Hljómsveitin Hatari lýkur störfum um áramótin Stefán Þór Hjartarson skrifar 21. desember 2018 08:00 Matthías Tryggvi, söngvari Hatara, á tónleikum. Fréttablaðið/Laufey Hljómsveitin Hatari, sem hefur átt mikilli velgengni að fagna síðan hún kom fyrst fram á sjónarsviðið með iðnaðar-teknó með pólitískum oddi og afar líflega sviðsframkomu, hefur tilkynnt að hún muni „láta af störfum“ eins og það er orðað í tilkynningu frá sveitinni. Í tilkynningunni kemur fram að síðasta verk Hatara sé að halda tónleika á Húrra 28. desember næstkomandi. Einnig fylgir tilkynningunni nýtt lag, Spillingardans. „Verðlaunahljómsveitin Hatari lýkur störfum frá og með áramótum. Stjórn Svikamyllu ehf. ályktaði um starfslok sveitarinnar á aðalfundi félagsins fyrr í þessum mánuði. Ljóst er að neytendur sem ekki tryggja sér miða á síðustu tónleika sveitarinnar, Endalok á Húrra þann 28. desember næstkomandi, munu aldrei aftur líta hana augum, enda dómsdagur í nánd. Þá verður nýútkomið myndband sveitarinnar við lagið Spillingardans, hennar síðasta tilraun til að knésetja gangverk fjármagnsins. Rekstur hljómsveitarinnar reyndist ekki standa undir væntingum stjórnarmeðlima og verður listamönnum Hatara formlega afhent uppsagnarbréf þann 24. desember næstkomandi.“ Meðlimir Hatara voru þekktir fyrir BDSM-legan klæðnað sem þeir komu ávallt fram í og gríðarlega leikræna tjáningu í tónlistarflutningi sínum. Þetta vakti mikla lukku og útnefndi Reykjavík Grapevine sveitina til dæmis bestu tónleikasveit ársins tvö ár í röð og erlendir miðlar eins og Line of Best Fit héldu vart vatni yfir frammistöðu Hatara á Airwaves-hátíðinni, þannig að það má alveg segja að þessi tíðindi komi á óvart. Ástæður þess að sveitin leggur nú upp laupana er samkvæmt tilkynningunni: „Aðstæður á markaði [eru] slíkar að rekstur Hatara uppfyllir ekki arðsemiskröfur stjórnarinnar að svo stöddu. Þá er ljóst að markmið sveitarinnar um að afhjúpa linnulausa svikamyllu hversdagsleikans náðist ekki á tilsettum tíma.“ „Þegar ég frétti að Hatari væri að hætta svelgdist mér á, ég held ég hafi borðað fjóra hamborgara sama kvöld til að reyna að fylla í tómið sem mér fannst fréttirnar skilja eftir sig. Íslenskt tónlistarlíf verður aldrei samt,“ segir Gauti Þeyr, einnig þekktur sem Emmsjé Gauti, um þá ákvörðun Hatara að taka brátt pokann sinn. „Íslensk dægurmenning var ekki tilbúin fyrir Hatara og ekki að ástæðulausu. Fólk lætur ekki bjóða sér hvað sem er,“ segir Jón Gnarr, fyrrverandi borgarstjóri og menningarrýnir. „Með fæðingu og dauða Hatara var sleginn tónn sem mun óma undir dulvitund íslensks tónlistarlífs um ókomna tíð. Megi þessi dagur rata á spjöld sögunnar sem sá allra versti hingað til,“ segir Andrea Sigríður Jónsdóttir útvarpskona í tilefni fréttanna. Undir tilkynninguna skrifar stjórn Svikamyllu ehf. og tekið er fram að nánari upplýsingar verði ekki veittar að svo stöddu. Birtist í Fréttablaðinu Menning Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Mörg hundruð manns á opnun kosningamiðstöðvar Katrínar Lífið „Ég dreg mig í hlé og fer bara og stofna kaffihús“ Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Tróð