Viðskipti innlent

Ballið búið hjá Oddsson í JL-húsinu og Þjóðverjar mæta á svæðið

Kolbeinn Tumi Daðason skrifar
Oddsson hefur verið í JL-húsinu undanfarin rúm tvö ár.
Oddsson hefur verið í JL-húsinu undanfarin rúm tvö ár. vísir/vilhelm

Hótelinu Oddsson í Vesturbæ Reykjavíkur verður lokað í næstu viku. Eigandinn vill ekki upplýsa hvað stendur til en samkvæmt heimildum Vísis mun þýsk hótelkeðja taka yfir reksturinn. Starfsmönnum var tilkynnt um þetta og sagt upp fyrir um þremur vikum. Þeir fá þó laun greitt út nóvember.

Á bókunarsíðu hótelsins er illmögulegt að bóka herbergi eftir 17. september. Starfsmaður Oddsson staðfesti í samtali við Vísi að lokunin stæði til þann 16. september.

Ætla að gjörbreyta hótelinu

Margrét Ásgeirsdóttir fjárfestir, sem á helmingshlut í félaginu JL Holding, eiganda JL-hússins, í gegnum félag sitt S9 ehf. sagði ekki tímabært að greina frá því hvaða breytingar væru í farvatninu. Starfsfólki hefur þó verið greint frá því að þýskir aðilar ætli að gera heilmiklar breytingar á húsnæðinu. Þar verði þó áfram rekið hótel.

Vísi er ekki kunnugt um hve mörg gistirými er á hótelinu en upphaflega var sótt um leyfi fyrir 185 gistirými eða rúm. Herbergin eru á 4. og 5. hæð hússins en á 2. og 3. hæð er Myndlistarskólinn í Reykjavík með starfsemi sína.

Móttaka og opið rými með bar var að finna á jarðhæð og sömuleiðis veitingastaðinn Bazaar. Hann var rekinn þar til í janúar á þessu ári þegar rekstrinum var hætt. 


Karókí kveðjustund

Hótelið var opnað í maí 2016 en um er að ræða hótel með andrúmslofts farfuglaheimilis eins og komist er á orði á heimasíðunni. Meðal þeirra sem komu að hótelinu var knattspyrnukappinn Arnar Gunnlaugsson fyrrnefnd Margrét Ásgeirsdóttir. Þau eru einu eigendur hótelsins í dag.

Áhugafólki um karókí gæti brugðið nokkuð við tíðindin en á jarðhæð Oddsson var að finna karókíherbergi sem var vinsælt til útleigu. Síðasti möguleiki á að bóka herbergið er 16. september.

Samkvæmt heimildum Vísis er til skoðunar að flytja starfsemi Oddsson í annað hótelrými í borginni.

Fréttin hefur verið uppfærð þar sem ranglega kom fram að Tryggvi Þór Herbertsson hefði verið á meðal eiganda eins og fram kom. Hann kom að rekstri veitingastaðnum Bazaars um tíma en var aldrei eigandi í hótelinu að sögn Margrétar Ásgeirsdóttur. Beðist er velvirðingar á þessari rangfærslu.


Tengdar fréttir

Tryggvi Þór seldi sig út úr veitingastaðnum Bazaar

Tryggvi Þór Herbertsson, fjárfestir og fyrrverandi þingmaður Sjálfstæðisflokksins, seldi tæpan helmingshlut sinn í veitingastaðnum Bazaar í október til hóps fjárfesta undir forystu athafnakonunnar Margrétar Ásgeirsdóttur og knattspyrnumannsins fyrrverandi Arnars Gunnlaugssonar.

Blanda af há- og lág­menningu

Hönnunarfyrirtækið Döðlur hefur vakið mikla athygli fyrir hönnun sína á Oddsson hótelinu í gamla JL húsinu. Virtar hönnunarsíður á borð við Dezeen og DesignMilk hafa fjallað um hönnunina sem þykir skemmtilega óhefðbundin. Hönnun þar sem andstæður kallast á.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,25
2
48.600
SKEL
0,66
3
89.276
GRND
0,62
1
16.100
SYN
0,2
3
127.020
MARL
0,13
7
28.952

Mesta lækkun dagsins


Félag
Br.%
Fjöldi
Velta*
ICEAIR
-1,39
10
48.327
VIS
-1,15
3
34.510
TM
-0,52
3
34.622
FESTI
-0,2
1
9.980
EIK
-0,13
1
7
Velkomin á Vísi. Þessi vefur notar vafrakökur. Sjá nánar.