Ákvörðun um að hætta að nota AstraZeneca-bóluefni sögð „torskilin“ Kjartan Kjartansson skrifar 16. mars 2021 12:09 Ekkert hefur komið fram sem sýnir fram á orsakasamband á milli blóðtappa og bóluefnis AstraZeneca. Evrópusambandið og lyfjafyrirtækið hafa átt í deilum um afhendingar á efninu en nokkur Evrópuríki hafa nú stöðvað notkun á efninu tímabundið. Vísir/EPA Ákvörðun Evrópuríkja um að stöðva tímabundið notkun á bóluefni AstraZeneca var tekin þrátt fyrir að alþjóðlegar stofnanir hafi engar sannanir séð fyrir tengslum þess við blóðtappa í fólki. Sérfræðingur segir ákvörðunina torskilda og að hún hafi afleiðingar. Ísland er í hópi nokkurra Evrópuríkja sem fylgdi í fótspor Noregs og stöðvaði tímabundið notkun á bóluefni AstraZeneca eftir að tilkynnt var um nokkur tilfelli blóðtappa hjá fólki sem hafði verið gefið efnið. Það gerðu ríkin þrátt fyrir að Alþjóðaheilbrigðisstofunin (WHO) og Lyfjastofnun Evrópu segðu engar vísbendingar fyrir orsakasamhengi. Tíðni blóðtappa hjá þeim sem hafa fengið bóluefnið í Evrópu er þannig lægri en búast mætti við almennt. Innan við fjörutíu manns hafa fengið blóðtappa af um sautján milljónum manna sem hafa fengið bóluefnið í ríkjum Evrópusambandsins og Bretlandi. Sérfræðingar WHO og Lyfjastofnunar Evrópu ætla að funda hverjir í sínu lagi um notkun bóluefnisins í dag. Breska ríkisútvarpið BBC segir að búist sé við því að evrópska stofnunin gefi út leiðbeiningar um notkun efnisins á fimmtudag. Stofnunin hefur sagt að ávinningur bóluefnisins vegi þyngra en áhættan af mögulegum aukaverkunum. Þýskaland, Frakkland, Ítalía og Spánn er á meðal ríkja sem hafa ákveðið að hætta notkun bóluefnisins tímabundið af „varúðarástæðum“. Önnur Evrópulönd, þar á meðal Belgía, Pólland, Tékkland og Úkraína ætla að halda notkun þess áfram. Þá heldur COVAX-áætlun Sameinuðu þjóðanna um að dreifa bóluefni AstraZeneca til fátækra ríkja áfram þrátt fyrir aðgerðir evrópskra ríkja. „Óskiljanleg“ ákvörðun Bólusetningar gegn kórónuveirunni hafa gengið afar hægt í Evrópu og eru ákvarðanir einstakra ríkja um að hætta notkun eins bóluefnanna ekki líklegar til þess að hraða ferlinu. Töfin gæti þýtt að þúsundir manna hljóti alvarleg og jafnvel langvarandi einkenni af völdum Covid-19 og að margir muni látast til viðbótar. „Fólk er að deyja um alla Evrópu. Smitum fjölgar í mörgum Evrópuríkjum. Bólusetningaráætlunin gengur á afturfótunum og fólk er þegar mjög hikandi gagnvart bóluefnum. Þau taka ekki tillit til gallanna við stöðvunina. Þegar búið er að stöðva gæti orðið ómögulegt að byggja aftur upp traust almennings,“ segir Anthony Cox, sérfræðingur í lyfjaöryggi við Háskólann í Birmingham, við BBC. Michael Head, lýðheilsusérfræðingur við Háskólann í Southampton á Englandi, segir ákvörðun ríkjanna torskiljanlega enda liggi ekki nægar upplýsingar fyrir til að réttlæta það að stöðva notkun bóluefnisins. „Að stöðva dreifingu bóluefnis í faraldri hefur afleiðingar. Það leiðir til tafa í vernd fyrir fólk og möguleikans á aukinna efasemda í garð bólusetninga vegna fólks sem hefur séð fyrirsagnir og fengið skiljanlegar áhyggjur,“ segir Head við AP-fréttastofuna. Þeir sem að ákvörðunum standa vísa til varúðar. Karina Butler, formaður bólusetninganefndar Írlands sem hefur einnig stöðvað notkun bóluefnisins, sagði ákvörðunina auka traust fólks á bólusetningaráætlunum. „Það sem við viljum gera er að útvega öruggar áætlanir. Við grípum til allra aðgerða til að tryggja að það sé það sem við gerum,“ sagði hún í viðtali við írska ríkisútvarpið RTE. Í sama streng tók Jens Spahn, heilbrigðisráðherra Þýskalands. „Það mikilvægasta fyrir traust er gegnsæi,“ sagði hann