Datt ekki í hug að hann yrði meðal þeirra markahæstu í Þýskalandi Ingvi Þór Sæmundsson skrifar 4. nóvember 2020 09:00 EM í Noregi, Svíþjóð og Austurríki í byrjun þessa árs var fyrsta stórmót Viggó Kristjánssonar á ferlinum. hsí Viggó Kristjánsson, landsliðsmaður í handbolta, var nýsloppinn úr einangrun eftir að hafa fengið neikvæða niðurstöðu úr kórónuveiruprófi og á leið á myndbandsfund þegar blaðamaður Vísis sló á þráðinn til hans í gær. Ísland mætir Litháen í fyrsta leik sínum í undankeppni EM 2022 í kvöld. Leikurinn fer fram í Laugardalshöll og hefst klukkan 19:45. „Ég hef verið í einangrun inni á hótelbergi síðan ég kom en var að losna rétt í þessu. Það er myndbandsfundur núna, æfing beint eftir það og svo er leikur á morgun [í dag]. Þetta er voðalega stuttur undirbúningur,“ sagði Viggó. Þetta er í fyrsta sinn sem íslenska landsliðið kemur saman síðan á EM í Noregi, Svíþjóð og Austurríki í janúar. „Það datt allt upp fyrir um páskana og í sumar þannig að þetta er fyrsta verkefnið síðan á EM,“ sagði Viggó. Hann hlakkar að sjálfsögðu að spila í kvöld en spyr sig þó hversu sniðugt það er að spila landsleiki á tímum sem þessum, þegar kórónuveirufaraldurinn geysar um alla Evrópu. Veit ekki hversu skynsamlegt það er „Það er tilhlökkun að spila en það er auðvitað hægt að setja spurningarmerki við þessa ákvörðun að láta landsleiki fram yfir höfuð núna. Það er meiri háttar vesen að koma þessu öllu heim og saman. Að senda menn hingað og þangað yfir landamæri, ég veit ekki hversu skynsamlegt það er eins og staðan er núna,“ sagði Viggó. Ísland átti að mæta Ísrael í Laugardalshöllinni á laugardaginn en leiknum var frestað þar sem Ísraelar treystu sér ekki til Íslands. Aðeins ár er síðan Viggó lék sína fyrstu leiki fyrir íslenska landsliðið, gegn Svíum ytra. Hann var svo í íslenska hópnum sem fór á EM og stóð sig vel á sínu fyrsta stórmóti. Viggó er kominn með báða fætur inn fyrir landsliðsdyrnar og stefnir á að halda sér þar. Viggó ásamt Sigvalda Guðjónssyni eftir leik á EM í janúar.hsí „Ekki spurning, það hefur verið markmiðið síðustu ár að komast í landsliðið og spila á sem hæstu getustigi. Það var frábært að koma inn í landsliðið í fyrra og fá tækifæri á EM. Markmiðið er að vera í landsliðinu næstu árin,“ sagði Viggó. Hann gekk í raðir Stuttgart í sumar og hefur byrjað af fítonskrafti með nýja liðinu. Hann er langmarkahæsti leikmaður Stuttgart á tímabilinu með 44 mörk og þriðji markahæsti leikmaður þýsku úrvalsdeildarinnar. Það hefur ekki bara gengið vel hjá Viggó persónulega, heldur hefur Stuttgart gengið flest í haginn. Eftir sex umferðir er liðið í 6. sæti með níu stig, einu stigi á eftir toppliðunum Kiel, Rhein-Neckar Löwen og Flensburg. Gengið framar vonum „Ég bjóst við alls ekki við því og hugsaði ekki einu sinni út í það að ég yrði meðal markahæstu manna í deildinni. Mér datt það ekki í hug. Hins vegar gekk vel á undirbúningstímabilinu og mig grunaði að ég gæti fengið stórt hlutverk,“ sagði Viggó. „Sem lið renndum við svolítið blint í sjóinn. Þeir töluðu um að þeir hefðu styrkt liðið vel fyrir tímabilið. Það komu ekki margir en við þrír sem komum vorum allir með reynslu úr þýsku deildinni. Menn gerðu sér kannski vonir um að vera um miðja deild. En hingað til er gengi liðsins og mitt framar vonum. Og ég er mjög sáttur með það.“ Viggó í leik gegn Rhein-Neckar Löwen í þýsku úrvalsdeildinni.GETTY/MARCO WOLF Eins og áður sagði er Viggó í 3. sæti listans yfir markahæstu leikmenn þýsku deildarinnar, þeirrar sterkustu í heimi. Og um tíma var hann á toppi markalistans. Sýnir að ég get þetta „Það var mjög gaman, ég lýg því ekki,“ sagði Viggó aðspurður hvernig það hafi verið að sjá nafnið sitt efst á listanum yfir þá markahæstu í þýsku deildinni. „Þetta er eitthvað sem manni fannst óraunhæft fyrir tímabilið en ég er búinn að hanga þarna uppi í nokkrar umferðir. Ég er ekki að segja að ég verði markahæstur í lok tímabils en þetta sýnir að ég get þetta. Það er í mínum höndum að halda áfram að standa mig.“ Stuttgart hefur leikið í þýsku úrvalsdeildinni síðan 2015. Liðið hefur verið í neðri hluta hennar og ekki endað ofar en í 12. sæti sem varð niðurstaðan á síðasta tímabili. Stuttgart hefur komið liða mest á óvart í þýsku úrvalsdeildinni.getty/Uwe Anspach „Þetta er félag sem vill fyrst og fremst forðast fallið. Ef það tekst snemma yrði það frábært og við gætum horft ofar í töfluna. Þeir enduðu í 12. sæti í fyrra og að vera meðal tíu efstu liða yrði algjör draumur fyrir okkur,“ sagði Viggó. Þungavigtarmenn í markinu Reyndustu leikmenn Stuttgart eru markverðirnir Johannes Bitter og Primoz Prost sem eru báðir farnir að nálgast fertugt. Bitter er fyrrverandi landsliðsmarkvörður Þjóðverja og varð m.a. heimsmeistari með þeim á heimavelli 2007. Prost lék svo lengi með slóvenska landsliðinu. „Þeir eru með bestu markvarðapörum í deildinni. Það hafa verið vandræði hjá Stuttgart síðustu ár að þegar Bitter hefur ekki átt sinn besta leik hefur ekki nógu góður markvörður komið inn á. En það er allt annað uppi á teningnum núna. Prost gæti verið byrjunarliðsmaður í mörgum liðum í deildinni og nú þegar unnið stig fyrir okkur. Það er rosalega mikilvægt að hafa tvo góða markmenn,“ sagði Viggó. Viggó hefur leikið sem atvinnumaður síðan 2016.stöð 2 sport Seltirningurinn er í stóru hlutverki hjá Stuttgart og það stækkaði enn frekar þegar hin örvhenta skyttan hjá liðinu greindist með kórónuveiruna. „Þegar ég er fjær varamannabekknum hef ég spilað vörn og sókn en skipt milli varnar og sóknar þegar ég er nær bekknum. Í byrjun tímabils spilaði ég um 45 mínútur í leik en það jókst eftir að makkerinn minn greindist með covid. Hann hefur misst af síðustu tveimur leikjum. Ég hef spilað mikið og vonandi geri ég það áfram,“ sagði Viggó að lokum. EM 2022 í handbolta Þýski handboltinn Tengdar fréttir Guðmundur um HM í janúar: Ég sé þetta ekki fyrir mér Guðmundur Þórður Guðmundsson, landsliðsþjálfari í handbolta, efast um að HM í Egyptalandi, sem á að fara fram í janúar næstkomandi, verði haldið til streitu. 3. nóvember 2020 19:09 Kári „drulluósáttur“ að vera ekki valinn í landsliðið Kára Kristjáni Kristjánssyni finnst hann enn eiga erindi í íslenska landsliðið og er svekktur að hafa ekki verið valinn í það fyrir leikinn gegn Litháen. 3. nóvember 2020 10:00 Mest lesið „Mér leið eins og ég væri í Keanu Reeves mynd“ Íslenski boltinn „Röng ákvörðun af minni hálfu og ég tek fulla ábyrgð“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Hundraðasti sigur Arteta kom gegn erkifjendunum: „Stoltur af leikmönnunum“ Enski boltinn „Hver karfa skiptir máli þannig að ég varð smá reiður“ Körfubolti Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn Uppgjör: Víkingur - KA 4-2 | Ekkert fær meistarana stöðvað Íslenski boltinn Fowler hjálpaði Man City að styrkja stöðu sína á toppnum Enski boltinn „Ekki boðlegt á þessu getustigi“ Enski boltinn Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Handbolti Fleiri fréttir Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Sjá meira
Viggó Kristjánsson, landsliðsmaður í handbolta, var nýsloppinn úr einangrun eftir að hafa fengið neikvæða niðurstöðu úr kórónuveiruprófi og á leið á myndbandsfund þegar blaðamaður Vísis sló á þráðinn til hans í gær. Ísland mætir Litháen í fyrsta leik sínum í undankeppni EM 2022 í kvöld. Leikurinn fer fram í Laugardalshöll og hefst klukkan 19:45. „Ég hef verið í einangrun inni á hótelbergi síðan ég kom en var að losna rétt í þessu. Það er myndbandsfundur núna, æfing beint eftir það og svo er leikur á morgun [í dag]. Þetta er voðalega stuttur undirbúningur,“ sagði Viggó. Þetta er í fyrsta sinn sem íslenska landsliðið kemur saman síðan á EM í Noregi, Svíþjóð og Austurríki í janúar. „Það datt allt upp fyrir um páskana og í sumar þannig að þetta er fyrsta verkefnið síðan á EM,“ sagði Viggó. Hann hlakkar að sjálfsögðu að spila í kvöld en spyr sig þó hversu sniðugt það er að spila landsleiki á tímum sem þessum, þegar kórónuveirufaraldurinn geysar um alla Evrópu. Veit ekki hversu skynsamlegt það er „Það er tilhlökkun að spila en það er auðvitað hægt að setja spurningarmerki við þessa ákvörðun að láta landsleiki fram yfir höfuð núna. Það er meiri háttar vesen að koma þessu öllu heim og saman. Að senda menn hingað og þangað yfir landamæri, ég veit ekki hversu skynsamlegt það er eins og staðan er núna,“ sagði Viggó. Ísland átti að mæta Ísrael í Laugardalshöllinni á laugardaginn en leiknum var frestað þar sem Ísraelar treystu sér ekki til Íslands. Aðeins ár er síðan Viggó lék sína fyrstu leiki fyrir íslenska landsliðið, gegn Svíum ytra. Hann var svo í íslenska hópnum sem fór á EM og stóð sig vel á sínu fyrsta stórmóti. Viggó er kominn með báða fætur inn fyrir landsliðsdyrnar og stefnir á að halda sér þar. Viggó ásamt Sigvalda Guðjónssyni eftir leik á EM í janúar.hsí „Ekki spurning, það hefur verið markmiðið síðustu ár að komast í landsliðið og spila á sem hæstu getustigi. Það var frábært að koma inn í landsliðið í fyrra og fá tækifæri á EM. Markmiðið er að vera í landsliðinu næstu árin,“ sagði Viggó. Hann gekk í raðir Stuttgart í sumar og hefur byrjað af fítonskrafti með nýja liðinu. Hann er langmarkahæsti leikmaður Stuttgart á tímabilinu með 44 mörk og þriðji markahæsti leikmaður þýsku úrvalsdeildarinnar. Það hefur ekki bara gengið vel hjá Viggó persónulega, heldur hefur Stuttgart gengið flest í haginn. Eftir sex umferðir er liðið í 6. sæti með níu stig, einu stigi á eftir toppliðunum Kiel, Rhein-Neckar Löwen og Flensburg. Gengið framar vonum „Ég bjóst við alls ekki við því og hugsaði ekki einu sinni út í það að ég yrði meðal markahæstu manna í deildinni. Mér datt það ekki í hug. Hins vegar gekk vel á undirbúningstímabilinu og mig grunaði að ég gæti fengið stórt hlutverk,“ sagði Viggó. „Sem lið renndum við svolítið blint í sjóinn. Þeir töluðu um að þeir hefðu styrkt liðið vel fyrir tímabilið. Það komu ekki margir en við þrír sem komum vorum allir með reynslu úr þýsku deildinni. Menn gerðu sér kannski vonir um að vera um miðja deild. En hingað til er gengi liðsins og mitt framar vonum. Og ég er mjög sáttur með það.“ Viggó í leik gegn Rhein-Neckar Löwen í þýsku úrvalsdeildinni.GETTY/MARCO WOLF Eins og áður sagði er Viggó í 3. sæti listans yfir markahæstu leikmenn þýsku deildarinnar, þeirrar sterkustu í heimi. Og um tíma var hann á toppi markalistans. Sýnir að ég get þetta „Það var mjög gaman, ég lýg því ekki,“ sagði Viggó aðspurður hvernig það hafi verið að sjá nafnið sitt efst á listanum yfir þá markahæstu í þýsku deildinni. „Þetta er eitthvað sem manni fannst óraunhæft fyrir tímabilið en ég er búinn að hanga þarna uppi í nokkrar umferðir. Ég er ekki að segja að ég verði markahæstur í lok tímabils en þetta sýnir að ég get þetta. Það er í mínum höndum að halda áfram að standa mig.