Hef bætt mig í varnarleiknum hérna Hjörvar Ólafsson skrifar 22. október 2018 11:00 Martin í leik með Alba Berlin. vísir/getty Martin Hermannsson hefur verið að gera sig meira og meira gildandi með þýska liðinu Alba Berlin í undanförnum leikjum liðsins. Martin gekk til liðs við Berlínarliðið í sumar og segir að það hafi tekið hann nokkra leiki að aðlagast breyttu tempói og að komast inn í leikskipulag liðsins. Nú sé hann hins vegar kominn betur inn í hlutina og njóti sín vel á vellinum. „Það fer vel um okkur hérna í Berlín og það hefur verið vel tekið á móti okkur. Ég var að koma inn í þéttan kjarna af leikmönnum sem fóru alla leið í úrslitaeinvígið gegn Bayern síðasta vor og það tók mig smá tíma að komast inn í leikskipulagið hjá liðinu. Ég hef verið að leika mest sem skotbakvörður og það hentar mér vel að þurfa ekki að stýra liðinu sem leikstjórnandi á meðan ég er að koma mér inn í hlutina og flæðið í liðinu," segir Martin í samtali við Fréttablaðið um fyrstu vikurnar hjá nýja liðinu. „Mér hefur gengið betur og betur með hverjum leiknum og það er gott að finna það traust sem ég fæ frá þjálfaranum og liðsfélögum mínum. Við erum með afar reyndan þjálfara sem hefur þjálfað marga af bestu evrópsku leikmönnunum, til að mynda þá sem hafa komist alla leið í NBA á undanförnum árum. Mér finnst ég hafa bætt mig mjög í varnarleiknum undir handleiðslu hans og einnig tel ég að ég sé yfirvegaðri í sóknarleiknum,“ segir Martin sem var stigahæsti leikmaður Alba Berlin með 17 stig í sigri liðsins gegn Ulm í þýsku úrvalsdeildinni á laugardagskvöldið. „Umgjörðin hér er alveg frábær og algerlega á pari við það sem gerist í NBA. Við erum með um það bil 10.000 áhorfendur á hverjum leik sem er algerlega geggjað. Við erum með lið sem getur klárlega farið alla leið í deildinni, en innan félagsins er tveggja ára plan um að gera harða atlögu að titlinum annað hvort næsta vor eða tímabilið þar á eftir. Við erum svo í fínni stöðu í Evrópubikarnum, en mér fróðari menn segja að sú keppni sé sérstaklega sterk í ár. Þar séu að spila leikmenn sem hafi spilað undanfarin ár í Evrópudeildinni og hafi reynslu af NBA,“ segir Vesturbæingurinn um markmið liðsins á leiktíðinni. „Það er ofboðslega gaman að vera kominn aftur í umhverfi þar sem árangurs er krafist og metnaður að berjast um þá titla sem í boði eru. Við eigum góða möguleika á að komast í Evrópudeildina á næsta tímabili, sem er stærsta sviðið í Evrópukörfuboltanum, annað hvort með því að vinna deildina eða komast inn sem „wildcard“. Það er frábært að vera að máta sig reglulega við bestu leikmenn Evrópu og sjá hvar ég stend í samanburði við þá. Vonandi held ég áfram að spila jafn vel og ég hef gert undanfarið og held áfram að bæta leik minn,“ segir hann um framhaldið. Körfubolti Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Ég á Íslandi líf mitt að þakka“ Íslenski boltinn „Vil miklu frekar eiga feril í MMA heldur en að vinna skrifstofustarf“ Sport Húbba Búbba kippt af dagskrá: „Það eina sem ég spila í Víkinni er fótbolti“ Íslenski boltinn Raya hetjan er Skytturnar lögðu rútunni í Bergamo Fótbolti „Ein besta markvarsla sem ég hef séð“ Fótbolti Tyson segist ekki berjast vegna peninganna Sport Fleiri fréttir Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Lykilmenn Íslandsmeistaranna framlengja samninga sína Sjá meira
Martin Hermannsson hefur verið að gera sig meira og meira gildandi með þýska liðinu Alba Berlin í undanförnum leikjum liðsins. Martin gekk til liðs við Berlínarliðið í sumar og segir að það hafi tekið hann nokkra leiki að aðlagast breyttu tempói og að komast inn í leikskipulag liðsins. Nú sé hann hins vegar kominn betur inn í hlutina og njóti sín vel á vellinum. „Það fer vel um okkur hérna í Berlín og það hefur verið vel tekið á móti okkur. Ég var að koma inn í þéttan kjarna af leikmönnum sem fóru alla leið í úrslitaeinvígið gegn Bayern síðasta vor og það tók mig smá tíma að komast inn í leikskipulagið hjá liðinu. Ég hef verið að leika mest sem skotbakvörður og það hentar mér vel að þurfa ekki að stýra liðinu sem leikstjórnandi á meðan ég er að koma mér inn í hlutina og flæðið í liðinu," segir Martin í samtali við Fréttablaðið um fyrstu vikurnar hjá nýja liðinu. „Mér hefur gengið betur og betur með hverjum leiknum og það er gott að finna það traust sem ég fæ frá þjálfaranum og liðsfélögum mínum. Við erum með afar reyndan þjálfara sem hefur þjálfað marga af bestu evrópsku leikmönnunum, til að mynda þá sem hafa komist alla leið í NBA á undanförnum árum. Mér finnst ég hafa bætt mig mjög í varnarleiknum undir handleiðslu hans og einnig tel ég að ég sé yfirvegaðri í sóknarleiknum,“ segir Martin sem var stigahæsti leikmaður Alba Berlin með 17 stig í sigri liðsins gegn Ulm í þýsku úrvalsdeildinni á laugardagskvöldið. „Umgjörðin hér er alveg frábær og algerlega á pari við það sem gerist í NBA. Við erum með um það bil 10.000 áhorfendur á hverjum leik sem er algerlega geggjað. Við erum með lið sem getur klárlega farið alla leið í deildinni, en innan félagsins er tveggja ára plan um að gera harða atlögu að titlinum annað hvort næsta vor eða tímabilið þar á eftir. Við erum svo í fínni stöðu í Evrópubikarnum, en mér fróðari menn segja að sú keppni sé sérstaklega sterk í ár. Þar séu að spila leikmenn sem hafi spilað undanfarin ár í Evrópudeildinni og hafi reynslu af NBA,“ segir Vesturbæingurinn um markmið liðsins á leiktíðinni. „Það er ofboðslega gaman að vera kominn aftur í umhverfi þar sem árangurs er krafist og metnaður að berjast um þá titla sem í boði eru. Við eigum góða möguleika á að komast í Evrópudeildina á næsta tímabili, sem er stærsta sviðið í Evrópukörfuboltanum, annað hvort með því að vinna deildina eða komast inn sem „wildcard“. Það er frábært að vera að máta sig reglulega við bestu leikmenn Evrópu og sjá hvar ég stend í samanburði við þá. Vonandi held ég áfram að spila jafn vel og ég hef gert undanfarið og held áfram að bæta leik minn,“ segir hann um framhaldið.
Körfubolti Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Ég á Íslandi líf mitt að þakka“ Íslenski boltinn „Vil miklu frekar eiga feril í MMA heldur en að vinna skrifstofustarf“ Sport Húbba Búbba kippt af dagskrá: „Það eina sem ég spila í Víkinni er fótbolti“ Íslenski boltinn Raya hetjan er Skytturnar lögðu rútunni í Bergamo Fótbolti „Ein besta markvarsla sem ég hef séð“ Fótbolti Tyson segist ekki berjast vegna peninganna Sport Fleiri fréttir Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Lykilmenn Íslandsmeistaranna framlengja samninga sína Sjá meira