eftir að þýsk stjórnvöld ákváðu að hætta að gefa bæði fyrsta og annan skammt bóluefnis AstraZeneca á dögunum. Things are getting complicated with the Astra Zeneca vaccine in Europe. Despite the WHO saying it s fine to use, Germany, France and others have suspended its use. We ve looked at why and why some scientists are baffled . Produced @michaelcoxJ https://t.co/X1aeUdDabo pic.twitter.com/NsugaLYN3R— Ros Atkins (@BBCRosAtkins) March 15, 2021 Blóðtappar og blæðingar í Svíþjóð Svíþjóð bættist í hóp ríkjanna sem hættu að nota bóluefni AstraZeneca tímabundið í dag. Anders Tegnell, sóttvarnalæknir þar, segir að nokkur tilfelli um annars konar einkenni blóðtappa eftir bólusetningu hafi verið tilkynnt þar frá því á föstudag. „Það er annar og aðeins alvarlegri kvilli í blóðrásinni sem getur valdið bæði töppum og blæðingum,“ segir Tegnell við sænska ríkisútvarpið SVT. Einkennin hafi greinst í yngra fólki en blóðtapparnir sem tilkynnt hefur verið um annars staðar. Stöðvunin gildi til fimmtudags þegar ákvörðun Lyfjastofnun Evrópu um framhaldið liggur fyrir. Í Svíþjóð líkt og annars staðar er ákvörðunin sögð tekin í varúðarskyni. „Merkið er svo alvarlegt að við verðum að taka hlé í dag,“ sagði Tegnell um ákvörðunina. Faraldur kórónuveiru (COVID-19) Lyf Bólusetningar Tengdar fréttir Svíar stöðva einnig notkun á bóluefni AstraZeneca Heilbrigðisyfirvöld í Svíþjóð hafa ákveðið að stöðva notkun á bóluefni AstraZeneca þar til að Lyfjastofnun Evrópu hefur lokið rannsókn sinni á mögulegum aukaverkunum. Fjölmörg ríki Evrópu hafa nú þegar stöðvað notkunina, þar á meðal Ísland, eftir að fréttir bárust af því að að fólk hafi verið að fá blóðtappa í kjölfar sprautunnar. 16. mars 2021 08:23 Kynna hugsanleg næstu skref á fimmtudag Sérfræðinganefnd Lyfjastofnunar Evrópu (EMA) mun á fimmtudag ræða niðurstöður athugunar á mögulegum aukaverkunum bóluefnis AstraZeneca við Covid-19 og ræða hugsanleg næstu skref. 15. mars 2021 19:52 WHO: Ekki ástæða til að hætta að nota bóluefni AstraZeneca Alþjóðaheilbrigðisstofnunin (WHO) telur ekki ástæðu fyrir lönd að hætta að nota bóluefni AstraZeneca gegn kórónuveirunni. Ekkert bendi til þess að bóluefnið geti valdið blóðtappa. Ísland er á meðal þeirra ríkja sem hafa stöðvað bólusetningar með efninu tímabundið í öryggisskyni. 12. mars 2021 16:48 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Endurnýja spá um lok umbrota við Grindavík Innlent Búast má við slyddu Veður Eldinum í bílnum fylgdi heljarinnar sprenging Innlent Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent Frestun verkfalla kemur til greina Innlent Ísraelsmenn vísa fréttamönnum á dyr Erlent Fleiri fréttir Ísrael samþykkir ekki vopnahlé Ísraelsmenn vísa fréttamönnum á dyr Íhaldsflokkurinn laut í lægra haldi í sveitarstjórnarkosningum Tuga enn saknað og 55 látnir Verður borgarstjóri Lundúna þriðja kjörtímabilið í röð Auka viðbúnað í aðdraganda Eurovision Forseti Argentínu skýtur föstum skotum á spænsku ríkisstjórnina Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Sjá meira
Ísland er í hópi nokkurra Evrópuríkja sem fylgdi í fótspor Noregs og stöðvaði tímabundið notkun á bóluefni AstraZeneca eftir að tilkynnt var um nokkur tilfelli blóðtappa hjá fólki sem hafði verið gefið efnið. Það gerðu ríkin þrátt fyrir að Alþjóðaheilbrigðisstofunin (WHO) og Lyfjastofnun Evrópu segðu engar vísbendingar fyrir orsakasamhengi. Tíðni blóðtappa hjá þeim sem hafa fengið bóluefnið í Evrópu er þannig lægri en búast mætti við almennt. Innan við fjörutíu manns hafa fengið blóðtappa af um sautján milljónum manna sem hafa fengið bóluefnið í ríkjum Evrópusambandsins og Bretlandi. Sérfræðingar WHO og Lyfjastofnunar Evrópu ætla að funda hverjir í sínu lagi um notkun bóluefnisins í dag. Breska ríkisútvarpið BBC segir að búist sé við því að evrópska stofnunin gefi út leiðbeiningar um notkun efnisins á fimmtudag. Stofnunin hefur sagt að ávinningur bóluefnisins vegi þyngra en áhættan af mögulegum aukaverkunum. Þýskaland, Frakkland, Ítalía og Spánn er á meðal ríkja sem hafa ákveðið að hætta notkun bóluefnisins tímabundið af „varúðarástæðum“. Önnur Evrópulönd, þar á meðal Belgía, Pólland, Tékkland og Úkraína ætla að halda notkun þess áfram. Þá heldur COVAX-áætlun Sameinuðu þjóðanna um að dreifa bóluefni AstraZeneca til fátækra ríkja áfram þrátt fyrir aðgerðir evrópskra ríkja. „Óskiljanleg“ ákvörðun Bólusetningar gegn kórónuveirunni hafa gengið afar hægt í Evrópu og eru ákvarðanir einstakra ríkja um að hætta notkun eins bóluefnanna ekki líklegar til þess að hraða ferlinu. Töfin gæti þýtt að þúsundir manna hljóti alvarleg og jafnvel langvarandi einkenni af völdum Covid-19 og að margir muni látast til viðbótar. „Fólk er að deyja um alla Evrópu. Smitum fjölgar í mörgum Evrópuríkjum. Bólusetningaráætlunin gengur á afturfótunum og fólk er þegar mjög hikandi gagnvart bóluefnum. Þau taka ekki tillit til gallanna við stöðvunina. Þegar búið er að stöðva gæti orðið ómögulegt að byggja aftur upp traust almennings,“ segir Anthony Cox, sérfræðingur í lyfjaöryggi við Háskólann í Birmingham, við BBC. Michael Head, lýðheilsusérfræðingur við Háskólann í Southampton á Englandi, segir ákvörðun ríkjanna torskiljanlega enda liggi ekki nægar upplýsingar fyrir til að réttlæta það að stöðva notkun bóluefnisins. „Að stöðva dreifingu bóluefnis í faraldri hefur afleiðingar. Það leiðir til tafa í vernd fyrir fólk og möguleikans á aukinna efasemda í garð bólusetninga vegna fólks sem hefur séð fyrirsagnir og fengið skiljanlegar áhyggjur,“ segir Head við AP-fréttastofuna. Þeir sem að ákvörðunum standa vísa til varúðar. Karina Butler, formaður bólusetninganefndar Írlands sem hefur einnig stöðvað notkun bóluefnisins, sagði ákvörðunina auka traust fólks á bólusetningaráætlunum. „Það sem við viljum gera er að útvega öruggar áætlanir. Við grípum til allra aðgerða til að tryggja að það sé það sem við gerum,“ sagði hún í viðtali við írska ríkisútvarpið RTE. Í sama streng tók Jens Spahn, heilbrigðisráðherra Þýskalands. „Það mikilvægasta fyrir traust er gegnsæi,“ sagði hann eftir að þýsk stjórnvöld ákváðu að hætta að gefa bæði fyrsta og annan skammt bóluefnis AstraZeneca á dögunum. Things are getting complicated with the Astra Zeneca vaccine in Europe. Despite the WHO saying it s fine to use, Germany, France and others have suspended its use. We ve looked at why and why some scientists are baffled . Produced @michaelcoxJ https://t.co/X1aeUdDabo pic.twitter.com/NsugaLYN3R— Ros Atkins (@BBCRosAtkins) March 15, 2021 Blóðtappar og blæðingar í Svíþjóð Svíþjóð bættist í hóp ríkjanna sem hættu að nota bóluefni AstraZeneca tímabundið í dag. Anders Tegnell, sóttvarnalæknir þar, segir að nokkur tilfelli um annars konar einkenni blóðtappa eftir bólusetningu hafi verið tilkynnt þar frá því á föstudag. „Það er annar og aðeins alvarlegri kvilli í blóðrásinni sem getur valdið bæði töppum og blæðingum,“ segir Tegnell við sænska ríkisútvarpið SVT. Einkennin hafi greinst í yngra fólki en blóðtapparnir sem tilkynnt hefur verið um annars staðar. Stöðvunin gildi til fimmtudags þegar ákvörðun Lyfjastofnun Evrópu um framhaldið liggur fyrir. Í Svíþjóð líkt og annars staðar er ákvörðunin sögð tekin í varúðarskyni. „Merkið er svo alvarlegt að við verðum að taka hlé í dag,“ sagði Tegnell um ákvörðunina.
