Fótbolti

Fanndís og Gunnhildur Yrsa í sigurliði í Ástralíu

Bjarni Þórarinn Hallfreðsson skrifar
Fanndís og Gunnhildur Yrsa eru að byrja vel í Ástralíu
Fanndís og Gunnhildur Yrsa eru að byrja vel í Ástralíu Twitter
Landsliðskonurnar Fanndís Friðriksdóttir og Gunnhildur Yrsa Jónsdóttir voru báðar í byrjunarliði Adelaide United í áströlsku úrvalsdeildinni er liðið lagði Brisbane Roar.



Fanndís og Gunnhildur Yrsa gengu til liðs við Adelaide á haustdögum, en Fanndís kom á láni frá Val á meðan Gunnhildur Yrsa kom frá Utah Royals í bandarísku atvinnumannadeildinni.



Þetta var annar leikur Adelaide á tímabilinu en Fanndís og Gunnhildur Yrsa voru einnig í byrjunarliðinu í fyrsta leik liðsins á tímabilinu sem endaði með jafntefli gegn Melbourne Victory.



Sigurmark Adelaide kom í upphafi síðari hálfleiks en Fanndís var skipt af velli á 83. mínútu á meðan Gunnhildur Yrsa lék allan leikinn.



Adelaide er því komið með fjögur stig eftir tvo leiki en næsti leikur liðsins er á fimmtudag.




Fleiri fréttir

Sjá meira


×