Sport

Djokovic vann annan risatitilinn í röð

Ástrós Ýr Eggertsdóttir skrifar
Djokovic kyssir bikarinn í nótt
Djokovic kyssir bikarinn í nótt Vísir/Getty

Serbinn Novak Djokovic hafði betur gegn Juan Martin del Potro í úrslitum Opna bandaríska risamótsins í tennis.

Djokovic vann í þremur settum 6-3, 7-6 (7-4), 6-3 og tryggði sér sigur á Opna bandaríska í þriðja skipti á ferlinum. Djokovic vann Wimbledon mótið í júlí og hefur því unnið síðustu tvö risamótin.

Þetta var fjórtándi risatitill Djokovic, aðeins hans helstu keppinautar síðustu ár Roger Federer og Rafael Nadal hava unnið fleiri.

Argentínumaðurinn del Potro var að spila í úrslitum risamóts í fyrsta skipti síðan árið 2009 en hann var næstum því hættur í tennis árið 2015 eftir erfið meiðsli á úlnlið.

Serbinn var hins vegar of stór biti fyrir del Potro, hann spilaði nær óáðfinnanlega og sannaði afhverju hann var besti maður heimslistans.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.