Enski boltinn

Shaw búinn að framlengja

Henry Birgir Gunnarsson skrifar
Shaw fer ekki frá Old Trafford.
Shaw fer ekki frá Old Trafford. vísir/getty
Bakvörðurinn Luke Shaw skrifaði í dag undir nýjan fimm ára samning við Man. Utd. Þessi tíðindi hafa legið í loftinu síðustu daga.

Núverandi samningur átti að renna út næsta sumar en nú er ljóst að þessi 23 ára strákur verður á Old Trafford næstu árin.

Hann er sagður fá 150 þúsund pund í vikulaun eða 23,4 milljónir króna.

Stuðningsmenn Man. Utd fagna þessu væntanlega enda hefur frammistaða Shaw í vetur verið ljósið í myrkrinu hjá United. Shaw hefur verið mjög óheppinn með meiðsli síðustu ár en er kominn á beinu brautina.




Fleiri fréttir

Sjá meira


×