upp í Norræna partýinu Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Hljómsveitin Hatari, sem hefur átt mikilli velgengni að fagna síðan hún kom fyrst fram á sjónarsviðið með iðnaðar-teknó með pólitískum oddi og afar líflega sviðsframkomu, hefur tilkynnt að hún muni „láta af störfum“ eins og það er orðað í tilkynningu frá sveitinni. Í tilkynningunni kemur fram að síðasta verk Hatara sé að halda tónleika á Húrra 28. desember næstkomandi. Einnig fylgir tilkynningunni nýtt lag, Spillingardans. „Verðlaunahljómsveitin Hatari lýkur störfum frá og með áramótum. Stjórn Svikamyllu ehf. ályktaði um starfslok sveitarinnar á aðalfundi félagsins fyrr í þessum mánuði. Ljóst er að neytendur sem ekki tryggja sér miða á síðustu tónleika sveitarinnar, Endalok á Húrra þann 28. desember næstkomandi, munu aldrei aftur líta hana augum, enda dómsdagur í nánd. Þá verður nýútkomið myndband sveitarinnar við lagið Spillingardans, hennar síðasta tilraun til að knésetja gangverk fjármagnsins. Rekstur hljómsveitarinnar reyndist ekki standa undir væntingum stjórnarmeðlima og verður listamönnum Hatara formlega afhent uppsagnarbréf þann 24. desember næstkomandi.“ Meðlimir Hatara voru þekktir fyrir BDSM-legan klæðnað sem þeir komu ávallt fram í og gríðarlega leikræna tjáningu í tónlistarflutningi sínum. Þetta vakti mikla lukku og útnefndi Reykjavík Grapevine sveitina til dæmis bestu tónleikasveit ársins tvö ár í röð og erlendir miðlar eins og Line of Best Fit héldu vart vatni yfir frammistöðu Hatara á Airwaves-hátíðinni, þannig að það má alveg segja að þessi tíðindi komi á óvart. Ástæður þess að sveitin leggur nú upp laupana er samkvæmt tilkynningunni: „Aðstæður á markaði [eru] slíkar að rekstur Hatara uppfyllir ekki arðsemiskröfur stjórnarinnar að svo stöddu. Þá er ljóst að markmið sveitarinnar um að afhjúpa linnulausa svikamyllu hversdagsleikans náðist ekki á tilsettum tíma.“ „Þegar ég frétti að Hatari væri að hætta svelgdist mér á, ég held ég hafi borðað fjóra hamborgara sama kvöld til að reyna að fylla í tómið sem mér fannst fréttirnar skilja eftir sig. Íslenskt tónlistarlíf verður aldrei samt,“ segir Gauti Þeyr, einnig þekktur sem Emmsjé Gauti, um þá ákvörðun Hatara að taka brátt pokann sinn. „Íslensk dægurmenning var ekki tilbúin fyrir Hatara og ekki að ástæðulausu. Fólk lætur ekki bjóða sér hvað sem er,“ segir Jón Gnarr, fyrrverandi borgarstjóri og menningarrýnir. „Með fæðingu og dauða Hatara var sleginn tónn sem mun óma undir dulvitund íslensks tónlistarlífs um ókomna tíð. Megi þessi dagur rata á spjöld sögunnar sem sá allra versti hingað til,“ segir Andrea Sigríður Jónsdóttir útvarpskona í tilefni fréttanna. Undir tilkynninguna skrifar stjórn Svikamyllu ehf. og tekið er fram að nánari upplýsingar verði ekki veittar að svo stöddu.
Birtist í Fréttablaðinu Menning Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Mörg hundruð manns á opnun kosningamiðstöðvar Katrínar Lífið „Ég dreg mig í hlé og fer bara og stofna kaffihús“ Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Tróð upp í Norræna partýinu Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira