Enski boltinn

Bæjarar hafa áhuga á að fá Aaron Ramsey frítt í sumar

Óskar Ófeigur Jónsson skrifar
Aaron Ramsey.
Aaron Ramsey. Vísir/Getty
Þýska stórliðið Bayern München hefur áhuga á því að semja við Arsenal-manninn Aaron Ramsey næsta sumar en þetta kemur fram í frétt hjá Sky í Þýskalandi.

Samningur Ramsey við Arsenal rennur út í lok þessa tímabils og Arsenal ætlar ekki að bjóða honum nýjan samning.

Það var búist við að Ramsey og Arsenal færu í viðræður um nýjan samning en ekkert varð að því. Forráðamenn Arsenal tilkynntu síðan velska miðjumanninum í október að hann gæti farið frá liðinu í sumar.





Bayern hefur leyfi til að setja saman samningstilboð fyrir Aaron Ramsey sex mánuðum áður en gamli samningur hans rennur út.

Aaron Ramsey gæti grætt á því í samningsgerðinni að Bayern fengi hann á frjálsri sölu og þyrfti því ekki að borga Arsenal neitt fyrir hann.

Aaron Ramsey hefur verið í áratug hjá Arsenal en er nú búinn að sætta sig við það að hann spili í öðrum búningi á næsta tímabili. Aaron Ramsey hefur spilað 341 leik fyrir Arsenal og skoraði 59 mörk.

Arsenal keypti Aaron Ramsey á 5 milljónir punda frá Cardiff City árið 2008.




Fleiri fréttir

Sjá meira


×