Innlent

Gæti skollið á stormur í kvöld og nótt

Kristín Ólafsdóttir skrifar
Vindaspá Veðurstofunnar klukkan 4 næstu nótt lítur svona út.
Vindaspá Veðurstofunnar klukkan 4 næstu nótt lítur svona út. Mynd/Veðurstofa Íslands

Búast má við sunnan hvassviðri eða stormi, með slyddu eða rigningu og hlýnandi veðri en snjókomu til fjalla í kvöld og nótt. Gert er ráð fyrir vindhviðum um 35 m/s í vindstrengum við fjöll norðvestantil á landinu í nótt. Á morgun snýst svo í hægari suðvestanátt með skúrum og kólnandi veðri, að því er fram kemur í hugleiðingum veðurfræðings á vef Veðurstofu Íslands. Gul viðvörun Veðurstofu er í gildi á Breiðafirði og Miðhálendi þangað til á morgun.

Í dag er spáð fremur hægri austlægri átt og skýjað verður að mestu en norðan 10-15 m/s austast og stöku él norðaustantil fram eftir morgni. Vaxandi sunnanátt vestantil á landinu síðdegis.

Þá má búast við sunnan 15-23 m/s í nótt og slyddu eða rigningu. Hvassast verður um landið norðvestanvert en úrkomulítið á Austurlandi. Þá snýst í suðvestan 5-10 m/s með skúrum, og síðar éljum, á morgun en hvöss sunnanátt austantil fram á kvöld. Frost 1 til 6 stig en fer hlýnandi, hiti 2 til 7 stig á morgun.

Veðurhorfur á landinu næstu daga:
Á sunnudag:
Sunnan 13-20 m/s og rigning eða slydda, en úrkomulítið norðaustantil á landinu. Hiti 2 til 7 stig á láglendi. Snýst í suðvestan 5-10 með skúrum, og síðar éljum, með deginum og kólnar, fyrst vestanlands.

Á mánudag:
Fremur hæg suðlæg átt og stöku él, en bjart með köflum um norðanvert lanidð. Heldur hvassara og dálítil rigning austast á landinu. Hiti kringum frostmark.

Á þriðjudag:
Austlæg átt, víða 8-13 m/s og rigning eða slydda með köflum, einkum suðaustanlands en hægari vindur um landið suðvestanvert. Hiti nálægt frostmarki.

Á miðvikudag:
Fremur hæg austlæg átt og skúrir eða él, en þurrt norðaustantil á landinu. Hiti kringum frostmark.

Á fimmtudag:
Norðlæg eða breytileg átt og stöku skúrir eða él í flestum landshlutum. Hiti breytist lítið.  Á föstudag: Útlit fyrir hvassa suðaustanátt með rigningu á láglendi og hlýnandi veðri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.