Skellt í lás á Austur: „Svikin loforð“ og „falskar ásakanir“ Kolbeinn Tumi Daðason skrifar 22. september 2018 22:51 Austur í Austurstræti hefur verið vinsæll skemmtistaður undanfarin ár. Vísir/Kolbeinn Tumi Fyrrverandi framkvæmdastjóri skemmtistaðarins Austur í Austurstræti tók rekstrarleyfi staðarins niður af vegg staðarins á föstudagskvöld. Hann segir það vera sameiginlega ákvörðun hans og starfsfólks að stöðva starfsemi þar þangað til fundað hefur verið með eiganda staðarins. Hann segir eigendur hafa farið fram með falskar ásakanir og loforð hafi verið svikin. Tungumálaörðugleikar hjálpi ekki til.DV greindi frá því í kvöld að ekki yrði opið á Austur í kvöld og hefði ekki verið það í gærkvöldi heldur. Staðurinn mun vera í eigu tveggja Írana en Ásgeir Kolbeinsson, sem lengi var einn af eigendum, hefur enga aðkomu að staðnum lengur. „Það hafa verið deilur í eigendahópnum og niðurstaðan er sú að við skiluðum inn leyfinu sem var á nafni framkvæmdastjóra okkar,“ segir Kamran Keivanlou, sonur annars eiganda staðarins, í samtali við DV í kvöld.Ósannar upplýsingar Víkingur Heiðar Arnórsson, fyrrverandi framkvæmdastjóri Austur, sendi frá sér tilkynningu í kvöld vegna fyrrnefndrar fréttar. Hann segir Kamran ekki fara rétt með. Lokunin hafi ekkert með deilur eigenda að gera. „Falskar ásakanir á hendur mér, svikin loforð og mistúlkun á upplýsingum til eiganda staðarins sem talar hvorki íslensku né ensku, gerði það að verkum að mér var vikið úr starfi sem framkvæmdastjóra Austurs fyrr í vikunni,“ segir Víkingur Heiðar. „Starfsfólk staðarins fékk ósannar upplýsingar um málsatvik, bæði að ég hafi farið í góðu og einnig hverjar ástæður uppsagnarinnar voru og ætluðu því einhverjir starfsmenn að halda áfram störfum sínum og opna staðinn fyrir helgina.“ Allt stefndi í að staðurinn yrði opinn á föstudagskvöldið en það breyttist um klukkan 22.Treystir ekki eigendunum „Þegar starfsfólk fékk að heyra sannleikann í málinu, þá var það sameiginleg ákvörðun allra starfsmanna Austur að standa saman og enginn starfsmaður vill vinna fyrir eigendur staðarins fyrr en búið er að gera hreint í málum staðarins og loforð eigenda hafa verið efnd.“ Víkingur segist því hafa tekið rekstrarleyfi staðarins niður en hann sé ábyrgðarmaður fyrir því sem skráður framkvæmdastjóri. Hann geti ekki treyst því að reksturinn fari fram með viðeigandi hætti enda hafi hann misst alla trú á eigendum og stjórnendum. „Austur verður ekki opnaður aftur fyrr en ég og eigandi staðarins höfum sest niður á fundi og samið um áframhaldandi rekstur Austur, þar sem ég mun hafa hagsmuni starfsfólksins í fyrirrúmi.“ Miklar deilur hafa verið um skemmtistaðinn undanfarin ár. Fyrst á milli Ásgeirs Kolbeinssonar og fyrrnefnds Kamran. Báðir höfðu lögfræðinga á sínum snærum og voru deilur fyrirferðamiklar í fjölmiðlum um tíma og kærði Ásgeir Kamran fyrir hótanir. DV segir Austur í eigu tveggja Írana, þeirra Effat Kazemi Boland og Gholamhossein Mohammad Shirazi. Boland er 72 ára gömul en Kamran er sonur hennar.Uppfært sunnudag 23. september klukkan 09:42: Kamran Keivanlou sonur eiganda staðarins Effat Kazemi Boland, vildi koma því á framfæri fyrir hennar hönd að hvorki hann sjálfur né móðir hans hefðu sakað Víking um neitt. Þvert á móti hefðu þau verið ánægð með störf hans á Austur auk þess sem þau hafi barist fyrir því að hann fengi áfram að vera framkvæmdastjóri. Hann telur líklegt að deilur hafi verið á milli Víkings og Gholamhossein Mohammad Shirazi. Mest lesið Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Ráðinn