Lektor sagt upp hjá HR vegna ummæla um konur Birgir Olgeirsson skrifar 8. október 2018 16:08 HR hefur staðfest við Vísi að Kristinn hafi látið af störfum sem lektor við skólann. Lektor við tækni- og verkfræðibraut Háskólans í Reykjavík hefur verið gert að segja upp störfum hjá skólanum, annars verður honum sagt upp. Er það gert vegna ummæla sem lektorinn lét falla um konur á Facebook.DV fjallaði um ummæli Kristins Sigurjónssonar lektors í síðustu viku. Ummælin lét hann falla í lokuðum Facebook-hópi sem nefnist Karlmennskuspjallið. Þar sagði hann konur troða sér inn á vinnustaði þar sem karlmenn vinni. Konur eyðilegðu vinnustaðina því karlmenn eigi að „tala, hugsa og hegða sér eins og kerlingar, allt annað er áreiti“. Segi einhver neðanbeltisbrandara þá sé litið á það sem kynferðisofbeldi.Fyrst var greint frá uppsögn Kristins á vef Eiríks Jónssonar.Boðið að segja upp eða verða rekinn annars Kristinn segir í samtali við Vísi að honum hafi borist tilkynning frá rektor HR að kvöldi miðvikudagsins 3. október þar sem Kristni var tilkynnt að mál hans væri komið í ferli. Morguninn eftir var hann beðinn um að koma á fund með mannauðsstjóra skólans. Þar voru málin rædd en að endingu voru honum rétt tvö bréf. Annars vegar bréf þar sem hann tilkynnir um uppsögn sína og hins vegar bréf þar sem skólinn tilkynnir honum að honum hafi verið sagt upp störfum. Kristinn kennir ekki lengur við skólann eftir þennan fund og segist enn vera að hugsa málið, hvort hann eigi að segja upp eða að velja hinn kostinn, að láta skólann segja sér upp störfum. Hann segist vera að hugsa málið út frá því hvaða áhrif það mun hafa á atvinnuleysibætur, því hann sé 64 ára gamall og ekki viss um að fá aðra vinnu svo glatt.Ari Kristinn Jónsson er rektor HR en hann sat fundinn með Kristni í síðustu viku. Vísir/VilhelmUmmæli tekin úr samhengi Eiríkur Sigurðsson, forstöðumaður markaðs- og samskiptasviðs HR, segir í skriflegu svari til Vísis að Kristinn hafi látið af störfum við Háskólann í Reykjavík en sagðist að öðru leyti ekki geta tjáð sig um málefni einstakra starfsmanna skólans. Kristinn vill meina að ummæli sín á Karlmennskuspjallinu hafi verið tekin úr samhengi, það sem hann kallaði eftir var að aðgreina kynin á vinnustaðnum, líkt og Hjallastefnan gerir.Það er óskaplega erfitt að búa við að maður geti hvenær sem er fengið ára gamlar ásakanir sem er ekki nokkur leið að verja sig gegn. „Þetta er bara mitt sjónarmið. Svo var ég spurður hvernig væri að vinna með konum. Ég sagði að ég vildi það síður,“ segir Kristinn. Hann segir ummæli sín hafa verið látin falla vegna þess að karlmenn þurfi nú að sanna sakleysi sitt á ára gömlum ásökunum. Segist eiga ágæt samskipti við konur Hann segir að málinu hafi verið snúið á versta veg. „Mjög margar konur urðu sárar í stofnuninni þó ég hafi átt yfirleitt mjög góð samskipti við þær,“ segir Kristinn. Spurður hvort að hann hefði beðist afsökunar á þessum ummælum, segist hann aldrei hafa fengið tækifæri til þess. „Þetta lá alveg fyrir þegar ég var boðaður á fundinn. Ég reyndar vissi það ekki, það var byrjað að ræða svolítið um þetta. Svo þegar ég sá að umræðan var farin að endurtaka sig þá stendur mannauðsstjórinn upp, fer inn á skrifstofu sína og kemur til baka með þessa tvo kosti.“ Staðarlota framundan Hann vill meina að um ótrúlega uppákomu hafi verið að ræða. Venjulega sé kennurum sagt upp í lok kennslumisseris. „En þarna var það gert á miðju kennslumisseri og alveg með ólíkindum hvernig þess staða kemur upp.