Upphitun: Úrslitaleikur í skugga skandals Valur Páll Eiríksson skrifar 25. apríl 2021 08:00 Stórleikur Manchester City og Tottenham í úrslitum deildabikarsins fer fram í dag. Getty Images/Shaun Botterill Manchester City og Tottenham Hotspur eigast við í úrslitaleik enska deildabikarsins klukkan 15:30 í dag. Þessi áhugaverða viðureign verður í beinni á Stöð 2 Sport 2, en það hefur töluvert gengið á hjá báðum félögum í vikunni. Vikan sem var að líða hefði auðveldlega getað verið á meðal þeirra betri á tíma Daniels Levy í stöðu stjórnarformanns Tottenham. Byrjað á stórkostlegri nýrri ofurdeild, sem myndi græja skuldir félagsins vegna nýs leikvangs á einu bretti, sigrar á Everton og Southampton myndu skila liðinu í Meistaradeildarsæti og svo að enda hana á fyrsta titli félagsins frá 2008 með sigri á Manchester City á Wembley - meira að segja með fólk í stúkunni. Hún hefur þó ekki alveg þróast með þeim hætti. Leikurinn við Everton vannst ekki, sem varð til þess að José Mourinho, lang stærsta og dýrasta þjálfararáðningin í stjórnartíð Levys, var látinn taka poka sinn á mánudagsmorgun, og því fylgdi að greiða upp tugmilljóna punda samning þess portúgalska. Ofurdeildin floppaði harkalega með þeim afleiðingum að Tottenham þurftu, líkt og hin ensku stórliðin, að segja sig frá verkefninu, og þá kusu 90% aðila að stuðningsmannafélagi liðsins með því að segja skildi upp allri stjórn klúbbsins. Í stað Mourinhos var ráðinn Ryan Mason, 29 ára fyrrum leikmaður félagsins, sem þó náði að krækja í þrjú stig gegn Southampton í miðri viku. Þar var Tottenham án fyrirliða síns, Harry Kane, sem er bæði markahæsti og stoðsendingahæsti leikmaður þeirra á leiktíðinni. Kane keppir við tímann um að ná leik dagsins. Lágværari gagnrýnisraddir Vikan hjá Manchester City hefur verið skárri en þó ekki góð. Þeir tóku einnig þátt í ofurdeildarfíaskóinu en voru hvað fyrstir að fjarlægja sig frá verkefninu. Enda eru hnekkir á almenningsáliti eitthvað sem eigendur félagsins frá Sameinuðu arabísku furstadæmunum kæra sig lítið um. Ekki hefur borið mikið á samskonar gagnrýni á eigendurna í bláum hluta Manchester-borgar líkt og hjá Tottenham og hinum ensku ofurliðunum. Þeir hafa enda lagt óheyrilega fjármuni í félagið; leikmannakaup, innviði þess, nýtt æfingasvæði og fleira, auk þess að hafa lagt mikið til uppbyggingar í Manchester-borg. Góður árangur félagsins undanfarin ár skemmir þá líklega lítið fyrir. City varð þó fyrir áfalli síðustu helgi þegar liðið tapaði 1-0 fyrir Chelsea í undanúrslitum FA-bikarsins á Wembley. Draumar um fjóra titla á sömu leiktíðinni voru þar með úr sögunni en til að bæta gráu ofan á svart varð lykilmaðurinn Kevin de Bruyne fyrir ökklameiðslum. Það virðist þó hafa farið betur en á horfðist þar sem hann æfði á föstudag og er líklegur til að spila í dag. Endar biðin langa eða skilar sigurhefðin? Manchester City mætir nú á Wembley í annað skiptið á einni viku og eru eflaust ákveðnir í að gera betur en síðustu helgi. Liðið hefur verið í áskrift að deildabikartitlum undanfarin ár og getur unnið sinn fjórða deildabikartitil í röð í dag, og jafnframt þann sjötta á átta árum. Af síðustu 19 leikjum sínum í keppninni hefur aðeins einn tapast, gegn Manchester United í undanúrslitum í fyrra. Verkefnið