Skelltu límmiða á Loft og fengu söluleyfið aftur Vésteinn Örn Pétursson skrifar 1. febrúar 2021 22:19 Það er enga sígarettu að sjá á þessum bjór. Ægir brugghús Umbúðir bjórsins Lofts, sem Heilbrigðiseftirlit Reykjavíkur hafði sett sölubann á vegna brots á lögum um tóbaksvarnir, hafa verið ritskoðaðar og leyfi fengist til að selja bjórinn í ÁTVR á nýjan leik. Bruggmeistari eyddi deginum í að útbúa nýjar umbúðir og gerir ráð fyrir að bjórinn fari í hillur á morgun. Bjórinn kom í hillur vínbúða í síðustu viku, á dánardegi Lofts Gunnarssonar, sem hafði verið heimilislaus um nokkurt skeið þegar hann lést árið 2012. Ágóði af bjórnum rennur í minningarsjóð Lofts, sem nota á til þess að styðja við bakið á heimilislausu fólki í Reykjavík og efla baráttu fyrir mannréttindum þeirra. Á dósinni sem Loftur kemur í er mynd af manninum sjálfum, þar sem hann fær sér smók af sígarettu. Fyrir helgi setti Heilbrigðiseftirlit Reykjavíkur sölubann á bjórinn í kjölfar ábendinga Krabbameinsfélags Reykjavíkur um að myndin bryti í bága við ákvæði laga um tóbaksvarnir. Ólafur er bruggmeistari hjá Ægi. Hann segist ekki hafa leitt hugann að því að sígaretta á bjórdós kynni að vera lögbrot.Aðsend Myndin lýsandi fyrir Loft Í samtali við Vísi segir Ólafur S. K. Þorvaldz, bruggmeistari hjá Ægi brugghúsi, að hann hafi ekki búist við því að bjórinn yrði ritskoðaður þegar hann fór fyrst í sölu. „Það var bara valin mynd af Lofti sem er táknræn fyrir hann og hefur verið notuð mjög oft í kynningarstarfi fyrir sjóðinn, hún prýðir forsíðuna hjá minningarsjóðnum. Við völdum bara mynd sem er táknræn fyrir hann og er tekin áður en hann tekur þessi skref út í neyslu og annað slíkt,“ segir Ólafur. Ólafur segist ekki haf áttað sig á að umbúðirnar gætu verið brot á lögum um tóbaksvarnir. Hann hafi fyrst leitt hugann af því þegar fréttastofa Ríkisútvarpsins hringdi í hann og innti hann eftir viðbrögðum við kvörtun Krabbameinsfélagsins. „Þá var mér aldrei gefið neitt tækifæri til að bregðast við þessu að neinu leiti. Svo hefur ÁTVR samband og lætur mig vita, heilbrigðiseftirlitið kemur í beinu framhaldi og vill fá að skoða umbúðirnar. Svo fæ ég bara að vita af því að það sé komin sölustöðvun á þetta, að ég held síðasta fimmtudag.“ Umbúðirnar í heild sinni.Ægir brugghús „Ritskoðað“ Ólafur segir að í kjölfar þess að sölustöðvun var sett á bjórinn hafi farið af stað vinna við að endurhanna umbúðirnar til að bregðast við málinu. „Við fengum að vita frá ÁTVR strax á föstudag að þau væru að bíða eftir svari frá heilbrigðiseftirlitinu. Svo fæ ég svar frá eftirlitinu í dag og samþykki frá ÁTVR um söluna,“ segir Ólafur. En hvaða breytingu þurfti að gera á umbúðunum? Jú, nú er búið að líma rauðan límmiða með orðinu „ritskoðað“ yfir sígarettuna á hverri dós. „Við sóttum bjórinn upp í ÁTVR og vorum í allan dag að líma yfir sígarettuna,“ segir Ólafur, sem telur að bjórinn verði kominn aftur í sölu á morgun. Hann bendir á að ef hann hafi ætlað að prenta nýtt upplag af miðum þá gengi það ansi hratt á þann ágóða sem fara ætti í minningarsjóð Lofts. Því hafi verið brugðið á ódýrara ráðið, að líma. Loftur Gunnarsson hafði verið heimilislaus um nokkurt skeið þegar hann lést 32 ára gamall árið 2012. Minningarsjóður Lofts Gunnarssonar var stofnaður af ástvinum hans það sama ár í þeim tilgangi að bæta hag útigangsmanna í Reykjavík og berjast fyrir því að mannréttindi þeirra séu virt. Vonar að umfjöllunin skili sér Eftir á að hyggja segist Ólafur telja að sú fjölmiðlaumfjöllun sem kom í kjölfar sölustöðvunar bjórsins hafi verið meiri en ella. „Miðað við hvernig þetta hefur þróast þá held ég að engin markaðsstofa á höfuðborgarsvæðinu hefði getað skilað þessari umfjöllun,“ segir Ólafur og hlær. „Ég held að þetta komi til með að skila bæði minningarsjóðnum og umræðunni um heimilislaust fólk rosalega mikið fram, miðað við alla athyglina sem þetta hefur fengið. Þetta gerir það vonandi að verkum að allt upplagið selst og allur peningurinn sem við vorum búnir að áætla geti bara farið óskertur þarna inn í minningarsjóðinn,“ segir Ólafur. Saga Lofts Gunnarssonar var sögð í Íslandi í dag árið 2014. Áfengi og tóbak Félagsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ballið búið fyrir fullt og allt á B5 Viðskipti innlent Snýr aftur til Snjallgagna Viðskipti innlent Ráðin forstöðumaður hjá OK Viðskipti innlent Farþegum fjölgaði og sætanýting um 85 prósent Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Yfir milljón farþegar fyrstu fjóra mánuði ársins Viðskipti innlent Fleiri fréttir Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Sjá meira