“ Kristinn segir að þegar honum var sagt upp þá var fyrirhuguð staðarnámslota hjá fjarnámsnemendum. „Ég hef ekkert heyrt í þeim en ég hugsa að þeir hafi orðið hissa. Ég ætlaði að vera með skyndipróf sem átti að gilda 20 prósent. Ég veit ekkert hvernig það fer.“ Hann segist ekki skilja neitt í þessu máli. „Annars vegar að háskóli skuli ekki virða tjáningarfrelsi og skoðanafrelsi og leyfa manni að ræða þetta, í hvaða samhengi þetta er. Þetta er bara í þessu samhengi að því nafni að ég vilji ekki vinna með konum Þegar menn geta fengið svona ásakanir á sig mörgum árum seinna og þegar útilokað er að verja sig. Og það er ekkert um þetta rætt.“ Frá Háskólanum í Reykjavík.Fréttablaðið/ErnirGagnrýninn á konur Á fundinum síðasta miðvikudag kom fram í máli mannauðsstjórans og rektorsins að Kristinn hefði talað niður til kvenna. Kristinn sagði þá umræðu komna til af því að hann hefur verið gagnrýninn á konur sem beita tálmunum á barnsfeður sína, það er meina þeim að hitta börnin sín. Hann hefur til að mynda skrifað ummæli við fréttir um slík mál og var haft orð á því á fundinum að hann væri mjög gagnrýninn á konur í ummælum sínum. „Í framhaldi af því hef ég líka gagnrýnt konur sem hafa varið slíkar tálmanir,“ segir Kristinn og nefnir til að mynda þær konur sem hafa gagnrýnt tálmunarfrumvarp Brynjars Níelssonar, þingmanns Sjálfstæðisflokksins. Hann segist þekkja feður sem hafa ekki hitt börnin sín í mörg ár og þess vegna eigi hann til að gagnrýna konur vegna þessara mála, sér í lagi femínista. Spurður hvort að hægt sé að steypa allar konur í sama mót segir hann langan veg frá því. „Ég er fyrst og fremst að gagnrýna þær konur sem gagnrýna svona frumvarp. Þetta er gríðarlega stórt vandamál í samfélaginu hversu margir feður fá ekki að sjá börnin sín og börnin eru ævarandi brennd á sálinni.“ Segist hafa forðast að vera með svívirðingar Eins og áður sagði hefur Kristinn verið fyrirferðarmikill í athugasemdarkerfum fjölmiðla en hann segist aldrei hafa fengið tiltal áður frá HR. „Þess vegna kemur mér þetta á óvart vegna þess að ég hef aldrei fengið athugasemdir um að ég ætti að gæta meiri hófsemi í minni gagnrýni. Ég vil meina að ég hafi alltaf verið málefnalegur og forðast að vera með persónulegar svívirðingar,“ segir Kristinn og bætir við að hann hafi yfirleitt vitnað í rannsóknir máli sínu til stuðnings um skaðsemi tálmana. Segist alveg geta unnið með konum Spurður hvort að hann telji sig í raun og veru ekki geta unnið með konum segir hann það vera tómt bull. „Ég vinn talsvert mikið með konum og mínir næstu yfirmenn í gegnum tíðina hafa verið konur og ég hef átt í mjög góðum samskiptum við þær. Ég skil ekki þessa umræðu. Þarna er ég bara að segja að það geti verið erfitt ef maður lendir í því í framtíðinni að þurfa að sanna sakleysi sitt, eigum við þá ekki bara að hafa Hjallastefnuna á vinnumarkaðinum? Þetta er bara spurning um það. Hún þykir gefa góða raun sú stefna. En ég er að gagnrýna hvernig þessi metoo umræða er orðin. Menn eru settir í gapastokkinn fyrir jafnvel 50 ára gömul mál.“ MeToo Uppsögn lektors við HR Mest lesið Varaforsetaefni í bobba vegna hundsdráps og meints fundar með Kim Erlent Kolbeinn hafi strokið kynfæri stúlkunnar ítrekað Innlent Katrín efst en Jón hrynur í nýrri könnun Innlent Ótrúlegustu aðskotahlutir gera óskunda í dósatalningarvélum Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Svona var Pallborðið með Höllu Hrund, Katrínu og Baldri Innlent Halla Hrund líka vinsæll annar kostur Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira
