Viðskipti innlent

Kemur til Kaptio frá Icelandair

Atli Ísleifsson skrifar
Ásgeir Einarsson.
Ásgeir Einarsson. Kaptio

Ásgeir Einarsson hefur verið ráðinn þróunarstjóri hjá hugbúnaðarfyrirtækinu Kaptio. Hann hefur starfað sem hugbúnaðararkitekt og teymisstjóri hjá Icelandair síðustu árin.

Í tilkynningu segir að verkefni Ásgeirs hjá Kaptio verði að leiða áframhaldandi þróun á vöruframboði fyrir viðskiptavini fyrirtækisins sem séu stór alþjóðleg fyrirtæki í ferðaþjónustu.

„Ásgeir kemur til Kaptio frá Icelandair þar sem hann hefur starfað í tæp sex ár sem hugbúnaðararkitekt og teymisstjóri, en hann hefur gegnt lykilhlutverki í viðamikilli uppbyggingu CRM-innviða Icelandair síðustu ár. Þar áður starfaði Ásgeir í fimm ár sem hugbúnaðarsérfræðingur hjá Advania.

Ásgeir útskrifaðist nýlega með meistaragráðu í upplýsingastjórnun frá Háskólanum í Reykjavík en hann er einnig með B.S. gráðu í tölvunarfræði frá sama skóla. Hann er í sambúð með Söndru Dís Dagbjartsdóttur og eiga þau saman tvö börn.“

Kaptio er alþjóðlegt hugbúnaðarfyrirtæki sem smíðar bókunar- og viðskiptatengslahugbúnað fyrir ferðaþjónustu. „Félagið, sem var stofnað árið 2012, er með höfuðstöðvar í Reykjavík auk þess að vera með starfsemi í Bretlandi og Kanada en viðskiptavinir félagsins eru alþjóðleg fyrirtæki í ferðaþjónustu. Síðastliðin ár hefur Kaptio verið í hröðum vexti og starfa nú um 50 manns hjá félaginu. Helstu hluthafar Kaptio eru Frumtak og Nýsköpunarsjóður auk stofnenda.“

Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið