Handbolti

Flugeldasýning hjá Stefáni og félögum í síðari hálfleik

Anton Ingi Leifsson skrifar
Stefán í eldlínunni í kvöld.
Stefán í eldlínunni í kvöld. mynd/twitter-síða Pick
Stefán Rafn Sigurmannsson og félagar í Pick Szeged eru með fullt hús stiga í ungversku úrvalsdeildinni í knattspyrnu eftir 40-25 sigur á Mezökövesdi KC í kvöld.

Í fyrri hálfleik var nokkuð jafnræði með liðunum en þegar líða fór á hálfleikinn náðu meistararnir í Szeged góðu forskoti og leiddu með sjö mörkum í hálfleik, 20-13.

Í síðari hálfleik var aldrei spurning hvoru meginn sigurinn myndi enda. Stefán og félagar fengu einungis tólf mörk á sig í síðari hálfleik og skoruðu tuttugu. Lokatölur fimmtán marka sigur, 40-25.

Pick Szeged er með átta stig eftir fyrstu fjóra leikina en þeir hafa byrjað tímabilið í Ungverjalandi af miklum krafti. Þeir ætla greinilega að verja titilinn en Veszprém mun veita þeim harða samkeppni.

Stefán Rafn átti góðan leik í kvöld og skoraði sex mörk. Hann var markahæsti leikmaður vallarins.




Fleiri fréttir

Sjá meira


×