bíða, því miður, eftir leyfinu í Ísafjarðardjúpi. Það eru tvö ár síðan Skipulagsstofnun lauk við umsögn um umhverfismatið okkar,“ segir Daníel Jakobsson, framkvæmdastjóri viðskiptaþróunar Arctic Fish, í viðtali við Hafþór Gunnarsson, fréttaritara Stöðvar 2.

Séð yfir Ísafjarðardjúp í átt að Snæfjallaströnd. Eyjan Vigur fyrir miðri mynd.Vilhelm Gunnarsson

Eftir umsögn Skipulagsstofnunar taldi Arctic Fish óhætt að byrja að ala upp laxaseiði fyrir Djúpið í seiðastöð sinni í Tálknafirði en fyrirtækið er með sjókvíaeldi í sex fjörðum Vestfjarða.

Vegna eldis í Djúpinu segir Daníel fyrirtækið einnig búið að fjárfesta í tækjum og búnaði fyrir um einn milljarð króna, sem ekki nýtast meðan leyfið bíður.

„Mast, eða Matvælastofnun, og Umhverfisstofnun hefur ekki tekist að gefa út leyfið. En það er nú alltaf svona einhvern veginn í næstu viku hjá þeim,“ segir Daníel.

Seiðaeldisstöð Arctic Fish í botni Tálknafjarðar. Vilhelm Gunnarsson

Óvænt krafa um áhættumat siglinga í byrjun árs setti ferlið í uppnám.

„Og vonandi tekst bara þeim aðilum, sem bera ábyrgð á því, að klára það hratt og vel. Því að við erum tilbúin núna með eina og hálfa milljón seiða í Tálknafirði sem eiga að fara í Djúpið í sumar,“ segir Daníel en hvert seiði segir hann kosta 150 krónur.

Í fyrra var sama staða uppi, þá tókst fyrirtækinu að selja öðrum seiðin, en núna eru örlög þeirra óviss.

„Við vonum svo sannarlega að stofnanirnar hafi lesið skýrslu Ríkisendurskoðunar, eins og við, og vinni eftir lögum og fari núna að gefa út leyfin,“ segir Daníel.

Úr seiðaeldisstöð Arctic Fish í Tálknafirði.Sigurjón Ólason

Andstæðingar hafa kallað eftir því að leyfisveitingar verði stöðvaðar eftir að skýrsla Ríkisendurskoðunar um sjókvíaeldi birtist fyrr í mánuðinum.

„Hún var alls ekki áfellisdómur yfir eldinu,“ segir Daníel og segir að í henni hafi verið ábendingar til stjórnvalda sem beri að fagna.

„Við viljum náttúrlega bara vinna í sátt við umhverfi og samfélag og teljum okkur hafa gert það. Þannig að við bara vonum það að þessi skýrsla leiði til úrbóta,“ segir Daníel.

Hér má sjá frétt Stöðvar 2:

Fiskeldi Sjávarútvegur Súðavíkurhreppur Ísafjarðarbær Tálknafjörður Lax Sjókvíaeldi Stjórnsýsla

Tengdar fréttir

Segir að þetta hús lyfti upp norðanverðum Vestfjörðum

Stærsta og afkastamesta laxvinnsla landsins rís núna í Bolungarvík á vegum Arctic Fish og á hún að taka til starfa í júní. Ráðamenn fyrirtækisins gera ráð fyrir að bara á síðari helmingi þessa árs verði unninn þar lax fyrir yfir fimmtán milljarða króna.

Upplýsandi rimma lobbíista um sjókvíaeldið

Jón Kaldal talsmaður Íslenska náttúruverndarsjóðsins og Daníel Jakobsson framkvæmdastjóri hjá Arctic Fish um fiskeldi tókust harkalega á um hið umdeilda sjókvíaeldi á Sprengisandi á Bylgjunni.

Ríkisendurskoðandi segist ekki vera vanhæfur

Ríkisendurskoðandi segir formennsku eiginkonu sinnar í veiðifélaginu Laxá ekki hafa áhrif á hæfi sitt við vinnslu úttektar Ríkisendurskoðunar á sjókvíaeldi. Einnig segir hann að auglýsing frá árinu 2004 og störf í NASCO geri sig ekki vanhæfan.

Léttir að skýrslan sé komin fyrir sjónir al­mennings

Sviðsstjóri hjá Hafrannsóknarstofnun segir að stofnunin hafi þurft að berjast fyrir fjárveitingum til að geta staðið undir eftirliti með sjókvíaeldi og öðrum lögbundnum verkefnum. Það væri léttir að skýrsla Ríkisendurskoðunar um sjókvíaeldi væri nú komin fyrir sjónir almennings.

Vilja láta banna fisk­eldi í sjó­kvíum

Landvernd vill láta banna frekari vöxt sjókvíaeldis við strendur landsins þar til bætt hefur verið úr regluverki. Áhrif hagsmunaaðila á lagasetningu og umgjörð greinarinnar geti ekki talist eðlileg.

Eðlileg krafa að sjókvíaeldi verði hætt

Svört skýrsla Ríkisendurskoðunar um sjókvíaeldi hefur vakið ansi hörð viðbrögð. Jón Kaldal, talsmaður Íslenska náttúruverndarsjóðsins segir nauðsynlegt að stöðva útgáfu frekari leyfa fyrir sjókvíaeldi. 

Ráðherra segir stöðuna alvarlega og heitir aðgerðum

Matvælaráðherra segir nýja skýrslu Ríkisendurskoðunar sýna að staðan í allri umgjörð sjókvíaeldis sé alvarleg og gera verði breytingar. Samtök fyrirtækja í sjávarútvegi fagna skýrslunni en hún staðfesti engu að síður brotalamir í stjórnsýslu sjókvíaeldis.

Kaffikarlar fyrir vestan segja tafir stofnanafólks óeðlilegar

„Það er alveg sama hvað við ætlum að reyna að fá. Við fáum aldrei neitt. Sérðu með laxeldið. Það eru bara einhverjir sportveiðimenn sem ráða því. Við viljum bara fá laxeldið í Djúpið,“ segir Pétur Runólfsson, einn karlanna sem við hittum að skrafi í Olís-búðinni í Bolungarvík.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið