Handbolti

Oddur gerði tíu í sigri og Ragnar sex í jafntefli

Anton Ingi Leifsson skrifar
Ragnar skoraði sex í kvöld.
Ragnar skoraði sex í kvöld. vísir/vilhelm
Oddur Grétarsson og Ragnar Jóhannsson áttu báðir afar góðan dag í þýsku B-deildinni í handbolta er lið þeirra Balingen og Hüttenberg voru í eldlínunni í dag.

Oddur skoraði tíu mörk fyrir Balingen sem vann tveggja marka sigur á Emsdetten, 31-29, en Balingen náði að snúa taflinu við í síðari hálfleik því liðið var fjórum mörkum undir í hálfleik, 16-12.

Ragnar skoraði sex mörk er Hüttenberg gerði jafntefli, 27-27, við TuS N-Lübbecke í leik sem var afar spennandi. TuS N-Lübbecke jafnaði metin tólf sekúndum fyrir leikslok.

Balingen er á toppi deildarinnar með 27 stig, eins og HSC 2000 Coburg, sem á þó leik til góða. Hüttenberg er hins vegar í tíunda sæti deildarinnar með 16 stig.




Fleiri fréttir

Sjá meira


×