Innlent

Tveir á slysadeild eftir harðan árekstur á Sæbraut

Jóhann K. Jóhannsson skrifar
Eins og sjá má var áreksturinn nokkuð harður.
Eins og sjá má var áreksturinn nokkuð harður. Vísir/Vilhelm
Tveir voru fluttir á slysadeild eftir harðan árekstur tveggja bíla á gatnamótum Sæbrautar og Dalbrautar á fjórða tímanum í dag.

Í tilkynningu kom fram að grunur væri um að fólk væri fast í bílunum og sendi Slökkvilið höfuðborgarsvæðisins dælubíl og tvo sjúkrabíla á vettvang.

Þegar björgunaraðilar komu á vettvang kom í ljós að fólk var ekki fast í bílunum og reyndust meiðsli þeirra minni en í fyrstu var talið. Samt sem áður var fólkið flutt með sjúkrabílum á slysadeild til nánari skoðunar.

Einhverjar tafir eru á umferð við slysavettvang og verða á meðan lögregla rannsakar tildrög óhappsins.




Fleiri fréttir

Sjá meira


×