Erlent

Tólf ára stúlka lést þegar snjóhús féll saman

Andri Eysteinsson skrifar
Mikið hefur snjóað og mikill kuldi er í Chicago.
Mikið hefur snjóað og mikill kuldi er í Chicago. EPA/Kamil Krzaczynski
Tólf ára gömul stúlka, Esther Jung, lést í Chicago í dag þegar snjóhús sem hún og níu ára gömul vinkona hennar höfðu leikið sér í féll saman. Stúlkurnar höfðu verið við leik í snjóhúsi við hlið Rotham kirkjunnar í úthverfi Chicago, Arlington Heigths. NBC greinir frá.

Klukkutíma eftir að síðast heyrðist frá vinkonunum hófu fjölskyldur þeirra að leita að þeim. Stelpurnar fundust í rústum snjóhússins og var eldri stúlkan þá látin. Lögregla segir óvíst hve lengi stúlkurnar hafi verið fastar undir snjónum.

Mjög kalt er í veðri í Chicago um þessar mundir en þegar atvikið varð var um tíu stiga frost í borginni sem er í Illinois-ríki.




Fleiri fréttir

Sjá meira


×