Innlent

Telja ólögleg vímuefni skaðlausari en þau löglegu

Stefán Ó. Jónsson skrifar

Mikil viðhorfsbreyting hefur orðið hjá ungu fólki til fíkniefna á síðustu árum að sögn áfengis- og vímuefnaráðgjafa. Hann hvetur foreldra til að ræða við börn sín um fíkniefnaneyslu og að í þeim efnum gildi hið fornkveðna - því fyrr, því betra

Mikil sprenging hefur orðið í neyslu ólöglegra vímuefna á Íslandi á undanförnum árum. Til að mynda er áætlað að það sem af er ári hafi 32 einstaklingar látið lífið vegna ofneyslu ólöglegra fíkniefna, samanborið við 30 allt árið í fyrra.

Guðrún Björg Ágústdóttir, áfengis- og vímuefnaráðgjafi, hefur áhyggjur af þessari þróun. Í fyrirlestri sem hún hélt í dag í Vigdísarstofur ræddi Guðrún um hið nýja mynstur í vímuefnaneyslu þjóðarinnar. Hún segir að miklar breytingar hafi orðið í málaflokknum á síðustu árum, ekki aðeins sé hægðarleikur fyrir ungmenni að verða sér úti um hin ýmsu vímuefni, heldur hafi orðið mikil viðhorfsbreyting til fíkniefna. 

„Unga fólkið sem er að prófa að nota vímuefni segist reykja gras en ekki blanda því í tóbak, því tóbak sé svo hættulegt. Þau drekka ekki áfengi því að það er stórhættulegt. Þau nota aðra vímugjafa og eru þá með alls konar upplýsingar á netinu um hversu heilsusamlegir þeir eru,“ segir Guðrún.

Það sé lykilatriði að foreldrar afli sér upplýsinga um vímuefni þannig að þeir geti verið viðbúnir, ef á daginn kemur að börn þeirra séu í neyslu. Þá segir Guðrún að foreldrar ættu að leita sér aðstoð fyrr en síðar, enda geti snemmtækt inngrip skipt sköpum.

„Það er best að koma sem fyrst. Foreldrar kannski sjá einhver einkenni í lífi unglingsins, hann er kannski farinn að skrópa í skólann, farinn að sofa yfir sig, hættur að umgangast fjölskylduna, hættur að vera í tómstundum. Stundum þora foreldrar ekki að spyrja eða ræða það því að þeir vita svo lítið um þetta.“

Guðrún ráðleggur foreldrum sem viljast spyrjast fyrir um vímuefnaneyslu barna að setja sig í samband við stofnanir á borð við SÁÁ eða Foreldrahús.


Tengdar fréttir

Skipulögð brotastarfsemi með fíknilyf

Karl Steinar Valsson boðar frekari samvinnu lögregluyfirvalda við önnur lönd vegna aukinnar brotastarfsemi með fíknilyf. Lögregluyfirvöld hafa rannsakað tæplega fjörutíu mál sem varða innflutning einstaklinga á fíknilyfjum til landsins frá áramótum.

Stóraukin neysla róandi lyfja í 10. bekk

Ellefu prósent nemenda í 10. bekk segjast hafa notað róandi lyf eða svefntöflur í nýrri könnun Rannsókna & greiningar. Dósent í sálfræði segist greina mikla aukningu á neyslu slíkra lyfja á meðan neysla á öðrum dregst saman.

Mamma kom til baka, þá get ég það líka

Mæðgurnar Hilda Jana Gísladóttir og Hrafnhildur Lára Ingvarsdóttir hafa báðar þurft að fóta sig á nýjan leik í lífinu án áfengis og fíkniefna. Hrafnhildur segir móður sína hafa bjargað lífi sínu meðal annars með því að vísa henni á götuna á Akureyri.

Auglýsa í stórum stíl á sölutorgi fyrir fíkniefni

Erfitt er fyrir lögregluna að eiga við síður og forrit þar sem fíkniefni eru boðin til kaups. Jafn auðvelt er að panta fíkniefni með heimsendingu og að panta pitsu. Margeir Sveinsson aðstoðaryfirlögregluþjónn líkir ástandinu við frumskóg.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.