Innlent

Arður Landsvirkjunar komi í stað veggjalda fyrstu árin

Kristján Már Unnarsson skrifar
Sigurður Ingi Jóhannsson samgöngu- og sveitarstjórnarráðherra.
Sigurður Ingi Jóhannsson samgöngu- og sveitarstjórnarráðherra. Stöð 2/Egill Aðalsteinsson.

Sigurður Ingi Jóhannsson samgönguráðherra segir að engin ákvörðun liggi fyrir um veggjöld og varpar því fram hvort skynsamlegra sé að nota arðgreiðslur Landsvirkjunar í uppbyggingu vegakerfisins og bíða með vegtolla í 4-5 ár. Þetta kom fram í þættinum Sprengisandi á Bylgjunni í morgun. 

Athygli vakti að samgönguráðherra tók skýrt fram að engin ákvörðun lægi fyrir um veggjöld, en Jón Gunnarsson, formaður umhverfis- og samgöngunefndar, hefur lýst afgreiðslu samgönguáætlunar frá Alþingi sem tímamótaskrefi í upptöku vegtolla. 

„Breytingarnar er varða hugsanlega fjármögnun á framkvæmdum, flýtiframkvæmdum eða öðru, þær voru orðaðar; að það væri heimilt framkvæmdavaldinu að vinna áfram að útfærslu. Skoða leiðir. Það er engin ákvörðun búin að taka um veggjöld,“ sagði Sigurður Ingi á Sprengisandi og tók fram að samgönguráðherrann og Framsóknarflokkurinn væru ekki að berjast fyrir veggjöldum heldur framkvæmdum.

Ráðherrann sagði ennfremur í símaviðtali frá Egilsstöðum: 

„Og hvaða hugsanlegar aðrar leiðir eru færar í fjármögnuninni? 

Við erum í þessari samgönguáætlun að nota eignatekjur. Við erum að nota fimm og hálfan milljarð á ári, í ár og næstu tvö ár, af arðgreiðslum bankanna. 

Við vitum að arðgreiðslur eru að koma frá Landsvirkjum, ekki síst, á næstu árum. Við höfum verið að ræða það að setja það í Þjóðarsjóð. Er kannski skynsamlegra að nota það í einhver ár við uppbyggingu vegakerfisins? Er það meiri ávinningur fólginn í því?

Og gera svo eitthvað í þessari gjaldtöku eftir 4-5 ár, eins og reyndar hefur alltaf verið talað um. Að gjaldtakan í flýtiframkvæmdunum yrði aldrei fyrr en eftir að framkvæmdunum væri lokið og ávinningur fólksins væri orðinn,“ sagði samgönguráðherra á Sprengisandi. 

Ummæli ráðherrans má heyra í hljóðklippunni hér að neðan, annars vegar eftir 8 mínútur og 20 sekúndur og hins vegar eftir 12 mínútur og 12 sekúndur:


Tengdar fréttir

Vegtollarnir á grænu ljósi í gegnum þingið

Tímamótaskref var stigið í upptöku vegtolla með samþykkt samgönguáætlunar úr þingnefnd í dag. Gera þarf nýja samgönguáætlun í haust þar sem peningunum verður skipt niður á verkefni.

Segir þjóðarsjóð ranga forgangsröðun

Frosti sem situr nú í bankaráði Seðlabankans sendi í vikunni efnahags- og viðskiptanefnd umsögn um frumvarpið þar sem hann hvetur alþingismenn til að hafna frumvarpinu.

Spyr hvort útfærsla veggjalda standist lög

Þingmenn Viðreisnar vilja fá úr því skorið hvort útfærsla á veggjöldum þar sem framkvæmdir yrðu fjármagnaðar með lánum standist lög um opinber fjármál.

Hundruð milljarða safnist á tíu árum

Verði auðlindasjóður stofnaður utan um arðgreiðslur Landsvirkjunar geta safnast í hann tæplega 400 milljarðar króna á tíu árum, samkvæmt nýrri skýrslu.

Sveitarstjórnarmenn báðu alþingismenn um veggjöld

Veggjöld! Veggjöld! Þetta voru skilaboðin sem alþingismenn fengu frá sveitarstjórnarmönnum af landsbyggðinni á þingnefndarfundi í dag, en þeir vilja meira fjármagn í jarðgöng og til að malbika sveitavegi.

Velt upp hvort auðlindatekjur borgi lífeyri ríkisstarfsmanna

Í stjórnarfrumvarpi um Þjóðarsjóð er reifaður sá möguleiki að arður af orkuauðlindum fari til að mæta ófjármögnuðum lífeyrisskuldbindingum vegna eftirlaunaréttinda ríkisstarfsmanna, en þær nema um 620 milljörðum króna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.