Bjórinn kom í hillur vínbúða í síðustu viku, á dánardegi Lofts Gunnarssonar, sem hafði verið heimilislaus um nokkurt skeið þegar hann lést árið 2012. Ágóði af bjórnum rennur í minningarsjóð Lofts, sem nota á til þess að styðja við bakið á heimilislausu fólki í Reykjavík og efla baráttu fyrir mannréttindum þeirra. Á dósinni sem Loftur kemur í er mynd af manninum sjálfum, þar sem hann fær sér smók af sígarettu. Fyrir helgi setti Heilbrigðiseftirlit Reykjavíkur sölubann á bjórinn í kjölfar ábendinga Krabbameinsfélags Reykjavíkur um að myndin bryti í bága við ákvæði laga um tóbaksvarnir. Ólafur er bruggmeistari hjá Ægi. Hann segist ekki hafa leitt hugann að því að sígaretta á bjórdós kynni að vera lögbrot.Aðsend Myndin lýsandi fyrir Loft Í samtali við Vísi segir Ólafur S. K. Þorvaldz, bruggmeistari hjá Ægi brugghúsi, að hann hafi ekki búist við því að bjórinn yrði ritskoðaður þegar hann fór fyrst í sölu. „Það var bara valin mynd af Lofti sem er táknræn fyrir hann og hefur verið notuð mjög oft í kynningarstarfi fyrir sjóðinn, hún prýðir forsíðuna hjá minningarsjóðnum. Við völdum bara mynd sem er táknræn fyrir hann og er tekin áður en hann tekur þessi skref út í neyslu og annað slíkt,“ segir Ólafur. Ólafur segist ekki haf áttað sig á að umbúðirnar gætu verið brot á lögum um tóbaksvarnir. Hann hafi fyrst leitt hugann af því þegar fréttastofa Ríkisútvarpsins hringdi í hann og innti hann eftir viðbrögðum við kvörtun Krabbameinsfélagsins. „Þá var mér aldrei gefið neitt tækifæri til að bregðast við þessu að neinu leiti. Svo hefur ÁTVR samband og lætur mig vita, heilbrigðiseftirlitið kemur í beinu framhaldi og vill fá að skoða umbúðirnar. Svo fæ ég bara að vita af því að það sé komin sölustöðvun á þetta, að ég held síðasta fimmtudag.“ Umbúðirnar í heild sinni.Ægir brugghús „Ritskoðað“ Ólafur segir að í kjölfar þess að sölustöðvun var sett á bjórinn hafi farið af stað vinna við að endurhanna umbúðirnar til að bregðast við málinu. „Við fengum að vita frá ÁTVR strax á föstudag að þau væru að bíða eftir svari frá heilbrigðiseftirlitinu. Svo fæ ég svar frá eftirlitinu í dag og samþykki frá ÁTVR um söluna,“ segir Ólafur. En hvaða breytingu þurfti að gera á umbúðunum? Jú, nú er búið að líma rauðan límmiða með orðinu „ritskoðað“ yfir sígarettuna á hverri dós. „Við sóttum bjórinn upp í ÁTVR og vorum í allan dag að líma yfir sígarettuna,“ segir Ólafur, sem telur að bjórinn verði kominn aftur í sölu á morgun. Hann bendir á að ef hann hafi ætlað að prenta nýtt upplag af miðum þá gengi það ansi hratt á þann ágóða sem fara ætti í minningarsjóð Lofts. Því hafi verið brugðið á ódýrara ráðið, að líma. Loftur Gunnarsson hafði verið heimilislaus um nokkurt skeið þegar hann lést 32 ára gamall árið 2012. Minningarsjóður Lofts Gunnarssonar var stofnaður af ástvinum hans það sama ár í þeim tilgangi að bæta hag útigangsmanna í Reykjavík og berjast fyrir því að mannréttindi þeirra séu virt. Vonar að umfjöllunin skili sér Eftir á að hyggja segist Ólafur telja að sú fjölmiðlaumfjöllun sem kom í kjölfar sölustöðvunar bjórsins hafi verið meiri en ella. „Miðað við hvernig þetta hefur þróast þá held ég að engin markaðsstofa á höfuðborgarsvæðinu hefði getað skilað þessari umfjöllun,“ segir Ólafur og hlær. „Ég held að þetta komi til með að skila bæði minningarsjóðnum og umræðunni um heimilislaust fólk rosalega mikið fram, miðað við alla athyglina sem þetta hefur fengið. Þetta gerir það vonandi að verkum að allt upplagið selst og allur peningurinn sem við vorum búnir að áætla geti bara farið óskertur þarna inn í minningarsjóðinn,“ segir Ólafur. Saga Lofts Gunnarssonar var sögð í Íslandi í dag árið 2014.
Áfengi og tóbak Félagsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ballið búið fyrir fullt og allt á B5 Viðskipti innlent Snýr aftur til Snjallgagna Viðskipti innlent Ráðin forstöðumaður hjá OK Viðskipti innlent Farþegum fjölgaði og sætanýting um 85 prósent Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Yfir milljón farþegar fyrstu fjóra mánuði ársins Viðskipti innlent Fleiri fréttir Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Sjá meira