Lektor við tækni- og verkfræðibraut Háskólans í Reykjavík hefur verið gert að segja upp störfum hjá skólanum, annars verður honum sagt upp. Er það gert vegna ummæla sem lektorinn lét falla um konur á Facebook.DV fjallaði um ummæli Kristins Sigurjónssonar lektors í síðustu viku. Ummælin lét hann falla í lokuðum Facebook-hópi sem nefnist Karlmennskuspjallið. Þar sagði hann konur troða sér inn á vinnustaði þar sem karlmenn vinni. Konur eyðilegðu vinnustaðina því karlmenn eigi að „tala, hugsa og hegða sér eins og kerlingar, allt annað er áreiti“. Segi einhver neðanbeltisbrandara þá sé litið á það sem kynferðisofbeldi.Fyrst var greint frá uppsögn Kristins á vef Eiríks Jónssonar.Boðið að segja upp eða verða rekinn annars Kristinn segir í samtali við Vísi að honum hafi borist tilkynning frá rektor HR að kvöldi miðvikudagsins 3. október þar sem Kristni var tilkynnt að mál hans væri komið í ferli. Morguninn eftir var hann beðinn um að koma á fund með mannauðsstjóra skólans. Þar voru málin rædd en að endingu voru honum rétt tvö bréf. Annars vegar bréf þar sem hann tilkynnir um uppsögn sína og hins vegar bréf þar sem skólinn tilkynnir honum að honum hafi verið sagt upp störfum. Kristinn kennir ekki lengur við skólann eftir þennan fund og segist enn vera að hugsa málið, hvort hann eigi að segja upp eða að velja hinn kostinn, að láta skólann segja sér upp störfum. Hann segist vera að hugsa málið út frá því hvaða áhrif það mun hafa á atvinnuleysibætur, því hann sé 64 ára gamall og ekki viss um að fá aðra vinnu svo glatt.Ari Kristinn Jónsson er rektor HR en hann sat fundinn með Kristni í síðustu viku. Vísir/VilhelmUmmæli tekin úr samhengi Eiríkur Sigurðsson, forstöðumaður markaðs- og samskiptasviðs HR, segir í skriflegu svari til Vísis að Kristinn hafi látið af störfum við Háskólann í Reykjavík en sagðist að öðru leyti ekki geta tjáð sig um málefni einstakra starfsmanna skólans. Kristinn vill meina að ummæli sín á Karlmennskuspjallinu hafi verið tekin úr samhengi, það sem hann kallaði eftir var að aðgreina kynin á vinnustaðnum, líkt og Hjallastefnan gerir.Það er óskaplega erfitt að búa við að maður geti hvenær sem er fengið ára gamlar ásakanir sem er ekki nokkur leið að verja sig gegn. „Þetta er bara mitt sjónarmið. Svo var ég spurður hvernig væri að vinna með konum. Ég sagði að ég vildi það síður,“ segir Kristinn. Hann segir ummæli sín hafa verið látin falla vegna þess að karlmenn þurfi nú að sanna sakleysi sitt á ára gömlum ásökunum. Segist eiga ágæt samskipti við konur Hann segir að málinu hafi verið snúið á versta veg. „Mjög margar konur urðu sárar í stofnuninni þó ég hafi átt yfirleitt mjög góð samskipti við þær,“ segir Kristinn. Spurður hvort að hann hefði beðist afsökunar á þessum ummælum, segist hann aldrei hafa fengið tækifæri til þess. „Þetta lá alveg fyrir þegar ég var boðaður á fundinn. Ég reyndar vissi það ekki, það var byrjað að ræða svolítið um þetta. Svo þegar ég sá að umræðan var farin að endurtaka sig þá stendur mannauðsstjórinn upp, fer inn á skrifstofu sína og kemur til baka með þessa tvo kosti.“ Staðarlota framundan Hann vill meina að um ótrúlega uppákomu hafi verið að ræða. Venjulega sé kennurum sagt upp í lok kennslumisseris. „En þarna var það gert á miðju kennslumisseri og alveg með ólíkindum hvernig þess staða kemur upp.