framkvæmdastjóri Landssambands veiðifélaga Viðskipti innlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Fyrrverandi framkvæmdastjóri skemmtistaðarins Austur í Austurstræti tók rekstrarleyfi staðarins niður af vegg staðarins á föstudagskvöld. Hann segir það vera sameiginlega ákvörðun hans og starfsfólks að stöðva starfsemi þar þangað til fundað hefur verið með eiganda staðarins. Hann segir eigendur hafa farið fram með falskar ásakanir og loforð hafi verið svikin. Tungumálaörðugleikar hjálpi ekki til.DV greindi frá því í kvöld að ekki yrði opið á Austur í kvöld og hefði ekki verið það í gærkvöldi heldur. Staðurinn mun vera í eigu tveggja Írana en Ásgeir Kolbeinsson, sem lengi var einn af eigendum, hefur enga aðkomu að staðnum lengur. „Það hafa verið deilur í eigendahópnum og niðurstaðan er sú að við skiluðum inn leyfinu sem var á nafni framkvæmdastjóra okkar,“ segir Kamran Keivanlou, sonur annars eiganda staðarins, í samtali við DV í kvöld.Ósannar upplýsingar Víkingur Heiðar Arnórsson, fyrrverandi framkvæmdastjóri Austur, sendi frá sér tilkynningu í kvöld vegna fyrrnefndrar fréttar. Hann segir Kamran ekki fara rétt með. Lokunin hafi ekkert með deilur eigenda að gera. „Falskar ásakanir á hendur mér, svikin loforð og mistúlkun á upplýsingum til eiganda staðarins sem talar hvorki íslensku né ensku, gerði það að verkum að mér var vikið úr starfi sem framkvæmdastjóra Austurs fyrr í vikunni,“ segir Víkingur Heiðar. „Starfsfólk staðarins fékk ósannar upplýsingar um málsatvik, bæði að ég hafi farið í góðu og einnig hverjar ástæður uppsagnarinnar voru og ætluðu því einhverjir starfsmenn að halda áfram störfum sínum og opna staðinn fyrir helgina.“ Allt stefndi í að staðurinn yrði opinn á föstudagskvöldið en það breyttist um klukkan 22.Treystir ekki eigendunum „Þegar starfsfólk fékk að heyra sannleikann í málinu, þá var það sameiginleg ákvörðun allra starfsmanna Austur að standa saman og enginn starfsmaður vill vinna fyrir eigendur staðarins fyrr en búið er að gera hreint í málum staðarins og loforð eigenda hafa verið efnd.“ Víkingur segist því hafa tekið rekstrarleyfi staðarins niður en hann sé ábyrgðarmaður fyrir því sem skráður framkvæmdastjóri. Hann geti ekki treyst því að reksturinn fari fram með viðeigandi hætti enda hafi hann misst alla trú á eigendum og stjórnendum. „Austur verður ekki opnaður aftur fyrr en ég og eigandi staðarins höfum sest niður á fundi og samið um áframhaldandi rekstur Austur, þar sem ég mun hafa hagsmuni starfsfólksins í fyrirrúmi.“ Miklar deilur hafa verið um skemmtistaðinn undanfarin ár. Fyrst á milli Ásgeirs Kolbeinssonar og fyrrnefnds Kamran. Báðir höfðu lögfræðinga á sínum snærum og voru deilur fyrirferðamiklar í fjölmiðlum um tíma og kærði Ásgeir Kamran fyrir hótanir. DV segir Austur í eigu tveggja Írana, þeirra Effat Kazemi Boland og Gholamhossein Mohammad Shirazi. Boland er 72 ára gömul en Kamran er sonur hennar.Uppfært sunnudag 23. september klukkan 09:42: Kamran Keivanlou sonur eiganda staðarins Effat Kazemi Boland, vildi koma því á framfæri fyrir hennar hönd að hvorki hann sjálfur né móðir hans hefðu sakað Víking um neitt. Þvert á móti hefðu þau verið ánægð með störf hans á Austur auk þess sem þau hafi barist fyrir því að hann fengi áfram að vera framkvæmdastjóri. Hann telur líklegt að deilur hafi verið á milli Víkings og Gholamhossein Mohammad Shirazi.
Mest lesið Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Ráðinn framkvæmdastjóri Landssambands veiðifélaga Viðskipti innlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira