Körfubolti

Elsta dómaratríó sögunnar dæmir stórleikinn í Keflavík í kvöld

Tómas Þór Þórðarson skrifar
Leifur Garðarsson, Sigmundur Már Herbergsson og Rögnvaldur Hreiðarsson.
Leifur Garðarsson, Sigmundur Már Herbergsson og Rögnvaldur Hreiðarsson. mynd/mexi

Það getur enginn kvartað yfir reynsluleysi dómaranna í stórleik Keflavíkur og KR í 2. umferð Domino´s-deildar karla í körfubolta í kvöld. Það er einfaldlega ekki hægt.

Dómaratríóið er nefnilega það elsta í sögunni og gífurlega reynslumikið, en þeir Sigmundur Már Herbertsson, Leifur Sigfinnur Garðarsson og Rögnvaldur Már Hreiðarsson halda um flauturnar í Blue-höllinni í kvöld.

Samtals eru þeir 154 ára gamlir en Sigmundur og Leifur eru báðir fæddir 1968 og þá er Rögnvaldur 54 ára gamall. Hjá FIBA er 50 ára aldurstakmark en hér heima mega menn dæma lengur á meðan þeir hafa heilsu og getu til.

Þessir þrír þrautreyndu dómarar voru fyrir nýhafið tímabil búnir að dæma samtals 4.800 leiki á vegum KKÍ, þar af 1.724 leiki í úrvalsdeild karla og 470 leiki í úrslitakeppninni. Tríóið hefur svo samtals dæmt 114 leiki í lokaúrslitum karla og níu oddaleiki enda verið ansi lengi að.

Leikur Keflavíkur og KR verður í beinni útsendingu á Stöð 2 Sport HD klukkan 20.00, beint á eftir viðureign Hauka og ÍR sem hefst klukkan 18.20. Domino´s-Körfuboltakvöld gerir svo upp 2. umferðarina klukkan 22.10.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.