Handbolti

Kiel með öruggan sigur í EHF bikarnum

Bjarni Þórarinn Hallfreðsson skrifar
Alfreð þjálfar Kiel
Alfreð þjálfar Kiel Vísir/Getty
Kiel vann norska félagið Drammen örugglega í EHF bikarnum í handbolta í dag, 34-23 en þetta var fyrri leikur liðanna.



Fyrri hálfleikurinn var kaflaskiptur, en Kiel hafði þó yfirhöndina. Liðin skiptust á að taka góð áhlaup, en Kiel náði mest fjögurra marka forystu þegar um fimm mínútur voru eftir af fyrri hálfleik.



Drammen náði hins vegar að minnka munin undir lok fyrri hálfleiks og voru hálfleikstölur 16-14 fyrir Kiel.



Seinni hálfleikur var hins vegar eign Kiel og þegar um stundafjórðungur var til leiksloka var munurinn orðin tíu mörk.



Eftirleikurinn var því auðveldur fyrir Kiel og sigruðu þeir að lokum, 34-23.



Alfreð Gíslason þjálfar Kiel en hann er á sínu síðasta tímabili með þýska stórveldið.



Gísli Þorgeir Kristjánsson komst ekki á blað hjá Kiel í dag.



Niclas Ekberg, Hendrik Pekeler og Lukas Nilsson voru markahæstir hjá Kiel en þeir skoruðu allir fimm mörk.




Fleiri fréttir

Sjá meira


×