Sjónum beint að Laugardal fyrir starfsemi Fossvogsskóla

Sylvía Hall skrifar 14. mars 2019 18:22

Gríðarmiklar framkvæmdir eru fyrirhugaðar í Fossvogsskóla vegna myglunnar en þar þarf að rífa þak, loft og veggi. vísir/vilhelm

Eftir að rakaskemmdir fundust í húsnæði í Fannborg 2 í Kópavogi er enn leitað að húsnæði undir starfsemi Fossvogsskóla út skólaárið. Fundað var með foreldrum barna skólans í gær en ljóst er að engin kennsla fer fram út þetta skólaár í Fossvogsskóla vegna myglu.

Sjá einnig: Frekari óvissa eftir að rakaskemmdir fundust í Fannborg 2

Í bréfi sem Aðalbjörg Ingadóttir sendi á foreldra skólans í dag segir að enn séu möguleikar opnir varðandi skólastarfið og það mál sé í farvegi. Stjórnendur skólans hafa skoðað marga möguleika í dag ásamt fulltrúum frá skóla- og frístundasviði Reykjavíkurborgar og í því sambandi hefur sjónum verið beint að Laugardalnum og nágrenni hans.

Þá segir Aðalbjörg að í ljósi þess hve knappur tími er til stefnu til þess að koma skólastarfinu aftur í gang þurfi að boða til annars skipulagsdags næstkomandi mánudag. Hún segir að við leit að húsnæði sé lögð áhersla á að halda nemendahópnum saman en um 350 nemendur eru í Fossvogsskóla.

Kópavogur Reykjavík Skóla - og menntamál Mygla í Fossvogsskóla

Tengdar fréttir

Nemendur Fossvogsskóla fara í Kópavog

Kennsla Fossvogsskóla út þetta skólaár mun fara fram í húsnæði í eigu Kópavogsbæjar, nánar tiltekið að Fannborg 2.

12. mars 2019 20:20

Fossvogsskóla lokað fram á næsta skólaár vegna myglu

Ekki er ákveðið hvar skólastarf mun fara fram.

10. mars 2019 18:12

Fossvogsskóli: Frekari óvissa eftir að rakaskemmdir fundust í Fannborg 2

Greint var frá því um síðustu helgi að Fossvogsskóla yrði lokað frá og með næsta fimmtudegi vegna myglu.

13. mars 2019 19:06

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.