Faraldur kórónuveiru (COVID-19) Lyf Bólusetningar Tengdar fréttir Svíar stöðva einnig notkun á bóluefni AstraZeneca Heilbrigðisyfirvöld í Svíþjóð hafa ákveðið að stöðva notkun á bóluefni AstraZeneca þar til að Lyfjastofnun Evrópu hefur lokið rannsókn sinni á mögulegum aukaverkunum. Fjölmörg ríki Evrópu hafa nú þegar stöðvað notkunina, þar á meðal Ísland, eftir að fréttir bárust af því að að fólk hafi verið að fá blóðtappa í kjölfar sprautunnar. 16. mars 2021 08:23 Kynna hugsanleg næstu skref á fimmtudag Sérfræðinganefnd Lyfjastofnunar Evrópu (EMA) mun á fimmtudag ræða niðurstöður athugunar á mögulegum aukaverkunum bóluefnis AstraZeneca við Covid-19 og ræða hugsanleg næstu skref. 15. mars 2021 19:52 WHO: Ekki ástæða til að hætta að nota bóluefni AstraZeneca Alþjóðaheilbrigðisstofnunin (WHO) telur ekki ástæðu fyrir lönd að hætta að nota bóluefni AstraZeneca gegn kórónuveirunni. Ekkert bendi til þess að bóluefnið geti valdið blóðtappa. Ísland er á meðal þeirra ríkja sem hafa stöðvað bólusetningar með efninu tímabundið í öryggisskyni. 12. mars 2021 16:48 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Endurnýja spá um lok umbrota við Grindavík Innlent Búast má við slyddu Veður Eldinum í bílnum fylgdi heljarinnar sprenging Innlent Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent Frestun verkfalla kemur til greina Innlent Ísraelsmenn vísa fréttamönnum á dyr Erlent Fleiri fréttir Ísrael samþykkir ekki vopnahlé Ísraelsmenn vísa fréttamönnum á dyr Íhaldsflokkurinn laut í lægra haldi í sveitarstjórnarkosningum Tuga enn saknað og 55 látnir Verður borgarstjóri Lundúna þriðja kjörtímabilið í röð Auka viðbúnað í aðdraganda Eurovision Forseti Argentínu skýtur föstum skotum á spænsku ríkisstjórnina Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Sjá meira
Svíar stöðva einnig notkun á bóluefni AstraZeneca Heilbrigðisyfirvöld í Svíþjóð hafa ákveðið að stöðva notkun á bóluefni AstraZeneca þar til að Lyfjastofnun Evrópu hefur lokið rannsókn sinni á mögulegum aukaverkunum. Fjölmörg ríki Evrópu hafa nú þegar stöðvað notkunina, þar á meðal Ísland, eftir að fréttir bárust af því að að fólk hafi verið að fá blóðtappa í kjölfar sprautunnar. 16. mars 2021 08:23
Kynna hugsanleg næstu skref á fimmtudag Sérfræðinganefnd Lyfjastofnunar Evrópu (EMA) mun á fimmtudag ræða niðurstöður athugunar á mögulegum aukaverkunum bóluefnis AstraZeneca við Covid-19 og ræða hugsanleg næstu skref. 15. mars 2021 19:52
WHO: Ekki ástæða til að hætta að nota bóluefni AstraZeneca Alþjóðaheilbrigðisstofnunin (WHO) telur ekki ástæðu fyrir lönd að hætta að nota bóluefni AstraZeneca gegn kórónuveirunni. Ekkert bendi til þess að bóluefnið geti valdið blóðtappa. Ísland er á meðal þeirra ríkja sem hafa stöðvað bólusetningar með efninu tímabundið í öryggisskyni. 12. mars 2021 16:48