“ Stuttgart hefur leikið í þýsku úrvalsdeildinni síðan 2015. Liðið hefur verið í neðri hluta hennar og ekki endað ofar en í 12. sæti sem varð niðurstaðan á síðasta tímabili. Stuttgart hefur komið liða mest á óvart í þýsku úrvalsdeildinni.getty/Uwe Anspach „Þetta er félag sem vill fyrst og fremst forðast fallið. Ef það tekst snemma yrði það frábært og við gætum horft ofar í töfluna. Þeir enduðu í 12. sæti í fyrra og að vera meðal tíu efstu liða yrði algjör draumur fyrir okkur,“ sagði Viggó. Þungavigtarmenn í markinu Reyndustu leikmenn Stuttgart eru markverðirnir Johannes Bitter og Primoz Prost sem eru báðir farnir að nálgast fertugt. Bitter er fyrrverandi landsliðsmarkvörður Þjóðverja og varð m.a. heimsmeistari með þeim á heimavelli 2007. Prost lék svo lengi með slóvenska landsliðinu. „Þeir eru með bestu markvarðapörum í deildinni. Það hafa verið vandræði hjá Stuttgart síðustu ár að þegar Bitter hefur ekki átt sinn besta leik hefur ekki nógu góður markvörður komið inn á. En það er allt annað uppi á teningnum núna. Prost gæti verið byrjunarliðsmaður í mörgum liðum í deildinni og nú þegar unnið stig fyrir okkur. Það er rosalega mikilvægt að hafa tvo góða markmenn,“ sagði Viggó. Viggó hefur leikið sem atvinnumaður síðan 2016.stöð 2 sport Seltirningurinn er í stóru hlutverki hjá Stuttgart og það stækkaði enn frekar þegar hin örvhenta skyttan hjá liðinu greindist með kórónuveiruna. „Þegar ég er fjær varamannabekknum hef ég spilað vörn og sókn en skipt milli varnar og sóknar þegar ég er nær bekknum. Í byrjun tímabils spilaði ég um 45 mínútur í leik en það jókst eftir að makkerinn minn greindist með covid. Hann hefur misst af síðustu tveimur leikjum. Ég hef spilað mikið og vonandi geri ég það áfram,“ sagði Viggó að lokum.
EM 2022 í handbolta Þýski handboltinn Tengdar fréttir Guðmundur um HM í janúar: Ég sé þetta ekki fyrir mér Guðmundur Þórður Guðmundsson, landsliðsþjálfari í handbolta, efast um að HM í Egyptalandi, sem á að fara fram í janúar næstkomandi, verði haldið til streitu. 3. nóvember 2020 19:09 Kári „drulluósáttur“ að vera ekki valinn í landsliðið Kára Kristjáni Kristjánssyni finnst hann enn eiga erindi í íslenska landsliðið og er svekktur að hafa ekki verið valinn í það fyrir leikinn gegn Litháen. 3. nóvember 2020 10:00 Mest lesið „Mér leið eins og ég væri í Keanu Reeves mynd“ Íslenski boltinn „Röng ákvörðun af minni hálfu og ég tek fulla ábyrgð“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Hundraðasti sigur Arteta kom gegn erkifjendunum: „Stoltur af leikmönnunum“ Enski boltinn „Hver karfa skiptir máli þannig að ég varð smá reiður“ Körfubolti Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn Uppgjör: Víkingur - KA 4-2 | Ekkert fær meistarana stöðvað Íslenski boltinn Fowler hjálpaði Man City að styrkja stöðu sína á toppnum Enski boltinn „Ekki boðlegt á þessu getustigi“ Enski boltinn Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Handbolti Fleiri fréttir Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Sjá meira
Guðmundur um HM í janúar: Ég sé þetta ekki fyrir mér Guðmundur Þórður Guðmundsson, landsliðsþjálfari í handbolta, efast um að HM í Egyptalandi, sem á að fara fram í janúar næstkomandi, verði haldið til streitu. 3. nóvember 2020 19:09
Kári „drulluósáttur“ að vera ekki valinn í landsliðið Kára Kristjáni Kristjánssyni finnst hann enn eiga erindi í íslenska landsliðið og er svekktur að hafa ekki verið valinn í það fyrir leikinn gegn Litháen. 3. nóvember 2020 10:00
Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn
Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn