„Í þessu tilfelli er rætt um samkeppni á sviði nýsköpunar og ljóst að það hefur gríðarlega neikvæð áhrif á nýsköpunarumhverfið - umhverfi sem við höfum lagt mikið kapp á að gera framúrskarandi síðustu ár,” segir Áslaug Arna.
Í niðurstöðu nefndarinnar kemur fram að innkaup landlæknis af Origo hf. er lúta að þróun á Heklu heilbrigðisneti, gerð og þróun Heilsuveru og þróun fjarfundarlausnar til notkunar á heilbrigðissviði, hafi verið ólögmæt og í andstöðu við lög um opinber innkaup.
Þorbjörg Helga Vigfúsdóttir, stofnandi Kara Connect, segir yfirvöld þurfa að svara því hvernig framtíðarfyrirkomulag í heilsutækni eigi að líta út.
Ný tækni opnar möguleika á meiri fjarheilbrigðisþjónustu, minni kostnaði og svo má áfram telja. Það er þróun sem við viljum að halda áfram og ríkið á ekki að standa í vegi fyrir því eða minnka þar áhugann sökum þess að lögum er ekki fylgt
„Það er mikil gróska í nýsköpun og nýjum lausnum meðal sprotafyrirtækja á sviði heilbrigðistækni og þjónustu. Sprotafyrirtæki eru að koma fram með hugbúnaðarlausnir til aukinnar skilvirkni og betri þjónustu, ný tækni opnar möguleika á meiri fjarheilbrigðisþjónustu, minni kostnaði og svo má áfram telja. Það er þróun sem við viljum halda áfram og ríkið á ekki að standa í vegi fyrir því eða minnka þar áhugann sökum þess að lögum er ekki fylgt og eðlileg samkeppni virt að vettugi,” segir Áslaug Arna.
Hún segir eitt af áhersluatriðum í sínu ráðuneyti vera að komið verði á skilvirku samstarfsumhverfi sprotafyrirtækja og stofnana á sviði heilbrigðisþjónustu.
Það er þróun sem við viljum halda áfram og ríkið á ekki að standa í vegi fyrir því eða minnka þar áhugann sökum þess að lögum er ekki fylgt og eðlileg samkeppni virt að vettugi
„Áhersla verði lögð á að móta vettvang og umhverfi sem gefi frumkvöðlum og sprotafyrirtækjum kost á að kynna sínar lausnir og að til staðar verði faglegt kerfi fyrir kynningu, mat og innleiðingu nýrra lausna. Þetta er mikilvægt fyrir umbætur og nýsköpun í opinberri þjónustu, svo sem heilbrigðisþjónustu. Þetta skiptir líka miklu máli fyrir vöxt nýsköpunarfyrirtækja hér á landi.”
