Ragnar markahæstur í liði Huttenberg

Selfyssingurinn Ragnar Jóhannsson varð markahæstur leikmanna Huttenberg er liðið lagði Dessau-Rosslauer með einu marki. Þá stóð Aron Rafn Eðvarðsson í marki Hamburg sem tapaði með sex mörkum.



Aron Rafn Eðvarðsson varði tíu skot í marki Hamburg sem tapaði með sex mörkum gegn Grosswaldstadt.



Aron Rafn endaði með 26% markvörslu.



Þá varð Ragnar Jóhannsson markahæstur í liði Huttenberg sem lagði Dessau-Rosslauer með minnsta mun, 23-22. Jafnt var í hálfleik, 12-12.



Bæði Huttenberg og Hamburg eru um miðja deild.