Stjórnarmenn WOW fengið nóg af „rangfærslum og aðdróttunum“ Stefáns Einars Stefán Ó. Jónsson skrifar 25. mars 2020 14:45 Stefán Einar Stefánsson hefur flutt reglulegar fréttir af málefnum WOW air í viðskiptahluta Morgunblaðsins, auk þess að hafa skrifað bók um flugfélagið. Fyrrverandi stjórnarmenn í hinu fallna WOW air saka viðskiptaritstjóra Morgunblaðsins um fréttaflutning sem ýmist sé efnislega rangur, byggður á endurteknu efni eða inniheldur „aðdróttanir sem nauðsynlegt er að bregðast við.“ Stjórnarmennirnir bregðast einmitt við fréttaflutningi hans í dag, í yfirlýsingu sem þeir sendu fjölmiðlum nú í hádeginu. Þar fara þeir hörðum orðum um skrif Stefáns Einars Stefánssonar, viðskiptaritstjóra og höfund bókarinnar WOW - ris og fall flugfélags sem gefin var út í fyrra. Skúli Mogensen, stofnandi flugfélagsins, hefur áður lýst óánægju sinni með bókina og sagt Stefán hafa farið með „ítrekaðar dylgur og ósannindi“ um málefni WOW. Sjá einnig: Skúli segir „ranga“ forsíðufrétt Stefáns Einars hafa haft neikvæð áhrif á starfsemi WOW Stefán er skrifaður fyrir frétt sem birtist í Morgunblaðinu í dag og ber yfirskriftina „Sækja á 2,8 milljarða tryggingu.“ Fréttin hverfist um tilraunir slitabús flugfélagsins og kröfuhafa til að fá bætt tjón sem „þessir aðilar telja sig hafa orðið fyrir vegna ákvaðana stjórnenda og stjórnar WOW air,“ eins og það er orðað í fréttinni. Skúli Mogensen, stofnandi WOW air, reyndi hvað hann gat að bjarga flugfélagi sínu. Þrátt fyrir andvökunætur og ótal símtöl tókst honum það ekki.Vísir/vilhelm „Undarlegt samhengi“ Umræddir stjórnarmenn hafa ýmislegt við fréttina að athuga og segja hana til að mynda setta í „undarlegt samhengi“ eins og það er orðað í fyrrnefndri yfirlýsingu. „Þar er því haldið fram að félagið hafi keypt stjórnendatryggingu á ögurstundu, sem er ekki aðeins villandi heldur beinlínis rangt. Á ögurstundu stendur fyrirtækjum ekki til boða að kaupa stjórnendatryggingar,“ skrifa stjórnendurnir. Hið rétta sé hinsvegar, að sögn stjórnarmannanna, að stjórn og stjórnendur WOW air hafi verið með stjórnendatryggingu „frá fyrsta degi og hún var reglulega endurnýjuð, eins og aðrar tryggingar félagsins.“ Þar að auki telja stjórnarmennirnir ekkert nýtt í skrifum Stefáns Einars, þetta sé í raun gömul frétt. Ekki aðeins sé eðlilegt að fólk sem telur sig hafa orðið fyrir tjóni vegna gjaldþrots leiti réttar síns heldur hafi verið leitað í umrædda stjórnendatryggingu á síðasta ári, um það leyti sem hún rann úr gildi. „Ekkert hefur hins vegar gerst í málinu síðan - engar frekari kröfur hafa verið gerðar né nokkrar umleitanir átt sér stað.“ Liv Bergþórsdóttir, fyrrverandi stjórnarformaður WOW air, er talsmaður stjórnarinnar hvað þessa gagnrýni varðar. Hún var á dögunum kynnt sem nýr forstjóri ORF Líftækni.orf Mótsagnakenndur Stefán Þar að auki telja stjórnarmennirnir að Stefán Einar sé í mótsögn við sjálfan sig. Orðalag hans um „veikburða tilraun til að forða félaginu frá gjaldþroti“ stangist þannig á við fullyrðingar hans sjálfs um stóræktar björgunartilraunir, sem birtist framar í sömu frétt. „Tilraunir til að bjarga WOW air voru ekki veikburða og virðist ætlun höfundarins sú að gera lítið úr þeim aðgerðum sem farið var í til að reyna að bjarga félaginu. Það hafði gríðarlega mikla þýðingu fyrir framtíð félagsins að allir skyldu leggjast á eitt um björgun þess. Þetta ætti að vera hverjum sem er ljóst þegar nánast öll flugfélög heims standa nú í viðamiklum björgunaraðgerðum. En því miður fór sem fór með ömurlegum afleiðingum,“ skrifa stjórnarmennirnir. Rangfærslur og endurtekið efni Þeir segja jafnframt „fjarri sannleikanum“ að stjórnin sé klofin og „hafi eytt undanförnum mánuðum í að undirbúa varnir sínar vegna fram kominna krafna,“ eins og haldið sé fram í Morgunblaðinu. „Ítrekaður fréttaflutningur viðskiptaritstjóra Morgunblaðsins og höfundar bókarinnar um fall WOW air af málinu byggir því ýmist á rangfærslum eða endurteknu efni.“ WOW Air Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Stofnandi Binance dæmdur fyrir peningaþvætti Viðskipti erlent Mun bjóða upp á sömu flugáætlun og Bláfugl áður Viðskipti innlent Eyða 42 milljörðum í hrekkjavökubúninga á gæludýrin sín Viðskipti erlent Tekjur Apple drógust saman enn eina ferðina Viðskipti erlent Dýrmætustu og sjaldgæfustu Mustang bílar landsins á afmælissýningu Mustang Samstarf Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Fyrrverandi stjórnarmenn í hinu fallna WOW air saka viðskiptaritstjóra Morgunblaðsins um fréttaflutning sem ýmist sé efnislega rangur, byggður á endurteknu efni eða inniheldur „aðdróttanir sem nauðsynlegt er að bregðast við.“ Stjórnarmennirnir bregðast einmitt við fréttaflutningi hans í dag, í yfirlýsingu sem þeir sendu fjölmiðlum nú í hádeginu. Þar fara þeir hörðum orðum um skrif Stefáns Einars Stefánssonar, viðskiptaritstjóra og höfund bókarinnar WOW - ris og fall flugfélags sem gefin var út í fyrra. Skúli Mogensen, stofnandi flugfélagsins, hefur áður lýst óánægju sinni með bókina og sagt Stefán hafa farið með „ítrekaðar dylgur og ósannindi“ um málefni WOW. Sjá einnig: Skúli segir „ranga“ forsíðufrétt Stefáns Einars hafa haft neikvæð áhrif á starfsemi WOW Stefán er skrifaður fyrir frétt sem birtist í Morgunblaðinu í dag og ber yfirskriftina „Sækja á 2,8 milljarða tryggingu.“ Fréttin hverfist um tilraunir slitabús flugfélagsins og kröfuhafa til að fá bætt tjón sem „þessir aðilar telja sig hafa orðið fyrir vegna ákvaðana stjórnenda og stjórnar WOW air,“ eins og það er orðað í fréttinni. Skúli Mogensen, stofnandi WOW air, reyndi hvað hann gat að bjarga flugfélagi sínu. Þrátt fyrir andvökunætur og ótal símtöl tókst honum það ekki.Vísir/vilhelm „Undarlegt samhengi“ Umræddir stjórnarmenn hafa ýmislegt við fréttina að athuga og segja hana til að mynda setta í „undarlegt samhengi“ eins og það er orðað í fyrrnefndri yfirlýsingu. „Þar er því haldið fram að félagið hafi keypt stjórnendatryggingu á ögurstundu, sem er ekki aðeins villandi heldur beinlínis rangt. Á ögurstundu stendur fyrirtækjum ekki til boða að kaupa stjórnendatryggingar,“ skrifa stjórnendurnir. Hið rétta sé hinsvegar, að sögn stjórnarmannanna, að stjórn og stjórnendur WOW air hafi verið með stjórnendatryggingu „frá fyrsta degi og hún var reglulega endurnýjuð, eins og aðrar tryggingar félagsins.“ Þar að auki telja stjórnarmennirnir ekkert nýtt í skrifum Stefáns Einars, þetta sé í raun gömul frétt. Ekki aðeins sé eðlilegt að fólk sem telur sig hafa orðið fyrir tjóni vegna gjaldþrots leiti réttar síns heldur hafi verið leitað í umrædda stjórnendatryggingu á síðasta ári, um það leyti sem hún rann úr gildi. „Ekkert hefur hins vegar gerst í málinu síðan - engar frekari kröfur hafa verið gerðar né nokkrar umleitanir átt sér stað.“ Liv Bergþórsdóttir, fyrrverandi stjórnarformaður WOW air, er talsmaður stjórnarinnar hvað þessa gagnrýni varðar. Hún var á dögunum kynnt sem nýr forstjóri ORF Líftækni.orf Mótsagnakenndur Stefán Þar að auki telja stjórnarmennirnir að Stefán Einar sé í mótsögn við sjálfan sig. Orðalag hans um „veikburða tilraun til að forða félaginu frá gjaldþroti“ stangist þannig á við fullyrðingar hans sjálfs um stóræktar björgunartilraunir, sem birtist framar í sömu frétt. „Tilraunir til að bjarga WOW air voru ekki veikburða og virðist ætlun höfundarins sú að gera lítið úr þeim aðgerðum sem farið var í til að reyna að bjarga félaginu. Það hafði gríðarlega mikla þýðingu fyrir framtíð félagsins að allir skyldu leggjast á eitt um björgun þess. Þetta ætti að vera hverjum sem er ljóst þegar nánast öll flugfélög heims standa nú í viðamiklum björgunaraðgerðum. En því miður fór sem fór með ömurlegum afleiðingum,“ skrifa stjórnarmennirnir. Rangfærslur og endurtekið efni Þeir segja jafnframt „fjarri sannleikanum“ að stjórnin sé klofin og „hafi eytt undanförnum mánuðum í að undirbúa varnir sínar vegna fram kominna krafna,“ eins og haldið sé fram í Morgunblaðinu. „Ítrekaður fréttaflutningur viðskiptaritstjóra Morgunblaðsins og höfundar bókarinnar um fall WOW air af málinu byggir því ýmist á rangfærslum eða endurteknu efni.“
WOW Air Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Krónísk óstundvísi: Skýringar og góð ráð Atvinnulíf Stofnandi Binance dæmdur fyrir peningaþvætti Viðskipti erlent Mun bjóða upp á sömu flugáætlun og Bláfugl áður Viðskipti innlent Eyða 42 milljörðum í hrekkjavökubúninga á gæludýrin sín Viðskipti erlent Tekjur Apple drógust saman enn eina ferðina Viðskipti erlent Dýrmætustu og sjaldgæfustu Mustang bílar landsins á afmælissýningu Mustang Samstarf Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira