Handbolti

Frábær endurkoma HK gegn KA/Þór

Anton Ingi Leifsson skrifar
HK náði í góðan sigur í dag.
HK náði í góðan sigur í dag. mynd/hk
HK vann ansi öflugan endurkomusigur gegn KA/Þór í Olís-deild kvenna í handbolta í dag en lokatölur urðu eins marks sigur HK, 20-19.

Gestirnir frá Akureyri höfðu tögl og haldir framan af leik. Þær leiddu meðal annars í hálfleik með fjórum mörkum, 12-8.

Það stefndi lítið í að HK kæmi til baka er staðan var 18-14 fyrir er stundarfjórðungur var eftir en hægt og og rólega kom HK til baka.

Sigurmarkið kom svo tæpri hálfri mínútu fyrir leikslok og frábær endurkomusigur hjá HK en líklega mikil vonbrigði norðanstelpna með úrslit dagsins.

Tinna Sól Björgvinsdóttir gerði fimm mörk fyrir HK og Díana Kristín Sigmarsdóttir fjögur. Hulda Bryndís Tryggvadóttir gerði fimm mörk fyrir gestina.

Liðin eru því bæði með sex stig eftir fyrstu sex leikina og eru saman í fjórða til fimmta sæti deildarinnar.




Fleiri fréttir

Sjá meira


×