Fótbolti

Inter án Nainggolan gegn Barcelona

Arnar Geir Halldórsson skrifar
Þarna meiddist Nainggolan
Þarna meiddist Nainggolan vísir/getty
Inter Milan vann dramatískan sigur á AC Milan í baráttunni um Mílanóborg í stórleik helgarinnar í ítölsku úrvalsdeildinni.

Sigurinn var þó ekki áfallalaus fyrir þá bláklæddu því miðjumaðurinn öflugi, Radja Nainggolan, þurfti að yfirgefa völlinn eftir hálftíma leik vegna meiðsla.

Nainggolan varð fyrir fremur harkalegri tæklingu Lucas Biglia á 18.mínútu en Belginn reyndi að harka af sér í nokkrar mínútur áður en hann bað um skiptingu.

Luciano Spalletti, stjóri Inter, sagði í viðtölum eftir leik að Nainggolan yrði frá í einhvern tíma sem þýðir að hann mun missa af mikilvægum leik gegn Barcelona á Nou Camp næstkomandi miðvikudag.

Inter og Barcelona eru með fullt hús stiga eftir tvo leiki í Meistaradeildinni þar sem þau eru í sterkum riðli með PSV Eindhoven og Tottenham.




Fleiri fréttir

Sjá meira


×