“ Kristinn segir að þegar honum var sagt upp þá var fyrirhuguð staðarnámslota hjá fjarnámsnemendum. „Ég hef ekkert heyrt í þeim en ég hugsa að þeir hafi orðið hissa. Ég ætlaði að vera með skyndipróf sem átti að gilda 20 prósent. Ég veit ekkert hvernig það fer.“ Hann segist ekki skilja neitt í þessu máli. „Annars vegar að háskóli skuli ekki virða tjáningarfrelsi og skoðanafrelsi og leyfa manni að ræða þetta, í hvaða samhengi þetta er. Þetta er bara í þessu samhengi að því nafni að ég vilji ekki vinna með konum Þegar menn geta fengið svona ásakanir á sig mörgum árum seinna og þegar útilokað er að verja sig. Og það er ekkert um þetta rætt.“ Frá Háskólanum í Reykjavík.Fréttablaðið/ErnirGagnrýninn á konur Á fundinum síðasta miðvikudag kom fram í máli mannauðsstjórans og rektorsins að Kristinn hefði talað niður til kvenna. Kristinn sagði þá umræðu komna til af því að hann hefur verið gagnrýninn á konur sem beita tálmunum á barnsfeður sína, það er meina þeim að hitta börnin sín. Hann hefur til að mynda skrifað ummæli við fréttir um slík mál og var haft orð á því á fundinum að hann væri mjög gagnrýninn á konur í ummælum sínum. „Í framhaldi af því hef ég líka gagnrýnt konur sem hafa varið slíkar tálmanir,“ segir Kristinn og nefnir til að mynda þær konur sem hafa gagnrýnt tálmunarfrumvarp Brynjars Níelssonar, þingmanns Sjálfstæðisflokksins. Hann segist þekkja feður sem hafa ekki hitt börnin sín í mörg ár og þess vegna eigi hann til að gagnrýna konur vegna þessara mála, sér í lagi femínista. Spurður hvort að hægt sé að steypa allar konur í sama mót segir hann langan veg frá því. „Ég er fyrst og fremst að gagnrýna þær konur sem gagnrýna svona frumvarp. Þetta er gríðarlega stórt vandamál í samfélaginu hversu margir feður fá ekki að sjá börnin sín og börnin eru ævarandi brennd á sálinni.“ Segist hafa forðast að vera með svívirðingar Eins og áður sagði hefur Kristinn verið fyrirferðarmikill í athugasemdarkerfum fjölmiðla en hann segist aldrei hafa fengið tiltal áður frá HR. „Þess vegna kemur mér þetta á óvart vegna þess að ég hef aldrei fengið athugasemdir um að ég ætti að gæta meiri hófsemi í minni gagnrýni. Ég vil meina að ég hafi alltaf verið málefnalegur og forðast að vera með persónulegar svívirðingar,“ segir Kristinn og bætir við að hann hafi yfirleitt vitnað í rannsóknir máli sínu til stuðnings um skaðsemi tálmana. Segist alveg geta unnið með konum Spurður hvort að hann telji sig í raun og veru ekki geta unnið með konum segir hann það vera tómt bull. „Ég vinn talsvert mikið með konum og mínir næstu yfirmenn í gegnum tíðina hafa verið konur og ég hef átt í mjög góðum samskiptum við þær. Ég skil ekki þessa umræðu. Þarna er ég bara að segja að það geti verið erfitt ef maður lendir í því í framtíðinni að þurfa að sanna sakleysi sitt, eigum við þá ekki bara að hafa Hjallastefnuna á vinnumarkaðinum? Þetta er bara spurning um það. Hún þykir gefa góða raun sú stefna. En ég er að gagnrýna hvernig þessi metoo umræða er orðin. Menn eru settir í gapastokkinn fyrir jafnvel 50 ára gömul mál.“
MeToo Uppsögn lektors við HR Mest lesið Varaforsetaefni í bobba vegna hundsdráps og meints fundar með Kim Erlent Kolbeinn hafi strokið kynfæri stúlkunnar ítrekað Innlent Katrín efst en Jón hrynur í nýrri könnun Innlent Ótrúlegustu aðskotahlutir gera óskunda í dósatalningarvélum Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Svona var Pallborðið með Höllu Hrund, Katrínu og Baldri Innlent Halla Hrund líka vinsæll annar kostur Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira