Sport

Murray gæti hætt í næstu viku en dreymir um að ná einu Wimbledonmóti í viðbót

Ástrós Ýr Eggertsdóttir skrifar
Murray réði ekki við tilfinningar sínar á blaðamannafundinum í gær
Murray réði ekki við tilfinningar sínar á blaðamannafundinum í gær vísir/getty

Andy Murray mun leggja tennisspaðann á hilluna í sumar eftir Wimbledon mótið í Lundúnum. Hann gæti þó þurft að setja spaðann upp strax í næstu viku.

Murray er á meðal þátttakanda á Opna ástralska mótinu sem fer fram í Melbourne í næstu viku. Á blaðamannafundi í gær sagði Murray að hann ætlaði að láta gott heita eftir Wimbledon en meiðsli gætu neitt hann til þess að hætta fyrr.

„Ég veit ekki hvort ég næ að spila í gegnum sársaukann í fjóra eða fimm mánuði í viðbót,“ sagði Murray en hann á þrjá risatitla í verðlaunaskápnum.

„Ég vil ná Wimbledon og hætta eftir það, en ég er ekki viss um að ég nái því.“

Murray er þó staðráðinn í því að mæta til leiks í fyrstu umferð á Opna ástralska, einu af risamótunum fjórum, þar sem hann mætir Spánverjanum Roberto Bautista.

Murray hefur barist við meiðsli í langan tíma en virðist ekki ætla að ná sér af þeim almennilega og hefur því ákveðið að láta gott heita, 31 árs að aldri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.