er því ærið fyrir hinn unga Ryan Mason, sem á einn leik sem aðalþjálfari á ferilskránni. Hann getur stýrt liðinu til síns fyrsta titils frá árinu 2008, þegar Spurs unnu einmitt deildabikarinn eftir 2-1 sigur á Chelsea í úrslitum. Ryan Mason var þá 17 ára að spila með unglingaliði félagsins. Það sama ár var Josep Guardiola, stjóri City, að stíga sín fyrstu skref sem þjálfari Barcelona. Hann vann þar þrennuna á fyrstu leiktíð, 2008-09, og hefur síðan bætt sjö deildartitlum, fjórum bikartitlum og einni Meistaradeild til viðbótar í safnið, að undanskildum áðurnefndum þremur deildabikartitlum í röð. Skiptir keppnin allt í einu máli? Í október á síðasta ári stóðu Tottenham og Manchester City, ásamt hinum ensku ofurdeildarliðunum, að tillögunni Project Big Picture. Um var að ræða svipaða einræðistilburði og þá í vikunni, en þó ekki á alþjóðlegan skala. Hluti af þeirri tillögu var að leggja deildabikarinn niður eins og hann leggur sig, og ekki hefði þátttaka í ofurdeild gefið mikið frekara andrými til að taka þátt í keppninni. Það er því kaldhæðnislegt, eftir tvær tilraunir á innan við ári til að leggja keppnina af, að sigur í dag myndi eflaust gera mikið til að friða ósátta stuðningsmenn. Mun Manchester City mæta með klippikortið fyrir titlinum enn eitt árið eða viðheldur Mason 100% sigurhlutfalli sínu sem þjálfari? Úrslitaleikur Manchester City og Tottenham Hotspur hefst klukkan 15:30 og verður sýndur beint á Stöð 2 Sport 2. Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn „Við höldum bara áfram þangað til að leikurinn er búinn“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti „Við gleymum okkur á veiku hliðinni“ Körfubolti Girona í fyrsta sinn í Meistaradeild Evrópu og tryggði Real í leiðinni titilinn Fótbolti Fleiri fréttir Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Sjá meira
Vikan sem var að líða hefði auðveldlega getað verið á meðal þeirra betri á tíma Daniels Levy í stöðu stjórnarformanns Tottenham. Byrjað á stórkostlegri nýrri ofurdeild, sem myndi græja skuldir félagsins vegna nýs leikvangs á einu bretti, sigrar á Everton og Southampton myndu skila liðinu í Meistaradeildarsæti og svo að enda hana á fyrsta titli félagsins frá 2008 með sigri á Manchester City á Wembley - meira að segja með fólk í stúkunni. Hún hefur þó ekki alveg þróast með þeim hætti. Leikurinn við Everton vannst ekki, sem varð til þess að José Mourinho, lang stærsta og dýrasta þjálfararáðningin í stjórnartíð Levys, var látinn taka poka sinn á mánudagsmorgun, og því fylgdi að greiða upp tugmilljóna punda samning þess portúgalska. Ofurdeildin floppaði harkalega með þeim afleiðingum að Tottenham þurftu, líkt og hin ensku stórliðin, að segja sig frá verkefninu, og þá kusu 90% aðila að stuðningsmannafélagi liðsins með því að segja skildi upp allri stjórn klúbbsins. Í stað Mourinhos var ráðinn Ryan Mason, 29 ára fyrrum leikmaður félagsins, sem þó náði að krækja í þrjú stig gegn Southampton í miðri viku. Þar var Tottenham án fyrirliða síns, Harry Kane, sem er bæði markahæsti og stoðsendingahæsti leikmaður þeirra á leiktíðinni. Kane keppir við tímann um að ná leik dagsins. Lágværari gagnrýnisraddir Vikan hjá Manchester City hefur verið skárri en þó ekki góð. Þeir tóku einnig þátt í ofurdeildarfíaskóinu en voru hvað fyrstir að fjarlægja sig frá verkefninu. Enda eru hnekkir á almenningsáliti eitthvað sem eigendur félagsins frá Sameinuðu arabísku furstadæmunum kæra sig lítið um. Ekki hefur borið mikið á samskonar gagnrýni á eigendurna í bláum hluta Manchester-borgar líkt og hjá Tottenham og hinum ensku ofurliðunum. Þeir hafa enda lagt óheyrilega fjármuni í félagið; leikmannakaup, innviði þess, nýtt æfingasvæði og fleira, auk þess að hafa lagt mikið til uppbyggingar í Manchester-borg. Góður árangur félagsins undanfarin ár skemmir þá líklega lítið fyrir. City varð þó fyrir áfalli síðustu helgi þegar liðið tapaði 1-0 fyrir Chelsea í undanúrslitum FA-bikarsins á Wembley. Draumar um fjóra titla á sömu leiktíðinni voru þar með úr sögunni en til að bæta gráu ofan á svart varð lykilmaðurinn Kevin de Bruyne fyrir ökklameiðslum. Það virðist þó hafa farið betur en á horfðist þar sem hann æfði á föstudag og er líklegur til að spila í dag. Endar biðin langa eða skilar sigurhefðin? Manchester City mætir nú á Wembley í annað skiptið á einni viku og eru eflaust ákveðnir í að gera betur en síðustu helgi. Liðið hefur verið í áskrift að deildabikartitlum undanfarin ár og getur unnið sinn fjórða deildabikartitil í röð í dag, og jafnframt þann sjötta á átta árum. Af síðustu 19 leikjum sínum í keppninni hefur aðeins einn tapast, gegn Manchester United í undanúrslitum í fyrra. Verkefnið er því ærið fyrir hinn unga Ryan Mason, sem á einn leik sem aðalþjálfari á ferilskránni. Hann getur stýrt liðinu til síns fyrsta titils frá árinu 2008, þegar Spurs unnu einmitt deildabikarinn eftir 2-1 sigur á Chelsea í úrslitum. Ryan Mason var þá 17 ára að spila með unglingaliði félagsins. Það sama ár var Josep Guardiola, stjóri City, að stíga sín fyrstu skref sem þjálfari Barcelona. Hann vann þar þrennuna á fyrstu leiktíð, 2008-09, og hefur síðan bætt sjö deildartitlum, fjórum bikartitlum og einni Meistaradeild til viðbótar í safnið, að undanskildum áðurnefndum þremur deildabikartitlum í röð. Skiptir keppnin allt í einu máli? Í október á síðasta ári stóðu Tottenham og Manchester City, ásamt hinum ensku ofurdeildarliðunum, að tillögunni Project Big Picture. Um var að ræða svipaða einræðistilburði og þá í vikunni, en þó ekki á alþjóðlegan skala. Hluti af þeirri tillögu var að leggja deildabikarinn niður eins og hann leggur sig, og ekki hefði þátttaka í ofurdeild gefið mikið frekara andrými til að taka þátt í keppninni. Það er því kaldhæðnislegt, eftir tvær tilraunir á innan við ári til að leggja keppnina af, að sigur í dag myndi eflaust gera mikið til að friða ósátta stuðningsmenn. Mun Manchester City mæta með klippikortið fyrir titlinum enn eitt árið eða viðheldur Mason 100% sigurhlutfalli sínu sem þjálfari? Úrslitaleikur Manchester City og Tottenham Hotspur hefst klukkan 15:30 og verður sýndur beint á Stöð 2 Sport 2.
Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn „Við höldum bara áfram þangað til að leikurinn er búinn“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti „Við gleymum okkur á veiku hliðinni“ Körfubolti Girona í fyrsta sinn í Meistaradeild Evrópu og tryggði Real í leiðinni titilinn Fótbolti Fleiri fréttir Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Sjá meira